JEREMIA 32:23 - OTSAO BAIBEL (BSI)

²³ Ikoxle chemtue hwom ija haxtok to nguipuix ilaxle ija kop ang sütpuix, hwome nang kaxtombu kax ma chilaxle ilaxle nang hwom-nwot ningle hwom chingo; nange hwom ang kaxtom fakya mwot hwome chemchu chimokpu. Ikhoma nange hwom hato ibibi thomshix thama ahüipu.

JEREMIA 32:23 ပူးပေါင်းရင်းမြစ်များ

IZRA 9:7

Kwom pupa hwom tsün tokhange athax kople, kwom, nang khünaknubue huanuma ochax lyenle hüidaoa. Kwom ochaxbu khoma kwom, kwom wanghom hwom, ilaxle kwom nguapabu a mixnok wanghombu chak to dongle changdaoa, ilaxle kwom a lang-huak, tuinabu tsui pao, ilaxle zanda ang laxlaxle pao, le changdaoa. Anyix chemle ngopuix ija ningle kwom a komkaile hopu chitüikya chifün ma ngole hüile.

MANGSOP 1:18

“Ikoxlechu Jowanpa a sukya changle, chemthüikoxle kue chix kax ma chilax. Ku kax to apalax, khünaknue pangnu khato; ku tsütle kakle ngokya to hulax. Ku naosom sheko hia lüka pangwüi zanda ang kople paodaoa.

JAKOP 2:10

Chemthüikoxle Wanlom tuita kax ma chilaxle tüikya mix a, Wanlom pangnu kax ma chilaxle thaikya ang achangüna.

GALATIA 3:10

Wanlom lwot tokya to onglaxle ngokyabu a othuak-ozome awang laxle tüile. Chemthüikoxle Otsao Lai-e akax: “Owae Wanlom Laipex ma zale tüikya pangnuli to othuithuima kax ma laxle chitüi üihex chix a Zang othuak ozom fangma tüile!”

JUHAN 15:14

Kue hünzom ang chem kaxtom fapuix, ija hünzome jangmok thüiningle, hünzom a ku zongto zuikhui changpu.

KAXHO MÜIKYA LUK 17:10

Ile hünzomechu hünzom ang atomtom mwot bakle moktsuak füima thüilax, ‘Kwom chingui-chiwangkya dabu changle; kwome chem mokse tsyen hex ija tata moktsuak wüi.’”

EZEKEL 20:21

“Ikoxle ibu tsünthombue chuwüi ngaithole ku kax aba. Hwome ku wanlombu pünle ama ilaxle ku kaxtombu kax ma chilax; ijabue kax ma laxle tüikyabu pangwüi ang khüzün fase pa. Hwome Sabath tsaolyen. Ekha sak-hax towüi hwom ang ku mongtsik janzüi zongbakle apong ang tom ilaxle hwom pangwüi langle awüt ang ku achwonle tüikya.

EZEKEL 20:18

Ikoxle kue hwom khama tüikya tsünzün thom ang kaxkhün koxle thüi: Hünzom pu-pa hwome zingkya wanlombu taxthom ngo; hwome bangkya zanglom-saikha taxto ngo chichangba hwom chapabu füi hünzom chitsaokya ang taxachang.

EZEKEL 20:8

Ikoxle ngaithole hwome ku kax aba ilaxle ku kax ma münlaxpule angam. Hwome nushix dongkya hwom chapabu chiawüt chichangba Ijip nok baozangbu hwome danle chitox. Ijip nok towüi ku a hwom ang ku mongtsik janzüi komkaile apong ang tomüile achwon ngokya.

MANGSOP 1:8

She achuak-achenkya paodaoa; she a tomhua ma ilaxle mongtextex ma nutnuile. She awao ilaxle azakle thün khom. Jerusalem-e khomtsikya ochaxbu füi she alüile zakkop ang tom.

NEHEMIA 9:15

“Chemtue hwom ang wok anole changpuix, nange hwom ang zangkangting tokhange süt fa, ilaxle ti alan pongma longnu tuita makhange ti alaile koxpu. Nange hwom ang ija haxtok akox-akomle chang angkya akaxpu nange hwom ang koxüihex-ole tsaokya haxtok a.

JIHUSUA 23:16

Jowanpa hünzom Zang-e hünzom ang koxkya kaxtom hünzome chithom ilaxle hünzome mama baozangbu thothale hia ibu to shwomle jangchang, izuma chix mongtsik füi chixe hünzom to sikangünüi, ilaxle chixe hünzom ang fakya ipong müikya kaxtom ma hünzome tuita ota chitoxle chixe chwonle wüi amütüi.”

MÜNCHUAK-TSAI 78:10

Hwome Zang füikya Tsaotsüt thom ang chitho; hwome chix wanlombu müntopu le angam.

JEREMIA 2:7

Kue hwom haxzao füikya haxtok to apüipu, ikhatokya puamün hia müikya oli saxlaxle naxchang koxle. Ikoxle hwom ku haxtok mix thomjo; kue hwom ang koxkya haxtok hwome akhu ang tom.

JEREMIA 26:4

Jowanpae khünaknu hama akax angkya kax ku hama ile wün: “Jowanpa, ku kax ma laxle tüi angkya wüi ilaxle kue fakya hwon-nwot lom ma hünzom le angkya wüi changpule hünzom füi akaxdaoa,

JEREMIA 44:10

Anyix kople hünzom puinaikya kha jao matüi. Hünzome ku achuak-achenkya chitüi chichangba hünzom ang tamchu hünzom pupa hwom ang koxle hüikya ku wanlom kax ma laxle hünzom ngole chihüi.

JIHUSUA 21:43

Ikhoma Jowanpae hwom pupa hwom füi koxüihex-ole tsaokya haxtok Israel nok ang komkaile kox. Chemtue hwome ija haxtok kople tsuak puix, hwom ikhama tingtan-nokzingle ngo.

JEREMIA 7:26

Ikoxlechu khünak tuitata ngaxchu apakya hia nathakya chitüi. Itülüi thüikox, hünpu-hünpa hwom to kaile hünzom sisi mix mongkhüi tamchu alün-aloxle tüitüi.