JEREMIA 32:30 - OTSAO BAIBEL (BSI)

³⁰ Israel hia Judah nok pukax pongwang tokhange wüi, hwom mwot makhange ku ang mong amale hüipu.

JEREMIA 32:30 ပူးပေါင်းရင်းမြစ်များ

JEREMIA 25:7

Ikoxle Jowanpa chix jaoe hünzome chix kax ma münlaxpule angamkya kax akaxpu. Itülüi hünzome chapabu zingle shwomkya makhange chix ang mong atsikpu ilaxle hünzome alüile chix sikngün hünzom hato apüile laxlaxpu.

JEREMIA 22:21

Nang ahak-aluale tüipongma Jowanpae nang füi zangwünpu, ikoxle nange mün-apapule angam. Nange nang tsün-tsün ma ilele wüi mokle hüipu; nange Jowanpa kax ma otuechu chilaxpu.

JEREMIA 3:25

Kem a zakkop ma jiplaxle thünzake kem to thünzak füi chwop ang tomkya li. Keme ilaxle kem pupa hwome Jowanpa kem Zang zongto jento achaxle hüidaoa; keme otuechu chix kaxtombu kax ma chilax.”

JEREMIA 2:7

Kue hwom haxzao füikya haxtok to apüipu, ikhatokya puamün hia müikya oli saxlaxle naxchang koxle. Ikoxle hwom ku haxtok mix thomjo; kue hwom ang koxkya haxtok hwome akhu ang tom.

ISAIA 63:10

ikoxlechu hwome chix füi alünle ajong ilaxle chix otsao chasa ang mong ama. Ikhoma Zang a hwom zanpa ang achang ilaxle hwom füi azan ang süt.

PONGWANG LAIPEX 8:21

Chemtue Jowanpae ija ongan müikya atumle laxpuix, chixe chix mongto thüi: “Khünak khoma hexle kue tamchatle haxtok to thuakzomle münchangüi; chemthüikoxle khünak mongjang a chix naosün ma tüitan tokhange wüi ochax changle. Kue hwondaokya ningle tamchatle ozün ma tüikya zünmok max ang müntomüi.

EZEKEL 23:3

Chemtue hokhi naosa ma tüikya hex, Ijip nok to ngole tüipongma, ikhato naocha chang zak ilaxle tsangtsa hangkya mixcha nyi ang achang.

EZEKEL 20:28

Kue hwom ang koxüihex-ole tsaole thomkya haxtok to kue hwom apüi. Chemtue hwome haxkho tsuakyabu hia hingkwonkya pünbu ngünle laxpuix, ibu pangnu chitong ma hwome töbu kox. Hwome zokle tö koxkya hia tö ang ju thokle koxkya, ibu makhange hwome ku ang mong atsikle.

EZEKEL 20:8

Ikoxle ngaithole hwome ku kax aba ilaxle ku kax ma münlaxpule angam. Hwome nushix dongkya hwom chapabu chiawüt chichangba Ijip nok baozangbu hwome danle chitox. Ijip nok towüi ku a hwom ang ku mongtsik janzüi komkaile apong ang tomüile achwon ngokya.

JEREMIA 8:19

Apalax! Haxtok pangkha towüi Ile ku khünaknu akhongkya kue atatle, “Zaion ma Jowanpa münngo hia? Zaion nok wanghompa ima müntüi hia?” Jowanpa, hwom wanghompa-e lan, “Hünzome ma chapabu to shwomlaxle tamchu laxli chitüikya mixnok baozangbu tong to akhuxlaxle ku ang mong büthüikoxle amapu?”

JEREMIA 11:17

“Ku, Jowanpa Khüthak Zang-e Israel hia Judah nyi küi-thwomkya changpu; ikoxle athax kue hwom a thama füi azapu. Hwome achaxkya khoma hwom khangkho to ija thama alüile ahüilaxpu; hwome Bal ang töbu koxle shwomkya makhange ku mong atsik laxpu.”

JEREMIA 30:14

Hünzom mongkünbue hünzom alakle awütdaoa; hwome hünzom hanpakma athax humele müntüi münchang. Kue hünzom to zan to singkya ningle singpu 2 hünzom zothup tsakle wüi changkya chemthüikoxle hünzom ochaxbu a huanu chang koxle ilaxle hünzom chichang-chizangkya a chongle chang koxle.

JEREMIA 36:2

“Laitün tuita koplax ilaxle Israel nok hia Judah nok tamchu chaxwannu nok pangwüi hanpakma kue nang hama akax daokyabu ku kax pangwüi lai ma zale koplax. Josiah wanghom ang ngopong tokhange athax kopkya mong ma kue nang füi chempang akaxle hüidaopuix ibu pangwüi zale koplax.

JEREMIA 44:3

chemthüikoxle hwom khünakbue ochax mwot mok ilaxle ku ang mongtsik adünle changdaoa. Hwome mama baozangbu ang zokle ashunle töbu kox ilaxle hünzomechu tamchu hünpu hünpa hwome shwomle chihüikya baozangbu thothale changdaoa.

JEREMIA 25:6

Hwome hünzom hama mama baozangbu to shwom-tole hia ibu thothale chichang angkya, ilaxle hünzome zingle alaikya chapabu to shwomle changkya makhange hünzome Jowanpa ang mongtsik chiadün angkya akaxpu. Hünzome Jowanpa kax ma laxle tüikoxba, chixe hünzom to sikangünle münchangse.

JEREMIA 44:8

Hünzom ngo ang nguikya Ijip haxtok, ikhato hünzome chapabu to shwom ilaxle mama baozangbu ang töbu koxkya füi ku ang mong büthüikoxle atsikpu? Zangfang angkya khünaknue hünzom chanyi-wanjaile tamchu hünzom mün othuak-ozom lom to lünle changkya füi hünzom alüile olithule naxmax ang ile mok pia?