JEREMIA 32:3 - OTSAO BAIBEL (BSI)

³ Wanghompa Zedekiah-e ku kun to shole thom ilaxle chixe ku ma: “Kue ija tingnu a Babilon nok wanghompa ang kop ang tomüi,

JEREMIA 32:3 ပူးပေါင်းရင်းမြစ်များ

KAXHO MÜIKYA LUK 20:2

Ilaxle chix ang thüi: “Kwom hama apua hüi, chemtsak-chemzong füi nange ibu mokpu? Chichangba ibu mok angkya hanpakma nang ang tsakzong koxkya owa?”

AMOS 7:13

Ikhato Bethel ma tam taxaje ngo. Ija a wanghompa-e shwomkya onui, onok zangshwom-hom changpu.”

JEREMIA 38:8

Ikhoma Ebedmelek ikhato ngui ilaxle wanghompa ang thüi:

JEREMIA 38:4

Ifüima nguak-wangkhobu wanghompa hato ngui ilaxle thüi: “Ija khünak ang lang koxle müiüi. Ija ningle zangwünkya füi chixe tingnu angkya süpahibu ang mong ahikle, ilaxle tingnu ma danle toxkya pangnusa füi chixe ile mokle. Chixe khünaknu to fong ang münazong; chixe hwom mongthomzün angkya tata thütle.”

JEREMIA 27:8

“Ikoxle owawa jat-li hia wangting tuitae chix ang apün ang chitomle jangchang, kue ija onok to ochax-oza, woknuak-tilan ibu füi, Nebukadnezar chak to hwom komkaile maxle machang machangle sikangünüi.

JEREMIA 5:3

Jowanpae otsing tomtata ma mongong tüikya mix lompu. Chixe hünzom to hongpu, ikoxle hünzome ojao nakhwop chikex; chixe hünzom zutle akhixpu, ikoxlechu hünzome awanle münkoppu le angam. Hünzom ang mong-khüi ilaxle ochaxbu tokya hünzom mong münchatpule na tüt.

JEREMIA 2:30

Kue hünzom to zothuple changpu, ikoxle hünzome müikya chemchu chimok; hünzome ku ang hünzom achangle zing ang chitom. Tüle shix-makya mailang tuita ningle, hünzome hünzom ajebu langle awütpu.

2 PUKAX-PANGAO 28:22

Chix tingtuibu huanu ziama ma changpong khae, ija mixsün Ahaz-e ozangjang to kaile Jowanpa zongto ochax lyen.

LAIPAO 5:4

Wanghompa-e Mosa hia Arun nyi füi akax: “Khünakbue hwom mwot chimokle dantox angkya hünzome chem zang wünpu? Da ibu chatle mwot to süt ang tomkox!

JEREMIA 21:3

Ipongma Jowanpae ku füi akax, ilaxle kue ibu zangwün ku hato nguikya khünakbu hama wün

JEREMIA 34:21

Wanghompa Zedekiah hia chix nguakax-wangkhobu, kue hwom langsele atum ngokya zanpabu chak to koxüi. Kue hwom a, nang zan to kale ngokya zakkya Babilon nok süpahibu chak to koxle apaoüi.

JEREMIA 36:29

Wanghompa füi akax angkya kax ija Jowanpae ku füi akax: “Nange laitün a zokle ashundaoa, ilaxle Babilon nok wanghompa nguilaxle ija haxtok pün-pakle ama angkya ilaxle ima tüikya khünaknu hia müi pangwüi langle awüt angkya chixe chemkhoma zapule Jeremia ma atüidaoa.

JEREMIA 37:4

Ipongma ku a kun khato mashokya ilaxle khünak khato ku a mongtex ma aham ang tsuakle tüikya.

JEREMIA 38:3

Kue hwom ang Jowanpae akaxkya kax ile chuwüi akax: “Ija tingnu a kue Babilon nok süpahibu chak to kox angkya changle, ilaxle hwome ija hwople kopüi.”

JEREMIA 38:18

Ikoxle nange chak ajongle chichang, ija tingnu a Babilon nok chak to koxüi, hwome ija zokle ashunüi, ilaxle nang a hwom chak tokya azangle pao ang münkoppu.”

MANGSOP 1:14

“Chixe ku ochax pangwüi akhi-atak ilaxle ibu pangwüi tuita ma athop; Chixe ibu ku dingkux ma alikle kox, ilaxle ijae lixle ku ang zongsho. Jowanpa-e ku a ku zanpabu chak to kox, ilaxle ku hwom tuto chem angchu chichangle max.