JEREMIA 3:3 - OTSAO BAIBEL (BSI)

³ Ikhokhoma zang chiwatle zak, ilaxle tümikbu ma ti fuakle chilai. Nang a tsangtsa hangkya mixcha lailaile jao ngünpu; nang ma thünzak ojao chitüi.

JEREMIA 3:3 ပူးပေါင်းရင်းမြစ်များ

LIWI 26:19

Kue ningle-khokhe chithüile tüikya hünzom mongngam apakle awütüi; zangwatkya chitüiüi ilaxle hünzom haxtok a tüle zuale zanle jan lailaile achangüi.

JEREMIA 14:4

Chemthüikoxle zang ojao chiwat ilaxle chaxwan tok komkaile zanle zua, manzaimixbu ang mong ma okak ang achang; hwome ma thün khom.

JEREMIA 14:22

Owa nok chapabue chu zangwat ti ajo ang münthopu; zangdinge chix lailai to nyenti ajo ang müntho. Kwome kwom monghom nang ma thompu, O Jowanpa kwom Zang, chemthüikoxle ibu moktsuakkya a nangtix changle.

JEREMIA 5:24

Kue tsosa zangwat hia watun zangwat ajo laxle zanglao foto otutu ma puamün ang tomkox ngaxchu, hünzom ku achuak-achen angkya mong ma otuechu texle chiatak.

ISAIA 5:6

Ija khama hingzang wüi naxnyemkox. Kue ozubu sexle münchang chichangba haxkhutle akhixle münchang; itülüi kue ija to kongbüi hia huxbue awangle chang ang tomüi. Kue ija ding to zangwat angkya zangfwom münabax.”

TSAITONG-KAXTONG 28:23

Ojao zangwat ang chitomüi, ilaxle hünzom haxtok a jan lailaile tsaküi.

HAGAI 1:11

Kue haxtok hato otui-onuak apüipu--ija haxhuabu hato, saxziak zimfa ma, grep haxtok ma, ilaxlechu olip haxtok--haxtok ma alailai saxziak pangwüi hato, khünaknu hia müi-nyax pangwüi hato, hünzome küi-thwomle alai ang azongkya pangnuli hato zanle zi angkya apüipu.”

AMOS 4:7

Hünzom tsaxsa-hikhae ti lomtukhae ti tsyenle tuikya a ku changpu. Kue tingnu tuita to zangwat ajo ikoxle mama tingnu to a chiajo. Haxtok tuita ma zangwat ti düt ikoxle mama haxtok a zanle zi ang tom.

JEREMIA 9:12

Kue atüi: “Jowanpa, ija makhange khünak tuitale ang chikople chemkhomale ija haxtok awütpu ilaxle sak-hax bütale ozan ang achangpu? Ija bama tsingle tsuaktang jepa owa tüi? Hwome mix hama wüntsuak tangle nang ija bama owa hama zexdaoa?”

JEREMIA 8:12

Ku khünaknu, hünzome chichangchizang mwot ibu pangwüi moklaxle azakzi pia? Münchang, hünzom a ojao münazak; hünzome thünkhi angkya ngaxchu müntik! Ikhoma mix chemle ngolaxpuix ilailaile hünzom chuwüi nguaküi; chemtue kue hünzom to sikangünüihex, hünzom hanpakma oshuk a ija changüi. Jowanpa, kue ija kax akaxdaoa.

JEREMIA 6:15

Ibu zakkop mwotbu moklaxle hwom azak zipia? Münchang, hwom ojao münazak; hwome azakle thünkhi angkya ngaxchu müntik. Idaile mix chemle nguakpuix iningle hwomchu nguak angkya changpu; chemtue kue hwom to sikangünüihex, hwom hanpakma oshuk ang ija changüi. Jowanpa, kue ija akaxdaoa.”

ZEFANIA 3:5

Ikoxlechu Jowanpa a ija tingnu mawüi tüile ngo; Chixe chem supuix ija mok ikoxle chem chisupuix ija otuechu chimok. Nopfokya to chixe chix khünaknu ang sukya kaxfün fa. Ikoxlechu ikhama tüikya ochax khünakbue ojao chiazakle chisukya mwotbu mokle ngo.

EZEKEL 3:7

Ikoxle Israel nok owaechu nang zangwün to apasele müntsupu; hwome ku zangwün to ngaxchu münapa. Hwom pangwüi kheba chithüikya mongtsakkya khünakbu changpu.

JEREMIA 5:3

Jowanpae otsing tomtata ma mongong tüikya mix lompu. Chixe hünzom to hongpu, ikoxle hünzome ojao nakhwop chikex; chixe hünzom zutle akhixpu, ikoxlechu hünzome awanle münkoppu le angam. Hünzom ang mong-khüi ilaxle ochaxbu tokya hünzom mong münchatpule na tüt.

IBRI 12:25

Kaxzexkya mix kax ma chilaxle chitüi angkya bama hünzom likhün lax, chemthüikoxle chaxwannu ma likhün angkya kax owae zexpuix, ija kax ma chilaxkyabu ngaxchu paole azang ang chitho, jangchangba zangkangting tokhange kaxkhün zexkya mix thüntho angkya tomning chemle paole azang thoüi!

NEHEMIA 9:17

Hwome kax ma münlaxpule angam; nange hwom hanpak ang mokdaokya mwot pangwüi hwome alakle asam; nange ohünotün mwot mokle ahokyabu pangwüi hwome alakle asam. Hwom mongngam füi hwome lompa tuita kam Ijip chaxwan to hwom tamchatle da ang achangkya angkya hanpakma a. Ikoxlechu nang a thaikya pangwüi alak tsuakkya Zang; nang a chingcha hia mongkün füikya Zang, zaxhunle tix mongtsikya Zang a. Nang chingcha a huanu changle; nange hwom awütle chitox.

JEREMIA 14:3

Hakpabue ti lax ang hwom dabu tsanle apaole; hwom a tüküi to ti lax ang za, ikoxle ti ojao chiatak; hwom a tipebu ohua ma laxlaxle chat. Monghixkyae tamchu khosamkyae, hwome ma thün khom.

JEREMIA 36:2

“Laitün tuita koplax ilaxle Israel nok hia Judah nok tamchu chaxwannu nok pangwüi hanpakma kue nang hama akax daokyabu ku kax pangwüi lai ma zale koplax. Josiah wanghom ang ngopong tokhange athax kopkya mong ma kue nang füi chempang akaxle hüidaopuix ibu pangwüi zale koplax.

ZEFANIA 2:1

Zak chitüikya jat-li, hünzom ang khangka hinglax,

PONGWANG LAIPEX 19:34

Ofüinyix honae honao füi akaxle thüi: “Ku müja chix füi jip-pomle changpu; aja chuwüi chix jutok ang tomhax, ilaxle chix füi nang jiplax. Ifüima künyi pangnyi ang wüi apa makhange süshix naosom nguidongle changüi.”

WANWÜNKAX 21:29

Otsao khünakbu ma hanpakma atsingshole awan ngopu; chichang-chizangkya khünake otukux tsuak puixle atsing angkya wüi.

JEREMIA 5:25

Itülüi, hünzom ochaxbu khoma müikya oli ibu hünzome kop ang chitomle abaxle tüile.

JEREMIA 14:1

Jowanpae ku hama haxzua-zangzua angkya bama akax,

AMOS 4:8

Tilan ma ashole max, mama-mama tingnu tokyabu tingnu tuita to ti ataküile onglaxle ngui, ikoxle ling ang ngaxchu okhonguile chikop. Ikoxngaxchu hünzom ku hato chichat.