JEREMIA 32:20 - OTSAO BAIBEL (BSI)

²⁰ Kaitanto Ijip nok to nange ohünotün hia khomtsikya mwotbu mokpu, ilaxle nange ibu chizakle anyix chuwüi mokle hüipu, Israel haxtok machu tamchu mixjat-mixli hwom khato chuwüi, ikhoma athax nang mün a pangnu khato awan ang koppu.

JEREMIA 32:20 ပူးပေါင်းရင်းမြစ်များ

NEHEMIA 9:10

Nange wanghompa zongto khomtsikya mwotbu mokle ahopu, chix nguakax-wangkhobu hia chix chaxwan ma ngokya khünaknu zongto a, chemthüikoxle nang khünaknu to ibue chemle sikangün thompuix ija nange awan koxle. Ifüima nange anyix kople tüikya nang münfua kop.

WANGSHEMBU MWOT 7:36

Ijip chaxwan to khomtsikya hia ohünotün mwotbu mokle aho laxle khikya tinu atale ilaxlechu faokha to zanglao punyi hwom lomzunkya mix a Mosa changkya.

DANEL 9:15

“Jowanpa, kwom Zang, nange nang khünaknu Ijip nok tokya alaile apüikya tokhange nang tsak-zong ngaile ahopu, ilaxle nang tsak-zong a athaxkople mong ma thompu. Kwome ochax lyendaoa; kwom a thaidaoa.

MÜNCHUAK-TSAI 135:9

Chixe hünzom tu ma, Ijip chaxwan to, Farao hia chix lompa-kaxpabu pangnu zongto ohünotün mwotbu tüle lai ang tom.

2 SAMUEL 7:23

Hwom nang khünaknu ang lax angkya hanpakma Israel nok lailaile da ang ngokya nange danle changkya chaxwannu mama jat-li owachu müntüi. Hwom hanpakma nange mokkya chongkya tamchu ohünotün mwotbu tokhange nang mün chongkya zangfang pangnu khato ule. Nang khünaknu ang, Ijip nok chak to da ang ngokya nang khünaknu nguikya zuma nange mixjat-mixli hia hwom baozangbu jwonle apao.

LAIPAO 10:2

Anaole chu ohünotün mwot makhange kue Ijip nok wanghompa ongat ang achangpuix, ija bama nange hünsu-hünsa hwom hama wün angkya hanpakma ile changpu. Ile changkox tix hünzom pangnusae wüi ku a Jowanpa changpule awanüi.”

LAIPAO 9:16

Ikoxlechu chix tsak-zong aho ang tamchu chix mün zangfang pangnu khato fuale naxpao ang nang ozün ma thompu ta.

ISAIA 63:12

Chix tsak-zong füi Mosa makhange chongkya-chongkya mwotbu mokle aho, tinu anyi ang achang laxle chix khünakbu tinu akaile le ang tomle oshuk chitüile chix mün fuale ngo ang tom, ija Jowanpa athax omaün?” Jowanpae lomzun to, hwom a fao manbu lailaile ojao chikho chiasua atingting khama sütle chang.

1 PUKAX-PANGAO 17:21

Chaxwannu ma Israel nok lailaikya nok mama müntüi. Israel nok a da ang ngokya nange sünle koppu ilaxle nange hwom a nang khünaknu ang zingpu. Nange hwom hanpakma chongkya hia ohünotün mwot mokle hüikya füi zangfang pangnok-jating to nang zangkya mün fuale tüile. Nange nang khünaknu Ijip nok tokya khosünpu ilaxle hwom nguikya füi tomle, ija haxtok angkya mixnokbu pangwüi jwonle apaopu.

TSAITONG-KAXTONG 7:19

Hünzome ma mik füi ngünle laxdaokya za-adünkya kak-lak, khomtsikya hia ohünotün mwotbu tamchu tüle chongkya tsak-zong füi Jowanpa hünzom Zang-e hünzom danle apaokya, ibu pangwüi texle ataklax. Chixe chemle Ijip nok amütpuix ilailaile, athax hünzom owa thua zale ngopuix, ibu khünaknu max ang tom angkya changle.

TSAITONG-KAXTONG 6:22

Chixe ohünotün mwotbu mokkya tamchu Ijip nok hia hwom wanghom hwom hia nguakax-wangkhobu to abütsünsünle ohünotün mwot mokkya kwom mik füi kwome ngündaoa.

TSAITONG-KAXTONG 4:34

Jowanpa hünzom Zang-e hünzom hanpakma Ijip nok to mokkya lailaile baozang owawae mama jat-li chak tokya alailaxle khünakbu chix khünak ang zingle dan ang mongchongkya baozang tütüichahex? Hünzom mikngün ma chixe chix tsak-zong chongkya twon; chixe kaknu-laknu hia zanhok alai, ohünotün mwotbu mok, ilaxle khompua-atsikle abütkyabu ngai ang tom.

LAIPAO 7:3

Ikoxlechu kue wanghompa a ija kax ma ojao chilax angkya hanpakma tüle mongtsak ang tomüi. Kue Ijip nok to tüta ningkya za-adünkya mwot mokkoxle chu chixe nang kax to chiapale tüiüi. Ifüima kue Ijip nok hato tüle za-adünkya thama apüi ang tomüi, ilaxle tix ija haxtok angkya ku khünaknu laile pao ang tomüi.

LAIPAO 3:20

Idaile kue ku chak thüiüi ilaxle Ijip nok to chak moküi üntoxle kue ohünotün pangnu moküi; ifüima chixe hünzom apong ang danüi.

ISAIA 63:14

Haxzao tüikya haxsha to müizyembu zunle paokya lailaile, Jowanpae chix khünaknu ang nazak kox. Chixe chix khünaknu azüi ilaxle chix mün chuak-chongle chang ang tom.

JEREMIA 13:11

Chemle ibu nyilo hitle ke ma nguipuix, ilailaile Israel hia Judah nok pangnusae ku to mongle naxkople texpu. Hwom ku khünaknu ang achang ilaxle ku hato achua-achenkya hia münchong apüile chang angkya hanpakma mok-hupu; ikoxlechu hwome ku kax ma chilax.”

TSAITONG-KAXTONG 11:3

ilaxle chix ohünotün mwotbu pangwüi ngünle laxdaoa. Chixe Ijip nok wanghompa tamchu chix chaxwan pangnu to chemle mokdaopuix ibu hünzome ngünle laxdaoa.

NEHEMIA 9:11

Molo Tinu akaile nang khünaknu le nange lom daple koxpu imakhange hwom haxza to tale le ang tompu. Hwom achuale zikkya khünakbu tinu mongto single zi ang tompu, tinu tichap mongto longsa dütkya ningle dütle sam.

DANEL 6:28

Danel a Dairas hia Parsia nok Sairas nyie apünkya tuk ma tüle alua-awangle ngo.