JEREMIA 36:9 - OTSAO BAIBEL (BSI)

⁹ Judah ma wanghompa ang Jehoiakim ngokya zanglao aga lükya lyetjang aku to, Jowanpa chingcha kop angkya hanpakma khünaknue chisax-chilingle zangjop lax. Jerusalem ma ngole tüikya hia Judah nok tinglongbu tokhange nguikya khünakbue ija zangjop lax.

JEREMIA 36:9 ပူးပေါင်းရင်းမြစ်များ

2 PUKAX-PANGAO 20:3

Jehusafat tüle za ilaxle Jowanpa ma tikshole chix lom azui angkya hanpakma zangjop. Ifüima chixe chix chaxwan pangnu khato wüi chisax-chilingle zangjople atsao angkya kax kox.

JONA 3:5

Ninewi tingnu angkya khünaknue Zang kaxho to mongong. Ikhoma khünak pangwüi, chongkya makhange hixkya kople, hwom mong alopkya aho ang nyikhwon awunle chisax-chilingle atsao.

JEREMIA 36:22

Ija a zangwa changkya ilaxle wanghompa a chix zangwa wanghom homlo ma wünzui ma thungle tüikya.

ESTAR 4:16

“Paokox, ilaxle Susa angkya Judah khünaknu pangwüi sele asox kox; ilaxle ku hanpakma chisax-chilingle atsaole zangjop kox. Nyixzom wünzom hanpakma chemchu taxsax taxling. Ku dacha kwome chuwüi ile changüi. Ile chang füima, wanlom ma chitüi koxlechu ku wanghom hato nguiüi. Ile changkya khoma mik max angkya laikoxchu ku mik naxmax kox.”

ZEKARIA 8:19

“Lyetnu kua ali, aga, anüt hia bün ma süt chisax ti chilingle atsaole changkya a Judah ma ngokya khünaknu hanpakma pwonla dongkya pangpwonbu ang changüi. Hünzome kaxtsing zangwün hia tumüi to mongkün angkya changpu.”

JOEL 1:13

Nyikhwon awunlax ilaxle soplax, hünzom tö-tsap ma thothale ngokya nguapabu! Zangshwom-Hom to nguilax ilaxle zang angaile soplax! Hünzom Zang ang tö kox angkya saxziak hia grepti-ju chemchu müntüi.

JEREMIA 36:1

Josiah sasün Jehoiakim Judah ma wanghom ang achangkya zanglao ali lükya to Jowanpae ku füi akax,

NEHEMIA 9:1

Ija lyetjangjang ma wüi nyixtsa ali nyixkha Israel khünaknu a hwom ochaxbu khoma mongmax ahole chisax-chilingle atsao angkya hanpakma asox. Hwome hwom lailai to mixnokbu füi atsaile changdaoa. Hwom mongma aho ang hwome nyi-za otsyenbu lax üntoxle khangpongbu ma haxbu füi lyet. Ifüima hwom ajong ilaxle hwome tamchu hwom pupa hwome lyenkya ochax pangwüi ngai.

KAXFÜNPA-HWOM 20:26

Ifüima Israel khünaknu pangwüi Bethel to ka ilaxle ikhato mangsop. Hwom ikhato Jowanpa tunthoma ngo ilaxle hansong alople hwome sax-lingle chichang. Hwome Jowanpa ngwotnui ma notom-tusüi tö hia otom ma lanle zokle ashunkya töbu kox.

1 SAMUEL 7:6

Ikhoma hwom pangwüi Mizpah ma asox. Hwom hidaole tikholaxle Jowanpa to tökya tuita ang thokle koxle awüt ilaxle nyixtungtale chisax-chilingle atsaole zangjop. Hwome thüi: “Kwome Jowanpa zongto ochax lyenle changdaoa.” (Mizpah ma Samuel-e Israel nok füi zangwün tsaifün-kaxwünle tsuak.)

JEREMIA 36:6

Ikoxle khünaknue anaole chisax-chilingle zangjop laxkya zuma ikhato nang dong koxle müiüile thütpu. Nange ija laitün akhongle eüi, ilaxle Jowanpae ku füi akaxkya kax kue nang hama chemle taile zexzai fapuix ibu pangwüi noknue atat ang kopüi. Noknusae nang kaxzing atat ang tho angkya onui ma nang ija ile mokkox; hwom tinglongbu tokhange nguile tüikya Judah khünakbuechu ija kax atat angkya oli changpu.

JOEL 1:14

Chisax-chilingle atsao angkya kax koxlax; khünaknu sele asoxlax! Lompabu asox ang tomlax ilaxlechu Judah angkya khünaknu pangwüi Jowanpa hünzom Zang Zangshwom-Hom to nguilaxle chix hato sople ozing adün ang a!