JEREMIA 3:25 - OTSAO BAIBEL (BSI)

²⁵ Kem a zakkop ma jiplaxle thünzake kem to thünzak füi chwop ang tomkya li. Keme ilaxle kem pupa hwome Jowanpa kem Zang zongto jento achaxle hüidaoa; keme otuechu chix kaxtombu kax ma chilax.”

JEREMIA 3:25 ပူးပေါင်းရင်းမြစ်များ

JEREMIA 22:21

Nang ahak-aluale tüipongma Jowanpae nang füi zangwünpu, ikoxle nange mün-apapule angam. Nange nang tsün-tsün ma ilele wüi mokle hüipu; nange Jowanpa kax ma otuechu chilaxpu.

JEREMIA 2:26

Jowanpae thüile: “Kople changkya zuma ahuxmix to chingcha chitüile changkya ningle, hünzom Israel khünak to chingcha chitüile changüi—hünzom wanghom hwom ilaxle nguakax-wangkhobu, hünzom nguapabu hia ajebu pangnusa to a.

ROM NOK HATO ZAKYA POL LAIZA 6:21

Athax chempang khoma hünzom azakle ngopuix ijabue hünzom ang lap chemchu münfa. Iningkyabu mwot mokkyae khünak zi ang koxle!

DANEL 12:2

Opangsa ami wüi zile paodaopuix ibu chuwüi azangle ngoüi; züizüie oshuk chitüikya khüzün koplaxle mongmüi atungle ngoüi, ilaxle mamabu a oshuk chitüikya sikngün ma zolitle ngoüi.

EZEKEL 36:32

Israel khünaknu, kue ibu ile mokkya a hünzom hanpak ang mokkya münchangle hünzome awankoxle müisele thütpu. Hünzome mokle ngokya bama hünzom ang thünzak hia mongmakya naxtüi le texpu. Ija kax, Jowanpa Khüthak Zang, kue akaxpu.”

EZEKEL 7:18

Hwome nyikhwon awunlaxle ngoüi ilaxle hwom abünle maxüi. Hwom khangbu ongüi, ilaxle hwom pangwüi zakkop ma ngoüi.

MANGSOP 5:16

Kwom mongngamle ngokya oli chemchu danle chitox. Kwome ochax lyen, ilaxle athax kwom a maxdaoa.

MANGSOP 5:7

Kwom pupa hwome ochax lyen, ikoxle athax hwom a chitüi, ikoxle kwom a hwom ochaxbu khoma sikngünle ngopu.

JEREMIA 6:26

Jowanpae chix khünaknu füi akax: “Nyikhwon aponglax ilaxle haxbu khato wotlax. Nange tuita wüi tüikya nao zile paopongma chemle sopse hex ile mongmaxle sopkox, chemthüikoxle nang thomjo ang nguile ngokya mixe allele singüi.

JEREMIA 2:19

Hünzom ochaxe hünzom towüi sikngün fa angkya changpu, ilaxle hünzome ku hato tok ahokyae hünzome wüi thajao kop angkya changpu. Jowanpa hünzom Zang ku awütle toxkya chemtukux khaxkya hex tamchu thaikya hex ija hünzome awanle laxüi, ilaxle hünzom mongong tüikya füi ku ma ngo ang chikople changüi. Ku, Jowanpa Khüthak Zang-e ija akaxdaoa.”

JEREMIA 2:17

Israel, nange alüile ija nang ding a nange apüilaxpu. Jowanpa, nang Zang ku nange awütle toxlaxpu, lomjang fole kue nang lom azüingale-a.

JEREMIA 2:2

Jerusalem ma tüikya pangnusa hato ija kaxho fa angkya akax: “Nang naosom pongma chemtukux mongong ma chiale le tüikya hex kue münalak, künyi aju-asomle chang tanto owangpongma nange ku to tüle mongkünkya dai; sak-hax akaile nange ku mantole azüi, thomo-manzaile chichangkya haxtok akaile a.

ISAIA 50:11

Mix fün ama ang olom zingle ngokya hünzom pangwüi hünzom pangwüi mae zingkya olom ma maxüi. Ija ile Jowanpa chix tomtae chang ang tomüi; hünzome wün ang chimüikya shoma thangnak apongüi.

ISAIA 48:8

Kue awan ngopu hünzom to mongong angkya jao müntüi, hünzom a apüipüile tüikyabu le awan ngopu. Ikhoma hünzome ija chemtuechu atat ang chikoppu, chemthüikoxle hünzom na ma ija kax tuita chu chiwang.

WANWÜNKAX 5:13

Kue ku nwotmix hwom tsai-kax to chiapa. Kue hwom to ojao mong chikox.

MÜNCHUAK-TSAI 109:29

Ku zanpabu a chingcha chitüikya füi chwople naxchang kox; zakkop a hwome zapua ningle naxawun kox.

MÜNCHUAK-TSAI 106:7

Ijip nok to kwom pupa hwome Zang ohünotün mwotbu chitsingtsuak; chixe hwom hama obithomthom ma hexle ahokya hwom tokya chix mongkün hwome alakle asam, ilaxle Khikya Tinu Shinthuk ma hwome Khüthak Zang füi alünle chang.

