JEREMIA 3:18 - OTSAO BAIBEL (BSI)

¹⁸ Israel nok a Judah füi athütüi, ilaxle hwom tomtomle shuakuxchi nok to zanda ang ngole hüikya haxtok tokya, kue hwom pupa hwom ang onyem ang hwom haxtok ang lax ang koxkya haxtok to chatüi.”

JEREMIA 3:18 ပူးပေါင်းရင်းမြစ်များ

JEREMIA 31:8

Kue hwom a shuakux chitokya apüiüi ilaxle haxtua-zangnam tokya kue asox-atomle changüi. Miksut hia chafaibu ngaxchu hwom füi tomle nguiüi, naowok hia nao ngüntu nguile tüikyabu chuwüi nguiüi. Hwom a chongkya jat-li tuita ang nguiüi.

AMOS 9:15

Kue hwom ang koxkya haxtok ma kue ku khünaknu thwomüi, ilaxle hwom a tamchatle fuakle münawütüi.” Jowanpa hünzom Zang-e ija akaxdaoa.

HOSIA 1:11

Judah angkya khünaknu hia Israel angkya khünaknu tuita ang achangdaoüi. Hwome hwom obama lompa tuita wüi zünle laxüi, ilaxle hwom a hwom haxtok ma tamchatle putsale ahak-aluaüi. Changle, Jezril tsün chaxwan-zanghan a huanu chongkya changüi!

JEREMIA 50:4

Jowanpae thüile: “Chemtue ija hanpak nguile hüipuix, Israel hia Judah angkya khünaknu sopngale, hwom Zang ku lomle nguiüi.

JEREMIA 23:8

Itülüi, shuakuxchi haxtok hia chixe chiakle asamkya chaxwan tokya ozün ma tüikya Zang owae Israel khünaknu zunle apüipuix, chix mün ma hwome tsaotsütle changüi. Ipongma hwom a hwom haxtok ma ngole tüiüi.”

JEREMIA 16:15

Itülüi, ku a, shuakuxchi nok tokya tamchu kue hwom chiakle asam thomkya nok tokya Israel khünaknu khosünle apüikya khüzün Zang changpule ku mün ma tsaosaxle changüi. Kue hwom pupa hwom ang koxkya hwom haxtok towüi chatle apüiüi. Ija kax Jowanpa, kue akaxdaoa.”

JEREMIA 3:12

“Mongong chitüikya Israel, ku hato chat-hüi. Ku a chingcha mix changle ilaxle mongtsikkya müntüiüi; ku nang füi othuithuima mongtsikkya müntüiüi.

ZEKARIA 10:6

“Kue Judah angkya khünaknu tüle tsak-zongle chang ang tomüi; Kue Israel khünaknu kho-awale kopüi. Kue hwom to chingchajajakya tüiüi ilaxle hwom pangwüi ma haxtok to chat ang tomüi. Hwom a kue chilaxle awüt daokya ningle jao chitüile changüi. Ku a Jowanpa, hwom Zang changpu; kue hwom zangjop to lanüi.

HOSIA 11:12

Jowanpae thüile: “Israel khünaknue dyenlale atsekya füi ku akhople ngole, ilaxle Judah angkya khünaknue athaxkople, mongong ma chialekya hia otsao Zang füi alün-aloxle ngole.

JEREMIA 50:20

Chemtue ija hanpak nguile hüipuix, Israel haxtok ma ochax chemchu münataküi ilaxle Judah haxtok ma chichang-chizangkya chemchu münataküi, chemthüikoxle kue khosünle kopkya khünaknu ang kue thailakkya tüiüi. Ku, Jowanpae ija akaxdaoa.”

JEREMIA 30:3

chemthüikoxle kue ku khünaknu, Judah hia Israel, chatle shomüi-wanmale ngo ang tom angkya hanpak nguile hüile. Kue hwom a hwom pupa hwom ang koxle tüikya haxtok to chatle apüiüi, ilaxle hwome tamchatle ija ma nokpu ang achangle ngo ang kopüi. Ija kax, Jowanpa, kue akaxdaoa.”

JEREMIA 7:7

Hünzome monglüile jangchang, kue hünpu hünpa hwom ang tsüntsün to hwom kux hex-ole koxkya ija haxtok ma hünzom ngo ang tomüi.

JEREMIA 50:5

Hwome Zaion tole angkya lom atüiüi ilaxle ija lom ma küithole leüi. Hwome ku füi othuithui hanpakma tsaotsütle changüi ilaxle ija otuechu chiamaüi.

EZEKEL 11:17

“Idaile ku, Jowanpa Khüthak Zang-e hwom füi akaxle ngokya kax hwom hama apuakox. Hwom chiakle asam thomkya haxtok tokya kue hwom asox-asüiüi, ilaxle Israel haxtok kue hwom ang wüi achatle koxüi.

ZEKARIA 2:6

Jowanpa c hix khünaknu füi akax: “Kue hünzom lomkua pangwüi chito afale fan ang tompu. Ikoxle athax hünzom zanda ang ngokyabu, hünzom Babilon nok chak tokya paole azang laxle Jerusalem to chatpu.

PONGWANG LAIPEX 12:7

Jowanpa a Abram hato ngaile lai ilaxle chix füi akaxle thüi: “Ija a kue nang su-sabu ang kox angkya haxtok changpu.” Ifüima Abram-e, chix hato ngaile ahokya Jowanpa ang tötsap tuita zingle kox.

ISAIA 43:5

Hünzom ojao taxza — ku a hünzom füi tüile! “Tsailo nok handün hia hannop tokyabu, hünzom khünakbu kue hom to ngui ang tomüi.

ISAIA 43:6

Shuakuxchi tokyabu füi kue hwom danle achat angkya kax koxüi ilaxle shuathongchi tokyabu ang hwom kople taxthomle akaxüi. Tsailo to ngokya Ku khünakbu ngui ang tomkox, chaxwannu nok pangnukha tokya wüi a.

HOSIA 2:2

Ku naosombu, hünnu to jox-naile changlax: she ku zongto kakonu tuita chichang koxlechu, ilaxle ku chix kakopa ang chichang koxlechu. Chinunchakkai hia ma tsangtsa hangle ngokya she mwot shongzak-hüile jox-naile akaxlax.