JEREMIA 30:3 - OTSAO BAIBEL (BSI)

³ chemthüikoxle kue ku khünaknu, Judah hia Israel, chatle shomüi-wanmale ngo ang tom angkya hanpak nguile hüile. Kue hwom a hwom pupa hwom ang koxle tüikya haxtok to chatle apüiüi, ilaxle hwome tamchatle ija ma nokpu ang achangle ngo ang kopüi. Ija kax, Jowanpa, kue akaxdaoa.”

JEREMIA 30:3 ပူးပေါင်းရင်းမြစ်များ

JEREMIA 29:14

Changle, kue thüipu, hünzome ku ataküi, ilaxle kue hünzom a hünzom chaxwan ma tamchatle ngo ang tomüi. Kue hünzom ojong chaxwan hia tingnok to chiakle asam thomtüipuix ibu haxtok hia onok pangkha tokya wüi kue hünzom asox-atomle changüi, ilaxle kue hünzom a ojongkha tokhange zanda ang paokya hex ija onui to chatle apüiüi. Ija kax, Jowanpa, kue akaxdaoa.’

JEREMIA 16:15

Itülüi, ku a, shuakuxchi nok tokya tamchu kue hwom chiakle asam thomkya nok tokya Israel khünaknu khosünle apüikya khüzün Zang changpule ku mün ma tsaosaxle changüi. Kue hwom pupa hwom ang koxkya hwom haxtok towüi chatle apüiüi. Ija kax Jowanpa, kue akaxdaoa.”

EZEKEL 20:42

Kue hünpu-hünpa hwom ang koxüihex-ole tsaokya haxtok to chemtue hünzom apüipuix, ipongma ku a Jowanpa changle le hünzome awan ang kopüi.

JEREMIA 30:18

Jowanpae thüi: “Kue ku khünaknu hwom chaxwan to chat ang tomüi ilaxle hwom homkha pangwüi to kue chingchaüi; Jerusalem a azünle zingüi, ilaxle ija chongwang homlobu chatle kopüi.

ZEFANIA 3:20

Hanpak a hüile ngole! Kue nang khünaknu afale sam ngokyabu hom to apüiüi; kue nang chaxwannu pangnu khato wüi zangle wün ang tomüi ilaxle nang a tamchatle ahak-aluale chang ang tomüi.” Jowanpae akaxdaoa.

JEREMIA 33:26

Kue ija otsing tomtata ma chemle mokpuix ilailaile Jakop hia ku dapa Dawid hokhi füikya ku tsaotsüt kue otya ma thoma angkya changpu. Abraham, Isak hia Jakop hwom su-sa hwom thakma apün angkya kue Dawid sasün hwomkha angkya tuita zünle kop angkya changle. Kue ku khünaknu to chingchale tüiüi ilaxle hwom a tamchatle ahak-aluale tüi ang tomüi.”

JEREMIA 32:44

Ibu a khünaknue shakle laxüi, ilaxle shakkya laiza sohi shingle zaüi, ilaxle ngünmixbu kaxkhün laiza tüiüi. Ija a Benjamin haxsüt, Jerusalem akhople tüikya tingkhuabu, Judah tinglongbu, ilaxle haxhua tokya tinglongbu, haxcha tokya tinglongbu, ilaxle shuathongchi Judah, ibu onuibu ma changle hüiüi. Kue khünaknu a hwom chaxwan towüi chatle ating-anokle chang ang tomüi. Ku, Jowanpae ija kax akaxdaoa.”

IBRI 8:8

Ikoxle Zange chix khünaknu ma thaikya atak üntoxle thüi: “Jowanpa-e thüile: Hanpakbu hüile ngole; otue kue Israel hia Jehudi khünakbu füi Tsaotsüt hozün zingüi hex.

JOEL 3:1

Jowanpae thüile: “Ija tuk ma kue Judah hia Jerusalem tamchatle ahak-alua ang tomüi.