KAXFÜNPA-HWOM 2:2

Ija haxtok ma tüikya khünak owa füichu hünzome Longzale kaxfün chizingüi. Hünzome hwom baozang to shwomnui angkya tö-tsapbu ama angkya changle.’ Ikoxle kue hünzom füi akaxkya hünzome chemchu chimok. Hünzome ija füi opüipüi mix mok!

MÜNCHUAK-TSAI 106:6

Kwom pupa hwom lailaile kwome chuwüi ochax lyenle changdaoa; kwom a chichangchizangle tamchu achax-asaxle hüidaoa.

JEREMIA 3:13

Nang thaidaoa, Jowanpa nang Zang zongto nang zanpa ang changle hüidao ale ngaikox. Nange ku kaxtombu kax ma chilax ikoxle pünnu tong hex athüithüi ma nang mongkün a mixnok baozangbu ang koxle tüidaoa. Ija kax Jowanpae akaxdaoa, le Israel füi akax angkya kax chixe ku füi akax.

JEREMIA 8:14

Zang khünaknue atüi: “Kem büthüikoxle dangle thung-ngopu? Hai paohax, kem a ziakople thomkya tingnubu to nguilaxle ikhato zihax. Jowanpa, kem Zang-e kem a zilax-maxlaxle ahaidaoa; chixe kem ang zik-hing ling ang koxdaoa, chemthüikoxle keme chix zongto ochax mwot mokdao koxle.

JEREMIA 14:7

Ku khünakbue ku sele akhong: “Kwom ochaxbue kwom ma tsaihux-kaxhux fe angkya tüingokoxchu, kwom to asunhüi, Jowanpa, ami nange tsaodaokya ningle a. Kwome nang hato tok obithomthom ma hexle ahole changdaoa; kwome nang zongto ochax mwot mokle changdaoa.

JEREMIA 14:20

Kwome nang zongto ochax lyenle changdaoa, Jowanpa; kwome ku ochax ngaile ngopu ilaxle kwom pupa hwom ochaxbu a.

JEREMIA 20:18

Ku a omalax ang pux ngo? thangshix tuita hia mongtsik apong zaza ang, ku tsün a zakkop ma ashuk ang hia?

JEREMIA 31:19

Kwome nang hato tok ahopu, ikoxlechu kwom chwonle wüi chat-se tsule. Nange kwom to sikangünle chang füima, kwome kwom khangkho asam thompu. Kwome zakkop ilaxle thajao-wünhai atak chemthüikoxle kwom naosün ma tüitanto kwome ochax lyen.’

EZEKEL 2:3

“Ziün angkya khünak, kue nang a Israel khünaknu hato tsanle apaopu. Hwom ku füi alünle ilaxle ku hato tok ahole. Hwom pupa hwom lailaile ibue chizakle ku füi alünle wüi ngole.

WANWÜNKAX 13:18

Owae awanle chilax laxpuix, chix a zasa tamchu chingchajaja chitüikya mix changpu. Achangle fakya to owae apalaxpuix, ija mix chathua zakya tüiüi.

JEREMIA 7:19

Ikoxle hwome mong amakya otsing tomtata ma ku changchami? Münchang, hwome hwom to alüile mak-khapu ilaxle alüile hwom hato wüi thünzak apüipu.

JEREMIA 9:18

Khünaknue thüi: “Kwom hanpakma mangsop tsai ngao angkya hwom ang kangmomlaxle thüikox, kwom mik ma mikfi ti jenle machang machangle, tamchu kwom mik-kaxbu sopkya mikfi tie awangle machang machangle.”

JEREMIA 11:13

Judah angkya khünaknu hanpakma hwom ang tüikya tingnubu tukuxle jao baozangbu tüihule, ilaxle Jerusalem ma ngole tüikya khünakbuechu tingjang lomnu büta zakkop baozang Bal tö-tsapbu okhonguile ajongle tüile.

JEREMIA 12:13

Ku khünaknue wonglai haxtok mo, ikoxle hingzang züt ang kop; hwome azongle mwot mok, ikoxle ikhama chemchu chikop. Za-adünkya ku mongtsik khoma hwom puamün atho.”

EZEKEL 44:13

Hwome nguapa tuita ningle hwome ku mwot münmoküi chichangba ku zongto chem otsao hex ija hato chihüiüi chichangba Ataxkya Otsao Nui to münnopüi. Hwome nushixdongkya ochax mwot mokle changdaokya khoma ija a hwom hanpak ang sikngün fakya changpu.

HOSIA 9:10

Jowanpae thüi: “Chemtue kue pongwang ma Israel atakkya hex, ija a sak-hax to nyemle ngokya tuita grep zu ningle changkya. Chemtue kue hünzom putong hwom owangole ngünpuix, ija a jumtukhae pongwang ma jumkya fupsa jum lailaile tüikya. Ikoxlechu chemtue hwom Peor Haxnu to nguipuix, hwome Bal to shwom ang süt ilaxle lebama wüi hwome mongkünkya baozang Bal lailaile hwom ku dyenkyabu ang achang.

ZEFANIA 1:17

Jowanpae thüile: “Ile khünak pangnusa wüi miksutbu lailaile akhwomle aham angkya thama khünaknüsa hato apüile koxüi. Hwome ku zongto ochax lyenle changdaoa, ilaxle athax a hwom ajibu a tijenkya ningle thokle awütüi, ilaxle hwom mangbu a kothofa to shanle za-ngoüi.”