JEREMIA 3:15 - OTSAO BAIBEL (BSI)

¹⁵ Kue hünzom ang ku kax ma laxkya lompabu koxüi, ilaxle hwome hünzom thakma je-hwon hia awan-atsingkya füi apünüi.

JEREMIA 3:15 ပူးပေါင်းရင်းမြစ်များ

JEREMIA 23:4

Hwom to humele chang angkya apün-awang angkyabu kue kamüi. Athaxpi ku khünaknu otuechu za-zyenle hia chabüt-lasünle münchangüi, ilaxle kue hwom to tamchatle sik-münangün. Jowanpa, kue ija kax akaxdaoa.”

WANGSHEMBU MWOT 20:28

Ma hanpakma alüile ilaxlechu Otsao Chasae nang ang nyelaxo le koxkya pangnusa hanpakma khünkhile nye ngolax. Chix Hosa zi ang koxkya makhange ma ang achangkya Zang müimüithom ma chunnyetmix ang achanglax.

EZEKEL 34:23

Kue hwom ang ku dapa Dawid lailaikya wanghom tuita hwom chunnyetpa ang koxüi, ilaxle chixe hwom to humele changüi.

WANWÜNKAX 10:21

Müikya khünak zangwünbu füi khünakbue olap kopüi, ikoxle ongat makhange nange ma alüile lang ang thoüi.

1 KORIN 2:6

Bachutix chasa ma tsün atyadaokyabu hato kue je-hwon kaxho apukpu. Ikoxlechu otam amütdao angkya athax pongkyabu din-pan tamchu ma apün-awangkyabu je-hwon bama münchang.

EZEKEL 37:24

Ku dapa Dawid lailaikya khünak a hwom wanghom ang changüi. Hwom pangwüi pünpa-chongwang tuita fang ma notom le ngoüi ilaxle mongong tüikya füi ku wanlombu pangwüi kax ma laxle tüiüi.

KAXHO MÜIKYA LUK 12:42

Jowanpa-e lan: “Jangchangba mongongkya hia hwontüi jezaikya da opupu hex? Hwom khama süt-mwot to hume angkya üntoxle hozui dabu ang otu nguikya ma sütling to humele kox angkya, ibu mwot hanpakma mongao chitüi le hopunue mwot owa ang koxpuix, mongongkya hia hwontüi jezaikya da a chix changpu.

1 PITAR 2:2

Nampux tankya naosasom lailaile, hünzom khosün hato alople tsong angkya hanpakma tsaothakya chasa tsomti ma alankya tüilax.

1 SAMUEL 13:14

Athaxpi nange apün-awangkya zaküi. Nange chix kax ma chilaxle changkya khoma Jowanpae chix mongtsukya khünak lom laxle ija mixsün ang chix khünaknu thak ma apün-awangle ang tomüi.”

JEREMIA 31:10

Jowanpae thüi: “Jat-libu, ku kax to apalax ilaxle ku kaxbu a tinu kaxbu tsailo to apuk-kox. Kue ku khünaknu chiakle thomle, ikoxlechu kue hwom asox-atomüi ilaxle chunnyetpa tuitae chunbu nyekya ningle kue hwom to nyeüi.

EZEKEL 34:2

Chixe ku ang thüi: “Ziün angkya khünak, Israel nok pünpa-chongwangbu tha ajaokox. Hwom hanpakma aje-kox, ilaxle Jowanpa Khüthak Zang-e, kue hwom füi akaxse kax ija hwom füi akaxle changkox: Hünzom Israel nok chunnyetmixbu, hünzom a maxdaoa! Hünzome hünzom mo wünle ikoxle chemtuechu chunbu paktikle münchang.