JEREMIA 3:4 - OTSAO BAIBEL (BSI)

⁴ “Ikoxle athax nange ku ang thüipu, ‘Nang a ku apa changle, ilaxle nange ku to naosa tanto khange wüi mongkünle hüipu.

JEREMIA 3:4 ပူးပေါင်းရင်းမြစ်များ

JEREMIA 2:2

Jerusalem ma tüikya pangnusa hato ija kaxho fa angkya akax: “Nang naosom pongma chemtukux mongong ma chiale le tüikya hex kue münalak, künyi aju-asomle chang tanto owangpongma nange ku to tüle mongkünkya dai; sak-hax akaile nange ku mantole azüi, thomo-manzaile chichangkya haxtok akaile a.

JEREMIA 3:19

Jowanpae thüi: “Israel, kue nang kusa ang pongle kopse tsupu ilaxle nang a mongtex ma nguikya haxtok koxse tsupu, chaxwan tok ma osün sümüikya haxtok a. Hünzome ku ang apale namnyakbae texpu ilaxle ku hato tamchatle tok chiahole changbae le thütpu.

HOSIA 2:15

Kue she kux grep haxtok achatle koxüi ilaxle tingtui haxsha a monghom kafülom ang achangüi. She Ijip nok tokya nguitanto, she tuita naocha ma tüipongma ku kax to lankya ningle she-e ikhato ku kax to lanüi.

JEREMIA 31:9

Ku khünaknu a mikfi-tunjile nguiüi, kue hwom zunle changpongma zangjopngale nguiüi. Kue hwom a ti jenle tüikya shuasa hato apüiüi, hwom chikho sua angkya chitüikya lom fünmüi to a. Ku a Israel nok zongto tuita hopa ningle, ilaxle Efraim a ku sasün tüichongsa ningle.”

WANWÜNKAX 2:17

ija mixcha a ma kakopa to mongong chitükya tamchu chix füikya otsao kaxfün alakle asamdaokya mixcha changpu.

MÜNCHUAK-TSAI 71:17

Ku naosa ma tüitanto tokhange wüi nange ku hama anwot-anole fapu, üntoxle athaxchu kue nange ohünotün mwotbu mo wünpu.

MALAKI 2:14

Athaxpi chixe ibu büthüikoxle pongle chikop puixle hünzome atüi. Ija a hünzom naosom tanto tuiju-nasomle changkya ma kakonu füikya tsaotsüt hünzome amale changdaoa. She a nang üitho changkya. Nange mongong füi ngoüihex-ole Zang pomtho ma tsaosaxle changdao koxchu, nange she füikya ija tsaotsüt ama.

JEREMIA 2:27

Hünzom pangwüi ang zak-akopüi—pün nang apa kux ilaxle long nang anu kuxle akaxkya hünzom pangnusa ang a. Hünzom ku hato hüihaxkux lüi ma ku hato tok ahole paokya khoma ija ile chang ang tomüi. Ikoxlechu chemtue hünzom sikngün-tuitaile changüihex, hünzome hüilaxle hünzom khosün angkya ku wüi lom.

WANWÜNKAX 1:4

Ijabue jali apongle hüidaokya khünakbu ma tsingtsang zaile chang ang tamchu tsünzün thom ang chemle sütlom-mwotlom awanle tüi ang tomüi.

MÜNCHUAK-TSAI 119:9

Khüse-naochabue ma tsün atsaole chemle thomüi? Nang kaxtombu kax ma laxle tüikya füitix.

MÜNCHUAK-TSAI 71:5

Khüthak Jowanpa, kue ku mongong nang to thompu; Ku naosom pongto khange wüi kue nang to ongle hüipu.

MÜNCHUAK-TSAI 48:14

“Ija Zang a othuithuima kem Zang changle; mahüikya hanpak pangnu ma chixe kem lomzunüi.”

MALAKI 1:6

Jowanpa Khüthak Zang-e zompu-zangpabu ang thüi: “Naosombue manu-mapa hwom achuak-achenle, ilaxle dabue ma hopupa hwom achuak-achenle. Ku a hünzom hopa changle--ikoxle hünzome ku achuak-achenle büthüikoxle chitüi? Ku a hünzom hopupa changle--ikoxle hünzome chathua büthüikoxle chiza? Hünzome ku wünhaile ilaxle hünzome atüitüi, ‘Kwome nang-wün chemle haidaopu?’

JEREMIA 31:22

Hünzome chemtukux cha-ao-mongsaole ngoüi, mongong chitüikya khünakbu? Kue tütaIi azünle tamchu mali-mali to zingpu, shekonu tuitae lükapa tuita kho awakya tukux chixlili le a.”