JEREMIA 38:17 - OTSAO BAIBEL (BSI)

¹⁷ Ifüima kue Jowanpa, Israel nok Khüthak Zang-e akaxkya kax Zedekiah hama wünle thüi: “Nange Babilon nok pünlix-wangchongbu chak to ma tsün danle jangchang, nang khangkho münamüt, ilaxle ija tingnu a zokle ashun ang müntom. Nang tamchu nang homkha pangwüi azünüi.

JEREMIA 38:17 ပူးပေါင်းရင်းမြစ်များ

JEREMIA 27:12

Ija kaxkax wüi kue Judah nok wanghompa Zedekiah füichu akaxpu: “Babilon wanghompa chak to koxlax. Chix tamchu chix khünaknu thothale changlax, ikoxtix nang ozün ma ngoüi.

JEREMIA 38:2

“Tingnu ma opangsa ngolaxüihex, hwom a zanhok ma chichangba woknuak-tilan ma chichangba okak-olak ma ziüi. Ikoxle opangsa koto lailaxle Babilon nok chak to ma alüile koxle changüihex hwom a münziüi; hwom a mik chimaxle thüingaxchu azangle pao ang kopüi.”

JEREMIA 27:17

Hwom kax to taxapakop! Babilon nok wanghompa chak to koxlax ilaxle hünzom ozün ma ngolax! Ija tingnu chemkhoma pünle ama toxkyabu nui-ting ang chang angkya?

JEREMIA 39:3

Chemtue Jerusalem hwople koppuix, Babilon nok angkya wanghompa nguakax-wangkhobu achongchong pangwüi ngui ilaxle Osungkha angkya Zünkai ziakop, ikhama Nergal Sharezar, Samgar Nebo, Sarsekim, hia mama Nergal Sharezar ibu womle.)

2 WANGHOMBU 24:12

ilaxle chix honu, chix sasün hwom, chix nguakax-wangkhobu, tamchu wanghom homlo ma okax-okhobu, ibu füi tomle wanghompa Jehoiakim-e Babilon nok chak to ma chak ajongle kox. Chixe apünkya zanglao 8 lükya to Nebukadnezar-e Jehoiakim a zanda ang laxlaxle pao,

AMOS 5:27

Ija kax, Khüthak Zang le amünkya Jowanpa, kue akaxpu.”

MÜNCHUAK-TSAI 80:14

Kwom hato chat-hüi, Khüthak Zang! Zangkangting tokhange kwom to huhüi; nguilaxle nang khünaknu khosünhüi!

MÜNCHUAK-TSAI 80:7

Khüthak Zang, kwom chatle chat ang tomhüi! Kwom ang nang chingcha ahohüi, ikoxtix kwome khosün ataktsuaküi!

1 PUKAX-PANGAO 17:24

Nang mowün tüle chongle paoüi, ilaxle khünaknue jento thüiüi, ‘Pangnusa to lütkya Khüthak Zang a Israel nok Zang changle.’ Ilaxle nange ku wangting othuithuima sünle thomüi.

JOB LAIPEX 23:13

Chix a chemtuechu loploplüile münchang; owachu chix füi münapantho; chichangba chix mongtsukya mok ang owaechu chix abax ang müntho.

IZRA 9:4

Ku ikhama mongmaxle tsomfüi tö kox angkya hanpak nguikya kople thungle ngo, ilaxle khünaknu ku akhople asox ang süt. Ibu a, zanda ang ngokya chatkya Israel khünakbu hanpakma Israel nok Zang-e, hwom ochax thama bama akaxkya atatlaxle abüt-abanle tüikya khünakbu changkya.

PONGWANG LAIPEX 12:13

Hwom hama nang a kunao changle le akaxlax; ile nang hanpakma hwome ku to müile humele thomüi.”

2 WANGHOMBU 25:27

Babilon ma Ewilmerodak wanghom ang achangkya zanglao ma, chixe Judah nok wanghom Jehoiakin kunkha tokya danle, chix hato chingcha aho. Jehoiakin zanda ang kople kun ma shokya füima zanglao 37 ma lyetjang 12 ma nyixtsa anüt lükya to ija ile chang.

JEREMIA 27:8

“Ikoxle owawa jat-li hia wangting tuitae chix ang apün ang chitomle jangchang, kue ija onok to ochax-oza, woknuak-tilan ibu füi, Nebukadnezar chak to hwom komkaile maxle machang machangle sikangünüi.

JEREMIA 40:9

Gedaliah-e hwom ang thüi: “Kue hünzom ang thüipu, hünzom hanpakma Babilon nok chak to chak ajongle kox ang chem abüt-aban angkya oli müntüi. Ija haxtok ma ngolax, Babilon nok wanghompa thothale ngolax, ile jangchangba hünzom zongto oma chemchu müntüi.

EZEKEL 8:4

Ikhato kue Israel nok Zang womle tüikya nyankya zangngai kue ngün. Ija a ku Kebar Shuanu zui ma ngopongma ngünkya lailaile tüikya.

JEREMIA 44:7

“Ikhoma, ku, Jowanpa, Israel nok Khüthak Zang-e, athax hünzome büthüikoxle iningkya ochax mwot mokpule alüile ma ma atüile. Hünzome, lüka, sheko, naosom hia pexlaksa hwom opupuchu ota chitoxle bakle naxmaxdaole thütpia?