JEREMIA 3:14 - OTSAO BAIBEL (BSI)

¹⁴ “Mongong chitüikya khünakbu, chatlax; hünzom a ku kux changle. Kue hünzom kha angkya tingnu foto khünak tuipong, saxthom foto khünak tuipongle laxüi ilaxle hünzom a kue Zaion Haxnu to chatle apüiüi.

JEREMIA 3:14 ပူးပေါင်းရင်းမြစ်များ

JEREMIA 2:19

Hünzom ochaxe hünzom towüi sikngün fa angkya changpu, ilaxle hünzome ku hato tok ahokyae hünzome wüi thajao kop angkya changpu. Jowanpa hünzom Zang ku awütle toxkya chemtukux khaxkya hex tamchu thaikya hex ija hünzome awanle laxüi, ilaxle hünzom mongong tüikya füi ku ma ngo ang chikople changüi. Ku, Jowanpa Khüthak Zang-e ija akaxdaoa.”

JEREMIA 31:32

Ija tsaotsüt a, kue hwom pupa hwom chak makhange linle Ijip tokya alai pongma thomkya ozang tsaotsüt ningle münchangüi. Hwom zongto ku tuita kakopa ningle changbachu, hwome ija tsaotsüt chithom.

ISAIA 54:5

Nang Zingpupa a nang zongto kakopa tuita ningle changüi — Jowanpa Khüthak Zang a chix mün changle. Israel nok otsao Zang-e hünzom khosünle kopüi — chix a zangfang pangwüi apünkya mix changle.

JEREMIA 23:3

Kue chiakle sam ang tomkya haxtok tokya atale tüikya ku khünakbu kue asox-asüiüi, ilaxle kue hwom a hwom haxtok to chatle apüiüi. Hwom ang su-sabu huanuma tüiüi ilaxle khünak huak tüle pu-tsale changüi.

JEREMIA 3:8

She a ku hato tok aho laxle tuita tsangtsa hangkya mixcha ang achangle paokya khoma kue Israel chilaxle jwonle apaokya Judah-echu ngünle lax. Ikoxle Judah, tuita mongong chitüikya Israel nanaonu ija ngünlaxle ojao chiza. She chuwüi tsangtsa hangkya mixcha ang achangle pao

JEREMIA 2:2

Jerusalem ma tüikya pangnusa hato ija kaxho fa angkya akax: “Nang naosom pongma chemtukux mongong ma chiale le tüikya hex kue münalak, künyi aju-asomle chang tanto owangpongma nange ku to tüle mongkünkya dai; sak-hax akaile nange ku mantole azüi, thomo-manzaile chichangkya haxtok akaile a.

ISAIA 10:22

Athaxpongma Israel khünaknu a tinu khatokya fix büta tüile ngokoxchu, hwomkha angkya hidaole wüi chatüi. Khünakbu hanpakma thama a athünle thomle, ilaxle ija kop angkya asupu.

ISAIA 6:13

Bün kha angkya khünak tuita ngaxchu ngole jangchang, chix ngaxchu max ang tomüi; chix a zakpünnu tongtho ningle achangüi.” (Püntongtho a Zang khünakbu chatle owang wangkya münwan)

ROM NOK HATO ZAKYA POL LAIZA 9:27

Ilaxle Israel khünaknu hanpakma khuapu: “Israel khünaknu fa angkya saktsang büta tüibachu, hwom kha angkya hidaole wüi azangüi;

JEREMIA 3:1

Jowanpae thüi: “Khünak tuitae chix kakonu füi fan-janle jangchang, tamchu she paolaxle mama mix kakonu ang jangachang, chixe she tam achatle lax ang müntho. Ijae haxtok jaojao komkaile chitsaokya ang achangüi. Ikoxle, Israel, hünzom ang mongkünbu huanuma tüile hüidaoa, ilaxle athax nang a ku hato chat-sele tsupu!

ISAIA 17:6

Khünak hidaole wüi ozün ma toxüi, ilaxle Israel a, okho to tomta hia anyi toxlaxle chichangba kangtong to tomta anyi toxlaxle oziak bakle khaile laxdaokya olip pün tuita ningle changüi. Jowanpa, Israel nok Zang kue akaxdaoa.”

