JEREMIA 30:7 - OTSAO BAIBEL (BSI)

⁷ Nu zao hanpak tuita hüile ngole; ija nyix füi mama nyix chemningkya chu apyen ang münmüi— ku khünaknu hanpakma künmax-mongshan hanpak tuita, ikoxlechu hwom a münzi-münmax.”

JEREMIA 30:7 ပူးပေါင်းရင်းမြစ်များ

DANEL 12:1

Jaknyidax awunlaxle tüikya kaxtaimixe thüi: “Ipongma achongkya kaxtaimix Maikel, owae hünzom khünaknu nyele ngopuix, chix ngaiüi. Ifüima sikngün zolit angkya hanpak tüiüi, ija sikngün a ojat-oli le changle hüikya füima sümapupa ang changüi. Chemtue ija hanpak nguile hüiüihex, hünzom jat-li khama Zang laipex ma münzale tüikya khünaknak khosünkya tüiüi.

MALAKI 4:1

Jowanpae akax: “Ongam hia ochax khünakbu tsaxsa zokle ashun pupu le zokle ashun angkya hanpak nguile hüingole. Ija nyix hwom a zokle ashunüi, ilaxle hwom owachu atale chitoxüi.

DANEL 9:12

Nange kwom ilaxle kwom lompabu to chemle mok angkya hex-ole akax daopuix ityatyale mokpu. Nange Jerusalem to chaxwannu nok angkya mama tingnu to nüile sikangünpu,

JOEL 2:11

Jowanpa zangtsak-zangdunge chix süpahibu ang kaxtom kox. Chix kax ma laxle tüikya zankat naomüibu huanuma tamchu tsak-zongle tüikya. Jowanpa Hanpak-zanghan a chemtukux zadünkya hex! Ija thoto owa paole azan thoüi?

ROM NOK HATO ZAKYA POL LAIZA 11:26

Ile Israel khünak pangnu khosün angkya a ija changle. Otsao Lai ma akax ngokya ningle: “Khosünpa Zaion tokhange nguiüi, ilaxle Jakop sixli angkya, chichang-chizang mwot awütüi.

MARK 13:19

Chemthüikoxle ija tuke apongkya thangshix, Zange chaxwannu zingpong tokhange athax kopkya mong ma iningle jao machangle tüiüi tamchu ile otuechu münchang toxüi.

HOSIA 1:11

Judah angkya khünaknu hia Israel angkya khünaknu tuita ang achangdaoüi. Hwome hwom obama lompa tuita wüi zünle laxüi, ilaxle hwom a hwom haxtok ma tamchatle putsale ahak-aluaüi. Changle, Jezril tsün chaxwan-zanghan a huanu chongkya changüi!

MANGSOP 1:12

“Ku to hulax!”, le-zyenüi khünakbu pangwüi füi akaxle she akhong: “Ku to kakkya ningle owa tochu makak tox, Chix mongtsik pongma Jowanpae ku hato ahüikya okak a.

JEREMIA 30:10

“Ku khünaknu, hünzom taxza; Israel khünaknu, hünzom abütkya taxtüi. Ija tsailo nok tokya hünzom kue sünüi, athax hünzom zanda ang ngole tüikya nok tokya a. Hünzom a ma hom to chatüi ilaxle mongsom ma ngoüi; hünzom to chem münthüi: ilaxle owaechu hünzom aza-anale chang ang müntom.

MÜNCHUAK-TSAI 34:19

Müikya khünakbu a tingtui malom-malom ma sikngün apongle, ikoxlechu ibu pangnu chak tokya Jowanpae sünle kople;

MIKNGÜN-OHÜN 6:17

Chemthüikoxle hwom mongtsik chongkya nyix hüile ngole, üntoxle ija mongtsik thüntho ma ajong ngo ang owae thoüi?”

WANGSHEMBU MWOT 2:20

ija chongkya hia fuazangkya Jowanpa hanpak nguiüi thoma; zanghan a naktukle changüi, lyetnu a aji ningle khiüi.

