JEREMIA 3:12 - OTSAO BAIBEL (BSI)

¹² “Mongong chitüikya Israel, ku hato chat-hüi. Ku a chingcha mix changle ilaxle mongtsikkya müntüiüi; ku nang füi othuithuima mongtsikkya müntüiüi.

JEREMIA 3:12 ပူးပေါင်းရင်းမြစ်များ

EZEKEL 33:11

Hwom hama, ku a mongao chitüikya ozün ma ngokya Jowanpa Khüthak Zang changpu, ochax khünakbu max-samkya to ku mong münmüi. Itülüi kue hwom a, ochax mwotbu dantoxlaxle ozün ma ngokya ngünse tsule. Israel nok, hünzome mokle hüikya ma ochax mwot zakün. Hünzom zise büthüikoxle tsupu?

MÜNCHUAK-TSAI 86:15

Ikoxlechu, O Jowanpa, nang a chingcha hia mongkün füikya, othuithuima adukya, mongkün chingcha üntoxle chialekya mongong füikya Zang changpu.

JEREMIA 33:26

Kue ija otsing tomtata ma chemle mokpuix ilailaile Jakop hia ku dapa Dawid hokhi füikya ku tsaotsüt kue otya ma thoma angkya changpu. Abraham, Isak hia Jakop hwom su-sa hwom thakma apün angkya kue Dawid sasün hwomkha angkya tuita zünle kop angkya changle. Kue ku khünaknu to chingchale tüiüi ilaxle hwom a tamchatle ahak-aluale tüi ang tomüi.”

JEREMIA 31:20

“Israel, nang a kue mongkünkya kusa changle, kue ataxle mongkünkya mix a. Chemtue kue nang mün lünpuix, kue nang bama mongkün füi ajangpu nang bama mongkün füi a. Ku mongtsang nang hato laile pao; ku a chingchajajale tüiüi.

JEREMIA 3:22

Jowanpa hato tok ahole paokyabu hünzom pangwüi chat-hüi; chixe hünzom kak amüiüi ilaxle mongong tüikyabu ang achangüi. Hünzome thüi: “Changle, kwom a Jowanpa hato chatpu chemthüikoxle chix a kwom Zang changle.

JEREMIA 3:18

Israel nok a Judah füi athütüi, ilaxle hwom tomtomle shuakuxchi nok to zanda ang ngole hüikya haxtok tokya, kue hwom pupa hwom ang onyem ang hwom haxtok ang lax ang koxkya haxtok to chatüi.”

JEREMIA 30:11

Ku hünzom hato nguiüi ilaxle hünzom azünüi. Jat-libu pangwüi kue max ang tomüi athax hünzom kue chiakle thomkya onokbu a, ikoxlechu kue hünzom münamüt. Kue hünzom to sikngün chifa homtoxle münalyet; ikoxle kue hünzom to sikangün koxlechu chisumüile münchang. Ku, Jowanpae ija akaxdaoa.”

JEREMIA 23:8

Itülüi, shuakuxchi haxtok hia chixe chiakle asamkya chaxwan tokya ozün ma tüikya Zang owae Israel khünaknu zunle apüipuix, chix mün ma hwome tsaotsütle changüi. Ipongma hwom a hwom haxtok ma ngole tüiüi.”

JEREMIA 4:1

Jowanpae thüi: “Israel khünaknu, hünzom mong chat-se jangtsu, ku hato chat-hüi. Hünzome ku to mongong thom ilaxle kue tsakkya chapabu awütle jangchang,

JEREMIA 3:5

Nang a othuithuima mongtsikle münngoüi; ku füi nang jento mongmale münngo.’ Israel, ija kax nange akaxpu, ikoxle nange tsuakkya kople ochax mwot mokpu.”

MÜNCHUAK-TSAI 145:8

Jowanpa a mongkün hia chingchajaja füikya changle, zaxhun ma tix mongtsiküi ikoxle mongkün ma ojem chifünüi.

MÜNCHUAK-TSAI 86:5

Nang a kwom zongto müile tamchu kwom ang thailak tüile, nang to jop-tokyabu hanpakma chizakle künkya nang mongkün tüile.

2 WANGHOMBU 18:1

Israel nok ma Elah sasün Hoshea-e apünkya zanglao azom lükya to Ahaz sasün Hezekiah a Judah nok ma wanghom ang achang.

