JEREMIA 31:9 - OTSAO BAIBEL (BSI)

⁹ Ku khünaknu a mikfi-tunjile nguiüi, kue hwom zunle changpongma zangjopngale nguiüi. Kue hwom a ti jenle tüikya shuasa hato apüiüi, hwom chikho sua angkya chitüikya lom fünmüi to a. Ku a Israel nok zongto tuita hopa ningle, ilaxle Efraim a ku sasün tüichongsa ningle.”

JEREMIA 31:9 ပူးပေါင်းရင်းမြစ်များ

MATHI 5:4

“Mongmale sopkyabu, mohiman; Zange hwom joxüi!

JEREMIA 3:4

“Ikoxle athax nange ku ang thüipu, ‘Nang a ku apa changle, ilaxle nange ku to naosa tanto khange wüi mongkünle hüipu.

LAIPAO 4:22

Ipongma nange ile akax angkya wüi changle, ‘Jowanpa, kue thüipu, Israel a ku somwang nao changle.

JEREMIA 50:4

Jowanpae thüile: “Chemtue ija hanpak nguile hüipuix, Israel hia Judah angkya khünaknu sopngale, hwom Zang ku lomle nguiüi.

JEREMIA 31:20

“Israel, nang a kue mongkünkya kusa changle, kue ataxle mongkünkya mix a. Chemtue kue nang mün lünpuix, kue nang bama mongkün füi ajangpu nang bama mongkün füi a. Ku mongtsang nang hato laile pao; ku a chingchajajale tüiüi.

MÜNCHUAK-TSAI 23:2

Fumhingshüikya haxtok ma chixe ku nazak ang tom, üntoxle oe chikaikya tilua hato chixe ku zunle pao.

MIKNGÜN-OHÜN 7:17

chemthüikoxle chongwang tüntong, osungwa angkya Chun Hosa a, hwom Chunnyetpa changüi; khüzün tümik fuaknui to, chixe hwom zunnüi. Hwom angkya mikfi pangwüi, Zange fwotle faüi.”

KAXHO MÜIKYA LUK 6:21

“Hünzom, athax woknuak ma ngokyabu mohiman; hünzom wokfwot tilan müiüi! “Hünzom, athax sople ngokyabu mohiman; hünzom nyi ang ataküi!

MATHI 6:9

Idaile hünzome Zang ile joplax: ‘Zangkangting to ngokya Apa; Nang otsao mün naxachuak;

ZEKARIA 12:10

“Dawid sixli hia Jerusalem ma ngokya khünaknu kue chingcha hia zangjop chasae awangle chang ang tomüi. Owa hwome tople langdaopuix, hwome chix to hu, ilaxle sasün tuita wüi zikya nao mangtsakya lailaile hwome chix mangtsale changüi. Somwang nao zile paokya kako to mangtsapupu le hwome mongmaxle mangtsaüi.

JEREMIA 3:19

Jowanpae thüi: “Israel, kue nang kusa ang pongle kopse tsupu ilaxle nang a mongtex ma nguikya haxtok koxse tsupu, chaxwan tok ma osün sümüikya haxtok a. Hünzome ku ang apale namnyakbae texpu ilaxle ku hato tamchatle tok chiahole changbae le thütpu.

ISAIA 64:8

Ikoxlechu Jowanpa, nang a kwom hopa changpu. Kwom komhax thatha, ilaxle nang a tikjaomix changpu. Kwom a nang chakzing,

ISAIA 57:14

Jowanpae thüile: “Ku khünakbu ku hato chat ang tomkox. Hwom lomtang angkya obax-obang pangwüi apaokox! Lomnu zingkox, ilaxle ija achwonle zinglax!

IBRI 12:23

Zangkangting to mün zale tüikya oputwang thom pwonla tusox to hünzom ngui. Noknu kaxfünpa Zang üntoxle nguiwangkya ang achangkya otsao khünak chasabu hato hünzom ngui.

IBRI 12:13

ilaxle nang chitswon tangtho lom ma thomkox, ikoxtix cha faikya pakle chipaoüi, ikoxle müile mix müiüi.

IBRI 5:7

Ija chaxwannu ma chix tsün ngotanto Jisu-e, zik chak tokya owae khosün ang thoüi hex, ija Zang hato akhongle tamchu mikfi füi zangjop üntoxle ju-lom le chang. Chix ahixkya ang achang üntoxlechu Zang to mongkoxle tüikya khoma, Zange chix zangjop atat.