EZEKEL 36:24

Pangnok jating tokya kue hünzom chatle hünzom chaxwan to apüiüi.

MÜNCHUAK-TSAI 53:6

Zaion makhange Israel noke lüt angkya hanpakma kue zangjoppu. Zang-e tamchatle hwom ahak-aluale tüi ang tomkya zuma Israel nok ang chemtukuxle mongmüikya tüiüihex!

KAXHO MÜIKYA LUK 21:6

“Hünzome chem ngünle ngopuix ibu long tuita dingma tuita le athünle chingo homle pangnu atsun angkya hanpak hüiüi.”

KAXHO MÜIKYA LUK 19:43

Chemthüikoxle zanbue akhople kopkya hanpak nang hato hüiüi; hwome nang kat-wün lom pangnu tsyenüi, ilaxle pangnuchi tokhange nang to singüi.

KAXHO MÜIKYA LUK 17:22

Ifüima chixe wangshembu ang thüi: “Hünzome Khünak Hosa din nyixta ngaxchu namngünse le sungkya tuk hüiüi, ikoxle hünzome ija münngünüi.

EZEKEL 47:14

Kue ija haxtok hünzom ang kox angkya hex-ole hünzom putong hwom füi kue tsaotsütle changdaoa, idaile athax hünzome ija tomwüi-tomwüi tom-hanle laxlax.

JEREMIA 32:37

Ku mongtsik-mongma tokhange kue hwom chiakle asam thomkya chaxwan pangkha tokya wüi kue khünaknu asox-asaüi angkya changle, ilaxle kue hwom ija haxtok to tamchatle ngui ang tomüi ilaxle ija khama chem chaza angkya chitüile ngo ang tomüi.

JEREMIA 31:38

Jowanpae akaxle: “Shuathongchi Hananel Long-hom makhange Nukzong Zünkai alople Jerusalem a tuita ku tingnu changpule bakle azünle zai angkya hanpak nguile hüingole.

JEREMIA 31:31

Jowanpae thüi: “Israel hia Judah khünaknu füi mama tsaotsüt hozün thom angkya tunu nguile hüile.

JEREMIA 31:27

“Ku, Jowanpae akaxpu, kue Israel hia Judah haxtok pangwüi khünaknu hia müibue awangle chang angkya hanpak nguile ngole.

JEREMIA 30:10

“Ku khünaknu, hünzom taxza; Israel khünaknu, hünzom abütkya taxtüi. Ija tsailo nok tokya hünzom kue sünüi, athax hünzom zanda ang ngole tüikya nok tokya a. Hünzom a ma hom to chatüi ilaxle mongsom ma ngoüi; hünzom to chem münthüi: ilaxle owaechu hünzom aza-anale chang ang müntom.

JEREMIA 27:22

Ibu a Babilon nok to paoüi ilaxle ku mong hwomchi to koxle machangba ibu ikhato wüi ngoüi. Ifüima kue ibu chatle apüiüi ilaxle ija onui ma anaole danüi. Ija kax Jowanpa, kue akaxdaoa.”

JEREMIA 27:11

Ikoxle owawa jat-lie Babilon nok wanghompa chak to koxlaxle chix thothale jangtüi, kue ija jat-li a ma ngole tüikya haxtok ma wüi thomo-manzaile ngo ang tomüi. Ija kax Jowanpa, kue akaxdaoa.”

JEREMIA 23:5

Jowanpae thüi: “Dawid sixli hwomkha angkya kue otsao wanghom tuita zün angkya hanpak nguile hüile. Ija wanghompa-e je füi apünüi ilaxle haxtok ma pangnu khato wüi changkya hia sukya mwot moküi.

IZRA 3:12

Nguapa tüichongbu huanuma, Liwi hwom, ilaxle saxthom lompabu, ibu opange owangpongkya Zangshwom-Hom ngün ang kople changdaolaxpuix, hwome ija Zangshwom-Hom homting chifün zaikya to hule ngolaxle hwom mongto chingcha dongle hüikyae hwom akhongle sop. Ikoxle mamabu a mongmüi to akhong.

