JEREMIA 3:13 - OTSAO BAIBEL (BSI)

¹³ Nang thaidaoa, Jowanpa nang Zang zongto nang zanpa ang changle hüidao ale ngaikox. Nange ku kaxtombu kax ma chilax ikoxle pünnu tong hex athüithüi ma nang mongkün a mixnok baozangbu ang koxle tüidaoa. Ija kax Jowanpae akaxdaoa, le Israel füi akax angkya kax chixe ku füi akax.

JEREMIA 3:13 ပူးပေါင်းရင်းမြစ်များ

JEREMIA 3:25

Kem a zakkop ma jiplaxle thünzake kem to thünzak füi chwop ang tomkya li. Keme ilaxle kem pupa hwome Jowanpa kem Zang zongto jento achaxle hüidaoa; keme otuechu chix kaxtombu kax ma chilax.”

JEREMIA 3:6

Josiah wanghom ang ngotanto Jowanpae ku füi akax: “Eja mongong chitüikya mixcha, Israel-e chem mokdaopuix, ija nange ngünchami? She-e ku hato tok ahodaoa, ilaxle haxnukho hex athüithüi to ilaxle pünnu tong hex athüithüi to she-e tsangtsa hangkya mwot mokdaoa.

JEREMIA 2:25

Israel, nang cha hua ma taxngo, chichangba mix baozangbu achuale nang dingdua zan ang taxtom. Ikoxle nange thüitüi, ‘Ile münchang! Ku aküile chat ang müntho. Kue mixnokbu baozang füi mongakün daoa ilaxle kue hwom tangchua angkya wüi changle.’”

TSAITONG-KAXTONG 12:2

Hünzome lax angkya haxtok ma, ikha tokya khünakbue hwom baozangbu to shokya onui haxnu ma tüikyabu, haxkho ma tüikyabu tamchu pün ohing tong ma tüikyabu, ibu pangwüi pünle amadao.

JEREMIA 3:2

Haxnukhobu to hulax. Tsangtsa hangkya mixcha tuita ningle nange mwotma mamokkya kha tüicha? Arab noke zan tanpupule lomnu kax ma nange nang mongkünbu tanle nuipu. Nang ma tsangtsa hangle changkya makhange haxtok jao akhule amadaoa.

JEREMIA 2:20

Jowanpa Khüthak Zang-e thüile: “Israel, nange ku tsak-zong kaiwüi awütpu; ku kax ma münlax tamchu ku to münshwomle nang angampu. Haxnukho pangkha towüi ilaxle pünnu tong hex athüithüi to puamün baozangbu to hünzome shwompu.

EZEKEL 16:15

“Ikoxle nange ija nangsün-nangjo müikya hia zangle wünkya tuita ongam ang lax ilaxle apongpong füi jip-pomle chang.

JEREMIA 14:20

Kwome nang zongto ochax lyenle changdaoa, Jowanpa; kwome ku ochax ngaile ngopu ilaxle kwom pupa hwom ochaxbu a.

WANWÜNKAX 28:13

Nange ma ochaxbu pyenle jangthom, nange tsün ma tho-lünkya münngüntoxüi.

ISAIA 57:5

Hünzome otsao pünle thomkya pünnu tongbu to shekobu füi jip-pom laxle sixlibu kox angkya baozangle nyakkyabu to hünzome shwom. Shuakax tokya longkunbu khato hünzome masu-masabu tö tuita ang koxle lang.

JEREMIA 14:10

Jowanpae ibu khünakbu bama akax: “Ku ha angkya zikle paokya to hwome luale, ilaxle hwome alüile ma akum-athumle münchangüi. Ikhoma ku ang hwom füi mong münmüi. Hwome mokdaokya thaikya mwotbu kue akhax thomüi ilaxle hwom ochaxbu khoma hwom to sikangünüi.”

HOSIA 5:15

“Hwom ochax khoma okhonguile hwome sikngün apongle machang tanto tamchu ku lomle mangui tanto kue ku khünaknu awütle thomüi. Hwom sikngün tokhange ngaxchu hwome ku lom ang cha.”

JEREMIA 7:24

Ikoxlechu hwom ija kax ma chilax chichangba na thale chiapa. Itülüi, hwom mongkhüi hia ochax kün-mong ma chem mongkho dongpuix, ibibi ma hwome mokle hüipu. Ikhoma hwom fün süma-sümale male paopu.

JEREMIA 7:26

Ikoxlechu khünak tuitata ngaxchu apakya hia nathakya chitüi. Itülüi thüikox, hünpu-hünpa hwom to kaile hünzom sisi mix mongkhüi tamchu alün-aloxle tüitüi.