2 KORIN 6:18

Ku a hünzom Hopa changüi; hünzom a kusu kusahom changpu, le Khüthak Zange akax.”

ROM NOK HATO ZAKYA POL LAIZA 8:26

Ija ningle kem shonaikya to fong ang Chasa kem hato nguile. Chemthüikoxle zangjop chemle jopüihexle keme chiawan; ilaxle kax ma ngai ang chithokyabu Chasae akhongle chixe alüile kem hanpakma zangjople.

MATHI 3:3

“Faokha to tuitae akhongkya a ija: ‘Hünzome Jowanpa lomtang achwonlax; chix lyet-lom tangthole zingkox! le, Isaia ajepae akaxkya kax, chix hanpakma akaxkya changpu.’”

HOSIA 12:4

chixe kaxtaimix füi ashing ilaxle chixe wüi anao. Chix sop ilaxle mohiman ju. Bethel ma Zang kem putong Jakop hato ngui ilaxle chix füi zangwün.

ISAIA 63:16

Nang a kwom hopa changle. Kwom putong Abraham hia Jakop hwome kwom mün chichangle, owae jento kwom khosünle koppuix, ija Jowanpa, kwom hopa, nang mün tata fuale tox wüi.

TSAITONG-KAXTONG 32:6

Hünzome Jowanpa to ile hwon angkya olom changcha, hünzom ongat, tutex mong chizaikyabu? Chix a hünzom hopa, hünzom zingpupa, jat-li tuita ang hünzom chixe zingpu.

1 PUKAX-PANGAO 29:10

Ikhama khünaknu tunthoma Dawid-e Zang achuakle thüi: “Kwom putong Jakop Zang, nang a oshuk-okim chitüile naxachuak kox!

HUAKE LAIPEX 2:18

Hannopchi kaoma Efraim homjen, hwom wanfan fang ma ibibi lompabu lomzun ma athongüi: Homjen Lompa Huake Efraim Elishama a Amihud sasün 40,500 Manasseh Gamaliel a Pedahzur sasün 32,200 Benjamin Abidan a Gideon sasün 35,400 Athüt koxle: 108,100 Othom azom lükya ma Efraim homjen leüi.

MÜNCHUAK-TSAI 89:27

Kue chix pongwang ma puxkya ku sasün ang zingüi, wanghombu pangnu füi achongkya ang achangüi.

MÜNCHUAK-TSAI 107:7

Chixe hwom tangthokya lomnu to zunle pao, hwom ngotho angkya tingnu to a.

ISAIA 42:16

“Kue ku khünak miksutbu lom azuiüi hwom a lomnu makhange otuechu ma-aham. Kue hwom zangnak ang zangngai ang achangüi ilaxle hwom tunthoma tsoxtsütkya lomnu ajitjuile zingüi. Ibu a ku kaxtsaobu changpu, ilaxle ibu otuechu chichang homle le ang müntom.

ISAIA 43:20

Faomüibue ngaxchu ku to achuak-achenle changüi; kue zünle kopkya khünaknu ang ti kox angkya hanpakma kue sak-hax makhange shuajen jen ang tomkya zuma shwon hia ostris-obue ku shwomüi.

ISAIA 45:11

Jowanpa, Israel nok otsao Zang, owae füichi hanpak zing ang thopuix, chixe thüile: “Hünzome kusu-kusa hwom hanpakma atüi angkya chichangba kue chempang mok angkya hex ija bama apuafa angkya olom müntüi!

HOSIA 3:5

Ikoxlechu Israel khünaknu hanpakma hwom Zang, Jowanpa hato chat angkya tamchu wanghompa Dawid su-sa hwom hato chat angkya hanpak tuita hüiüi. Ifüima hwome Jowanpa chathua zale changüi ilaxle chix angkya müikya hinghobu pongle laxüi.

MALAKI 2:10

Kem ang hopa tuita wüi tüikya münchangdaimi? Kem pangwüi, Zang tuitae wüi zingkya münchang hexmi? Jangchangba keme tata füikya kaxtsao chem ang ama? Kem putong hwom füi Zang zingkya Tsaotsüt tha büthüi ang ajao?

TSAITONG-KAXTONG 14:1

“Hünzom a Jowanpa hünzom Zang khünaknu changpu. Idaile chemtue hünzom owawa zi-maxkya bama sop-jua pongma, ma to alüile zütle chichangüi chichangba khüjan ongle chiawütüi; ija ningkya a mixnokbue mokwüi.