IZRA 3:8

Idaile Jerusalem Zangshwom-Hom homting to hwom nguikya ofüi angkya zanglao ma lyetnu kua anyi lükya to hwome homzai mwot owang wangle hüi. Zerubbabel, Jihusua, ilaxlechu hwom nok khünak mamabu pangwüi, nguapabu, Liwi hwom, zanda ang ngokya Jerusalem to nguile tüikya khünakbu pangwüi, ija mwot to azu. Liwi hwom, zangtsa makhange thakchichi pangwüi ija Zangshwom-Hom zaikya mwot akhi-amikle hume ang kam.

IZRA 3:1

Lyetjang anüt mong ma Israel khünakbu pangwüi ma tinglonglong to homhax zaile tingtan nokzingkya tsuakle hüi. Ifüima hwom pangwüi Jerusalem ma asox,

TSAITONG-KAXTONG 30:3

Jowanpa hünzom Zang-e hünzom to chingchakya tüiüi. Hünzom chiakle asam thomkya haxtok tokya chixe hünzom tamchatle apüiüi, ilaxle tamchatle chixe hünzom ahak-aluale chang ang tomüi.

JEREMIA 31:23

Jowanpa, Israel nok Khüthak Zang-e thüile: “Chemtue kue khünaknu ang hwom haxtok tamchatle koxüihex, hwome anaole chuwüi Judah hia ija angkya tinglongbu ma thüiüi: ‘Jowanpae Jerusalem angkya otsao haxhua to mohimanle naxchang. Chix ngole tüikya otsao nui a.’

TSAITONG-KAXTONG 30:5

Ikoxtix kaitanto hünpu-hünpa hwom noxta ngole toxkya haxtok hünzome kop ang tomüi. Ilaxle chixe hünzom ami pupa hwom tsünto ile matüitox le hünzom tüle ahak-aluale tamchu pu-tsale chang ang tomüi.

JEREMIA 3:18

Israel nok a Judah füi athütüi, ilaxle hwom tomtomle shuakuxchi nok to zanda ang ngole hüikya haxtok tokya, kue hwom pupa hwom ang onyem ang hwom haxtok ang lax ang koxkya haxtok to chatüi.”

JEREMIA 29:10

“Jowanpae thüile: ‘Chemtue Babilon nok zanglao puzombün kaile leüihex, kue hünzom hato chingcha ahoüi ilaxle ku kaxtsao ningle hünzom a hom to chatle ngui ang tomüi.

JEREMIA 30:4

Judah hia Israel khünaknu füi Jowanpae akax,

JEREMIA 31:16

Sopngokya zaklax ilaxle hünzom mikfi fwotlax. Hünzome naosombu hanpakma mokkya mwot olüi chikop homtoxle münlepu; hwom a zan nok chaxwan tokya chat angkya changle.

JEREMIA 51:60

Babilon nok hato ngui angkya thama bakle kue lai ma zale kop, ibomachu Babilon bama mama chuwüi zale kop.

MÜNCHUAK-TSAI 126:4

Jowanpa kem tamchatle ahak-aluale chang ang tom, chemle zangwate tamchatle shuazan hato ti apüile fapuix ija lailaile.

EZEKEL 34:13

Kue ibu a mixnok chaxwan tokya apüile changüi, athüt-athütlaxle hwom chaxwan to tamchatle apüiüi. Kue tamchatle hwom a Israel haxtok angkya haxnubu hia shuasabu to mongmüi tungtung le fumtsüt ang danle azui ahamüi.

ZEFANIA 2:7

Judah khünakbu opang atale toxpuix, hwome ija hünzom haxtok laxüi. Hwome ikhato hwom chunbu danle fumtsüt ang tomüi ilaxle hwom Ashkelon hombu ma pomüi. Jowanpa hwom Zang hwom füi tomle tüiüi ilaxle hwom tamchatle ahak-aluale tüi ang tomüi.