JEREMIA 3:9 - OTSAO BAIBEL (BSI)

⁹ ilaxle she zakmaxle thünba. She-e haxtok akhu ang tom, ilaxle long hia pünbu to shwomkya makhange she-e chinunchakkaile achax.

JEREMIA 3:9 ပူးပေါင်းရင်းမြစ်များ

JEREMIA 2:27

Hünzom pangwüi ang zak-akopüi—pün nang apa kux ilaxle long nang anu kuxle akaxkya hünzom pangnusa ang a. Hünzom ku hato hüihaxkux lüi ma ku hato tok ahole paokya khoma ija ile chang ang tomüi. Ikoxlechu chemtue hünzom sikngün-tuitaile changüihex, hünzome hüilaxle hünzom khosün angkya ku wüi lom.

JEREMIA 3:2

Haxnukhobu to hulax. Tsangtsa hangkya mixcha tuita ningle nange mwotma mamokkya kha tüicha? Arab noke zan tanpupule lomnu kax ma nange nang mongkünbu tanle nuipu. Nang ma tsangtsa hangle changkya makhange haxtok jao akhule amadaoa.

ISAIA 57:6

Ikhatokya longtom müikyabu tswonle koplaxle ibu to baozang changpule shwom. Ibu chitong to shwomle hünzome jubu thok tamchu ibu hato saxziakbu apüile töbu kox. Hünzome ibu mokkya füi ku ang mongmüile le hünzome texpia?

JEREMIA 10:8

Hwom pangwüi ongat-onguingui wüi. Püntho chapabu makhange hwome chem tsingle lax ang thoüi?

JEREMIA 2:7

Kue hwom haxzao füikya haxtok to apüipu, ikhatokya puamün hia müikya oli saxlaxle naxchang koxle. Ikoxle hwom ku haxtok mix thomjo; kue hwom ang koxkya haxtok hwome akhu ang tom.

HABAKUK 2:19

Hünzom a maxdaoa! Hünzome pünfunsa füi akax: “Zolax!” chichangba longdwon tuita ang thüi: “Ajonglax!” Chapa tuitae nang ang tütali ngaile aho tho angchami? Ija to hun hia khop füi chwople chu tüingokoxlax, ikoxlechu ija ma khüzün müntüi.

HOSIA 4:12

Hwome pünfunsa tuita ma mikngün ohün lomle ngole! Kiathox tuitae wüi hwom hama hwome chem tsingse tsupuix ija awankoxle! Hwome ku dantoxdaoa. Mixcha tuita tsangtsa hangkya mixcha ang achangle paokya ningle, hwome ma alüile mix baozangbu chak to koxdaoa.

EZEKEL 23:10

Hwome she to tsangtsa angkya nyi-za sikle awütle chakmok, she naosom hwom sheko hia lüka pangwüi kop, ilaxle she a changlo füi lang. She shoma hanpakma mowünle pangkha tokya shekobue za-man.

EZEKEL 16:17

Kue nang ang koxkya hun hia khop janbu tuiza-nakom nange lax, ilaxle ibu füi nange lükya muabu zing, ilaxle ibu füi chinunchakkaile chang.

MATHI 5:32

Ikoxle athax kue hünzom ang thüipu: Chinunchakkai khomale wüi chichangba, owawae mama-mama khoma ma kakonu fan ang jangtomba, chixe she a tuita chinunchakkai mixcha ang achangpu; ilaxle janle ngopongma owae she laxüi hex, chixe she füi chinunchakkaipu.

JEREMIA 16:18

Hwom ang kue hwom ochax hia chichangchizangle tüikya tsang othom anyie nüile thom ang tomüi, chemthüikoxle khüzün chemchu chitüikya mang thatha chapabu makhange ku haxtok akhu ang tomdaoa, ilaxle ija haxtok ma hwom othai baozangbue awang ang tomdaoa.”

EZEKEL 23:3

Chemtue hokhi naosa ma tüikya hex, Ijip nok to ngole tüipongma, ikhato naocha chang zak ilaxle tsangtsa hangkya mixcha nyi ang achang.

EZEKEL 23:21

Oholibah, nang a, ami Ijip nok to naochasa ang ngopongma naosünbue nang tsom-sax to twonle abao ilaxle nang naocha chang azakle changkya ningle athaxchu chizakle ija mongzok mwot ma wüi ngose tsutüi.)

HOSIA 2:2

Ku naosombu, hünnu to jox-naile changlax: she ku zongto kakonu tuita chichang koxlechu, ilaxle ku chix kakopa ang chichang koxlechu. Chinunchakkai hia ma tsangtsa hangle ngokya she mwot shongzak-hüile jox-naile akaxlax.

ISAIA 57:3

Ikhato kaxfün ang nguihüi, hünzom ochax khünakbu! hünzom a jenu-shipabu, chinunchakkaikyabu, ilaxle ma tsangtsa hangkyabu füi sümüikya le münchang.

JOEL 1:19

Jowanpa, kue nang to nyakpu, chemthüikoxle fum-sui hia pünzua komle zandaoa, wün to shunpupu le zanle zidaoa.