JOEL 2:31

Zanghan a nakle paoüi, ilaxle lyetnu a aji lailaile khile paoüi, ija za-adünkya Jowanpa Nyix nguiüi thoma a.

MANGSOP 4:6

Sodom to ngaxchu kaile ku khünaknu to sikangün, ija khoma allele hwom a Zang chak fangma lam angkya hato ahüi.

MANGSOP 2:13

O Jerusalem, ku mongkün Jerusalem, kue chemle wünthoüi? Kue chemle nang jox thoüi? Ija ningkya sikngün owaechu tüma-apong. Nang thama ma othüt chitüi tinukha lailai; monghom atak angkya olom ojao chitüi.

MÜNCHUAK-TSAI 25:22

Hwom sikngün pangnu chak tokya, O Zang, Israel nok nang khünakbu khosünle thomhüi!

PONGWANG LAIPEX 32:7

Ija atatlaxle Jakop a abünle za. Chixe chix khünakbu othom anyi ang achangle ahan; ija ningle chix müi: chun, zwon, maihu hia utbu chuwüi ahan.

ISAIA 20:6

Chemtue ija hanpak nguile hüiüihex, Filistia tinu kax achole tüikyabue thüiüi, ‘Asiria chak tokya kem hwome azünüile mongong laxle keme hule ngokyabu to hulax! Kem ozün ma chemle ngothoüi?’”

JEREMIA 2:27

Hünzom pangwüi ang zak-akopüi—pün nang apa kux ilaxle long nang anu kuxle akaxkya hünzom pangnusa ang a. Hünzom ku hato hüihaxkux lüi ma ku hato tok ahole paokya khoma ija ile chang ang tomüi. Ikoxlechu chemtue hünzom sikngün-tuitaile changüihex, hünzome hüilaxle hünzom khosün angkya ku wüi lom.

JEREMIA 2:28

“Hünzom hanpak ang zingle alaikya hünzom baozangbu omaün? Hünzom sikngün-tuitaile changpongma ibu ang azünhüile thüilax—hwome tsuak angkya oli jangchangba! Judah, hünzom ang tüile ngokya tingnu büta hünzom ang baozangbu tüihupu.

JEREMIA 14:8

Israel hanpakma monghom angkya nang ta wüi; sikngün-tuitai chak tokya kwom khosünle hüikya a nangtix changpu. Nang a kwom haxtok ma büthüikoxle wünpa tuita ang changle ngo, ja tuita hanpakma nguile toxkya mixwün tuita lailaile a?

JOEL 1:2

Mongkoxle apahüi, hünzom püzu tüichongbu; Judah angkya noknusae apahüi. Otuechu iningkya tüchangdai ma hünzom tsün ma chichangba hünzom pupa hwom tsün to a?

JOEL 1:15

Jowanpa hanpak zanghan nguile, Khüthak Zang-e thama apüi angkya nyix a. Ija nyix thamakya huanu zadün changüi!

ZEKARIA 14:7

chichangba zangnak chemchu müntüiüi. Zangnaknu khato ngaxchu jento anyixningkya zangngai tüile ngoüi. Ija hanpak chemtue changüihex ija Jowanpa chix tatae tix awan.

MIKA 4:9

Hünzom büthüikoxle akhongle sop? Sheko mixnu nao ngün wok-kak pupu le hünzom ang chem sikngünle ngo? Ija a tuita wanghom chitüikya khoma changpia, hia hünzom mong achenle ngokyabu a zile paokya khoma changpu?

HABAKUK 3:16

Ijabu pangwüi kue atat, ilaxle ku zale abün; zakyae ku tunpün abün. Ku tsangtsa ma jao-jao zong chitüile chang, ilaxle ku chitong ma chikho thu. Hanpak nguile hüikya thatanle ku dangjale ngoüi kem to single hüikyabu to Zang-e sikangünle changpongma.