JEREMIA 3:19 - OTSAO BAIBEL (BSI)

¹⁹ Jowanpae thüi: “Israel, kue nang kusa ang pongle kopse tsupu ilaxle nang a mongtex ma nguikya haxtok koxse tsupu, chaxwan tok ma osün sümüikya haxtok a. Hünzome ku ang apale namnyakbae texpu ilaxle ku hato tamchatle tok chiahole changbae le thütpu.

JEREMIA 3:19 ပူးပေါင်းရင်းမြစ်များ

JEREMIA 3:4

“Ikoxle athax nange ku ang thüipu, ‘Nang a ku apa changle, ilaxle nange ku to naosa tanto khange wüi mongkünle hüipu.

JEREMIA 31:9

Ku khünaknu a mikfi-tunjile nguiüi, kue hwom zunle changpongma zangjopngale nguiüi. Kue hwom a ti jenle tüikya shuasa hato apüiüi, hwom chikho sua angkya chitüikya lom fünmüi to a. Ku a Israel nok zongto tuita hopa ningle, ilaxle Efraim a ku sasün tüichongsa ningle.”

ISAIA 63:16

Nang a kwom hopa changle. Kwom putong Abraham hia Jakop hwome kwom mün chichangle, owae jento kwom khosünle koppuix, ija Jowanpa, kwom hopa, nang mün tata fuale tox wüi.

IBRI 10:39

Kwom a anongle chat üntoxle samle maxkya khünaknu münchang. Itülüi, kwom ma mongong tüile üntoxle khosünle tüile.

EFISIA 1:5

Chix mongkün khoma Khrista ma kem chixsu chixsa ang achang angkya Zange mongzangwünle tsuak daokya changle. Ija a chix mongmüi tamchu chix chaktung changle.

GALATIA 3:26

Khrista füikya notom ma hünzom Zang susabu ang achangkya a mongong makhange changle.

HOSIA 11:8

“Israel, kue nang chemle danle awütüi? Kue nang chemle dantoxüi? Kue Admah amütkya ningle hünzom amütüi hi chichangba kue nang to Zeboiim to hwonkya ningle hwonüi hi? Ku mongkhae ku ang ija mok ang müntom! Hünzom tokya ku mongkün a huanu changpu.

DANEL 11:45

Chixe chongkya chix wanghom Nyihom tinu hia haxhua nyi zo ma, Zangshwom-Hom ajongle tüikya khama zingüi. Ikoxle chix to asunle fa angkya mix tuita chitüile chix a zile paoüi.”

DANEL 11:41

Chixe Tsaotsüt-Haxtok to lünle tingtakle hüiüi ilaxle jatbün jattsa to lünle jao langüi, ikoxlechu Edom, Moab hia Amon nok to ota toxle changkyabu a paole azangüi.

DANEL 11:16

Hwom tingtakle nguikya Siria khünake hwom to chix mongtextex ma hwonüi, chix füi alün angkya mix chitüiüi. Chix a Tsaotsüt Haxtok ma ajongüi ilaxle chix chak ma pangwüi kopüi.

DANEL 8:9

Ija müizong ali kha angkya hixkya müizong tuita lai; ija tsak-zong a shuathongchi hia handünchi ilaxle Tsaotsüt Haxtok chikao to o-le tüikya.

EZEKEL 20:6

Ilaxle epongma kue hwom Ijip nok tokya alaile pao angkya ilaxle kue hwom hanpakma zünle kopkya, tüle ahak-aluale tamchu haxzaoe awangle tüikya haxtok, zangfang ma sümüipupa haxsüt, ikhato apüi angkya tsaosax.

JEREMIA 31:20

“Israel, nang a kue mongkünkya kusa changle, kue ataxle mongkünkya mix a. Chemtue kue nang mün lünpuix, kue nang bama mongkün füi ajangpu nang bama mongkün füi a. Ku mongtsang nang hato laile pao; ku a chingchajajale tüiüi.

JEREMIA 12:10

Mixnok apün-awangkyabue ku grep haxtok huanuma amadaoa; hwome ku haxtok to cha füi nakle amadaoa; mongkünkaikya ku haxtok hwome sak-hax ang achangdaoa.

JEREMIA 5:7

Jowanpae atüi: “Kue ku khünaknu thaikya ochaxbu chemkhoma alak angkya? Hwome ku chilaxle dantoxpu ilaxle changjao chichangkya baozangbu to hwome shwompu. Kue hwom ang wok afwotle machang machangle ku khünaknu tuxpu, ikoxlechu hwome chinunchakkaile changpu ilaxle hwom hanpakbu a tsangtsa hangkyabu füi alyetpu.

ISAIA 64:8

Ikoxlechu Jowanpa, nang a kwom hopa changpu. Kwom komhax thatha, ilaxle nang a tikjaomix changpu. Kwom a nang chakzing,

WANWÜNKAX 3:35

Jetüi-hwonlangkya khünakbue achuak-achenkya kopüi, ikoxle ongatbue hwom künmax-mongshankya to janbo langüi.

MÜNCHUAK-TSAI 106:24

Ifüima hwome ipong müikya haxtok chilaxle awüt, chemthüikoxle hwom Zang kaxtsao to mong chiong.

1 PITAR 1:17

Khünaknu nok ang, mamwot mwot ma thütle, mapai mix chizün homle otya kaxfün fa angkya Zang ang zangjop pongma hünzome “Apa”, le nyaktüi; jangchang thüiba ija chaxwannu ma tsün ngotanto chix chathua zale ngokox.

MÜNCHUAK-TSAI 16:6

Ku ang koxkya nang hingho ohünotün changpu; ibu ku zongto huanuma müipu!

MÜNCHUAK-TSAI 89:26

Chixe ku ang thüiüi, ‘Nang a ku apa tamchu ku Zang changle; nang a ku kho-awapa tamchu khosünpa changle.’

JEREMIA 3:17

Chemtue ija hanpak nguile hüipuix, Jerusalem ang ‘Jowanpa Tüntong’ le nyaküi, ilaxle pangnu jat-li ikhato ku to shwom ang asoxüi. Athaxpi hwome hwom mongkhüikya hia ochax kün-monge hwom füi chemle akaxpuix ija kax ma münlaxüi.

JEREMIA 33:9

Jerusalem a ku hanpakma mongmüi, achuak-achenkya hia mongngam otong ang changüi; Jerusalem angkya khünaknu to kue mwotmüi mokle koxkya hia ija tingnu hato ahak-aluakya apüile fakya atatkya zuma zangfang angkya onok pangwüi zaüi ilaxle chikux ahongle changüi.”

TSAITONG-KAXTONG 14:1

“Hünzom a Jowanpa hünzom Zang khünaknu changpu. Idaile chemtue hünzom owawa zi-maxkya bama sop-jua pongma, ma to alüile zütle chichangüi chichangba khüjan ongle chiawütüi; ija ningkya a mixnokbue mokwüi.