ISAIA 1:9

Jowanpa Khüthak Zang-e züizüi ozün ma chitox thüikoxle, Jerusalem a Sodom hia Gomorah tingnubu ningle komkaile amadaose.

ISAIA 31:6

Jowanpae thüile: “Israel khünaknu, hünzome ku zongto ochax lyendaoa ilaxle ku füi alünle ajongle. Ikoxle athax, ku hato anongle chat-hüi!

ISAIA 57:17

Hwom ochax hia nüfux hanpakma ku hwom füi mongmale ngokya changpu, ikhoma kue hwom to sikangünpu ilaxle e-sele chichangpu. Ikoxlechu hwom ningle-khokhe chithüikya khünakbu ilaxle hwom malomlom to paole sam.

JEREMIA 3:12

“Mongong chitüikya Israel, ku hato chat-hüi. Ku a chingcha mix changle ilaxle mongtsikkya müntüiüi; ku nang füi othuithuima mongtsikkya müntüiüi.

JEREMIA 29:14

Changle, kue thüipu, hünzome ku ataküi, ilaxle kue hünzom a hünzom chaxwan ma tamchatle ngo ang tomüi. Kue hünzom ojong chaxwan hia tingnok to chiakle asam thomtüipuix ibu haxtok hia onok pangkha tokya wüi kue hünzom asox-atomle changüi, ilaxle kue hünzom a ojongkha tokhange zanda ang paokya hex ija onui to chatle apüiüi. Ija kax, Jowanpa, kue akaxdaoa.’

JEREMIA 31:6

Changle: Jowanpa kem Zang hato Zaion to donghax’ le Efraim haxkhobu makhange nyetmixbue ahyenle chang angkya tunu nguile hüile.”

JEREMIA 31:12

Zaion Haxnu ma hwom nguilaxle mongmüi tungle tsai ngaoüi ilaxle ku hinghobu füi mongmüikya tüiüi— saxziak hia grepti-ju hia olip münga, ibu füi, chun hia maihu hinghobu füi a. Hwom a ti okhonguile ti koxle ngokya tsawat ningle changüi; hwom ang laxsese pangwüi tüile ngoüi.

HOSIA 5:15

“Hwom ochax khoma okhonguile hwome sikngün apongle machang tanto tamchu ku lomle mangui tanto kue ku khünaknu awütle thomüi. Hwom sikngün tokhange ngaxchu hwome ku lom ang cha.”

2 PUKAX-PANGAO 30:6

Ahyenkya kax ija füi, wanghompa hia chix nguakax-wangkhobu kaxtom ma, kaxhomixbu a Judah hia Israel haxtok pangkha towüi aham: “Israel khünaknu, hünzom, Siria noke kem chaxwan tingtakle changpongma azangkyabu, athaxpi hünzom pangwüi Jowanpa, Abraham, Isak hia Jakop hwom Zang hato mongchatle changhüi, ile jangchangba chixchu hünzom hato chatüi.

ISAIA 27:12

Ija nyix, Eufrat makhange Ijip nok longzipong alople, Jowanpae tuita füima tuitale chix khünaknu süile asoxüi; ija a owawae otsa hia wonglai saxtsang süikya ningle changüi.

ISAIA 44:22

Kue hünzom ochax a zangfwom paopupule apaodaoa. Ku hato chat-hüi; hünzom khosünle kopkya mix a ku changpu.”

ISAIA 55:7

Chichangchizangkya khünaknue hwom lomtang danle naxtox ilaxle hwom mongjang olom bama künlop-monglüile naxchang. Hwom a Jowanpa, kem Zang hato naxchatkox; chix a chingcha hia chwonle thailak tüi angkya mix changle.

ZEKARIA 1:4

Hünzome a hünpu-hünpa hwom lailaile taxchang. Ku ajebue kaitanto wüi hwom hato ku kaxho apüile, hwom ang chichangchizangle tamchu ochax tsün chingo angkya akaxpu. Ikoxle hwome ku kax chiapa tamchu ija ku kax ma chilax.