“Ibu pangwüi kue kaiwüi ile chang angkya tsuakle thompule atat laxmami? Athax kue ija ile chang ang tompu. Zyakople thomkya tingnubu tingtakle ama laxle oma-oshix athünkya nui ang achang angkya nang ang kue tsak-zong koxpu.
Filistia nok tokhange nguikya kaxhomixbu kax to keme chemle lanüi? Zaion a Jowanpae sikngün apongle ngokya chix khünakbue ima nazak kop angkya hanpakmale zingpu, le keme lanüi.
Jowanpae chix hom a zangkho tingto zai, ilaxle chaxwannu thak ma zangding ohua zingle alai. Chixe Tinu kha tokya ti nyak ilaxle ibu a chaxwannu ding to thok. Chix mün a Jowanpa changpu!
Lyettsibu a Jowanpae zing, Pleiad hia afoxle tüikya lyettsi chepnu ningkyabu a. Chixe zangnaknu a anyixningkya zangngai ang achang ilaxle anyixning a awünning ang achang. Chixe Molo Tinu tokya tibu nyak ilaxle ibu chaxwannu ding to thok. Chix mün a Jowanpa changle.
Jakop Zang a ibu ningle chichang; chix a jalinusa zingle alaikya Zang, ilaxle chixe Israel nok a chix khünaknu ang zünle kop. Jowanpa Khüthak Zang a chix mün changpu
Ikhoma Jowanpae thüi: “Tamfang ma pangnusa hanpakma jat-libu ang kue ku tsak-zong hia janzüi awan ang koxüi; ilaxle hwome ku a Jowanpa changpule awanle laxüi.”
Jakop Zang a hwom lailaikya münchang; chix a jalinusa zingpupa changle, ilaxle chixe Israel a chix khünaknu ang zünle kopdaoa. Jowanpa Khüthak Zang a chix mün changle.