JEREMIA 30:12 - OTSAO BAIBEL (BSI)

¹² Jowanpae chix khünaknu ang thüi: “Hünzom makthün a chimüihom fang, hünzom to maklaxkya a müi angkya oli münchang.

JEREMIA 30:12 ပူးပေါင်းရင်းမြစ်များ

JEREMIA 15:18

Büthüikoxle ku chizakle sikngünle ngo? Ku mak a büthüikoxle chimüi angkya oli? Ibu büthüikoxle chimüitho angkya? Tsonu khato zople paokya shuasa tuita ningle nang ku ang mong athose thütpia?”

JEREMIA 30:15

Hünzom thomzün-maklax bama kaxthup-ngaotün taxtüi ngo; hünzom hanpakma müi angkya olom müntüi. Kue hünzom to zo ile thuppu chemthüikoxle hünzom ochaxbu a huanu changle ilaxle hünzom chichang-chizangkya a chongle tüile.

JEREMIA 14:17

Jowanpae ku ang kaxtom koxle ku mongtsik bama khünaknu hama apua angkya tamchu: “Ku mik ma zangnak zangngaile mikfi jenle naxngo, ku sopkya tamchizakle naxchang, chemthüikoxle ku khünaknu to zule mak-kha laxle tüile ilaxle hwom to chisumüile thomzünle.

2 PUKAX-PANGAO 36:16

Oshuk-shuk ma chix khünaknu füi tsikkya Jowanpa mongtsik thoto hwom azangle pao ang chithole machang tanto hwome Zang kaxhomixbu chanyi wanjai, chix kax ajao ilaxle ajebu adale chang.

EZEKEL 37:11

Zang-e ku ang thüi: “Ziün angkya khünak, Israel khünaknu a ibu za-tua ningle changpu. Hwome hwom ang monghom hia füichi osho chitüile zanle zingokyabu changle le akaxle.

JEREMIA 6:7

Tüküi tuitae ikha angkya ti tsaothale thomkya ningle, Jerusalem-e ma ochax tsaothale thomle. Changnong-pünthomkya zing hia pünle amakya zing tingnu ma kue atatle; okak-olak hia thomzün maklaxkya, ibubu ngün ang kople.

MANGSOP 2:13

O Jerusalem, ku mongkün Jerusalem, kue chemle wünthoüi? Kue chemle nang jox thoüi? Ija ningkya sikngün owaechu tüma-apong. Nang thama ma othüt chitüi tinukha lailai; monghom atak angkya olom ojao chitüi.

HOSIA 5:13

“Chemtue ma tüle kakle maxkya Israel-e ngünle laxpuix ilaxle Judah-e ma ma mak-khakya ngünle laxpuix, ipongma Asiria nok chongwanghompa hato ofong-otsox lomle pao, ikoxle chixe hwom kaklakbu amüile chifa tamchu hwom makchakbu amüile chifa.

MIKA 1:9

Samaria mak a tam-müitoxüi münchang, ija lailaile ija ningkya thama Judah-echu apong tu nguile; ku khünakbu ngwotnui, Jerusalem tingnu angkya panbu hato, ibu pünle ama angkya tunu nguile hüile.”

NAHUM 3:19

Nang thomzün müi angkya olom chemchu müntüi, ilaxle nang mak ang müi angkya fang münchang. Nange thama apongkya zing atatkya pangnue mongmüi laxle hwom chak akhaoüi. Chibak toxkya nang mongtsik chak tokya owangaxchu azangtsuak hexcha?

JEREMIA 8:22

Gilid nok ma hinghai müntüi hexnyi? Ikhato doktorbu ojao müntüi hexnyi? Chemkhoma, ku khünaknu kak-lak puix tamchu, ku khünaknu ang kak müidaimami?

JEREMIA 14:19

Jowanpa, nange Judah nok owüiole awüt pia? Zaion angkya khünaknu thua nang anu pia? Nange kwom to chemkhoma ojao chimüi angkya maklaxle chang ang tompu? Kwome tumüi angkya to hule nuipu, ikoxle omüi chemchu chihüi; kwome kakmüi angkya to hule ngopu, ikoxle kwom hato chabüt-lasün angkya mix hüipu.