2 WANGHOMBU 17:23

Jowanpae chix da ajebu makhange hwom ang kaxkhün koxle hüikya ningle, chix miksho angkya hwom khünak tuita ota chitoxle ma-amüt ma-amütle hwome ochax lyen lüwüi ngo. Ikhoma Israel nok Asiria noke zanhok ma koplaxle pao, ilaxle hwom a athax kople ikha to ngo.

TSAITONG-KAXTONG 30:2

Hünzom hia hünzom su-sa hwom Jowanpa hato mongchatle jangchang ilaxle anyix kue hünzom ang koxle ngokya kaxtombu pangwüi kax ma laxle jangchang,

HOSIA 6:1

Khünaknue thüi: “Athaxpi Jowanpa hato chat-hax! Chixe kem to mak-koxdaoa, ikoxlechu chixe tütakoxlechu kem kak amüile fa angkya changle; chixe kem to mak-khapu, chixe wüi kem mak to lople fa angkya changpu!

EZEKEL 39:25

Jowanpa Khüthak Zang-e thüile: “Ikoxlechu athax kue Jakop susa hwom, Israel nok hato chingcha ahoüi, ilaxle hwom a tamchatle ahak-aluale chang ang tomüi. Kue ku otsao mün kho awa angkya changle.

JEREMIA 31:8

Kue hwom a shuakux chitokya apüiüi ilaxle haxtua-zangnam tokya kue asox-atomle changüi. Miksut hia chafaibu ngaxchu hwom füi tomle nguiüi, naowok hia nao ngüntu nguile tüikyabu chuwüi nguiüi. Hwom a chongkya jat-li tuita ang nguiüi.

JEREMIA 3:14

“Mongong chitüikya khünakbu, chatlax; hünzom a ku kux changle. Kue hünzom kha angkya tingnu foto khünak tuipong, saxthom foto khünak tuipongle laxüi ilaxle hünzom a kue Zaion Haxnu to chatle apüiüi.

JEREMIA 3:7

Kue thütpu, she-e ibu pangnu mokle tsuak füima, she a ku hato chat angkya changle. Ikoxle she a tamchichat, ilaxle mongong chitüikya she nanao Judah-e ibu ngünle lax.

JEREMIA 3:1

Jowanpae thüi: “Khünak tuitae chix kakonu füi fan-janle jangchang, tamchu she paolaxle mama mix kakonu ang jangachang, chixe she tam achatle lax ang müntho. Ijae haxtok jaojao komkaile chitsaokya ang achangüi. Ikoxle, Israel, hünzom ang mongkünbu huanuma tüile hüidaoa, ilaxle athax nang a ku hato chat-sele tsupu!

ISAIA 44:22

Kue hünzom ochax a zangfwom paopupule apaodaoa. Ku hato chat-hüi; hünzom khosünle kopkya mix a ku changpu.”

WANWÜNKAX 28:13

Nange ma ochaxbu pyenle jangthom, nange tsün ma tho-lünkya münngüntoxüi.

MÜNCHUAK-TSAI 103:17

Ikoxlechu opange Jowanpa chathua zale tüipuix, hwom hanpakma chix mongkün jento ngo, ilaxle chix müikya tsüntsün to ngo;

MÜNCHUAK-TSAI 103:8

Jowanpa a chingchajaja hia mongkün füikya changle, mong a zaze letix tsik ilaxle ojem chifünkya mongküne awang laxle tüikya.

MÜNCHUAK-TSAI 79:5

Jowanpa, nang a kwom füi othuithuima mongmale ngo angkya hia? Nang mongtsik a chizakle wün ningle chuale ngo angkya hia?

2 PUKAX-PANGAO 30:9

Hünzom Jowanpa hato chatle jangchang, hünzom haxnu-homsabu zanda ang koplaxle paole thomkya khünakbue hwom to chingchajajale changüi ilaxle hwom a hom to chat ang danüi. Hünzom Jowanpa a mongkün hia chingcha füikya Zang changpu, ilaxle hünzom chix hato chatle janghüi, chixe hünzom a ponglekop angkya changle.”

2 WANGHOMBU 17:6

ija a Hoshea-e apünkya zanglao aku lükya changkya. Asiria nok wanghompa Shalmanesar-e Samaria kop, Israel khünakbu Asiria to zanda ang kople pao ilaxle hwom züizüi Halah tingnu ma ngo ang tom, züizüi a Gozan haxsüt angkya Habor Shuanu zui ma ngo ang tom, ilaxle züizüi a Medi nok tingnu ma ngo ang tom.

2 WANGHOMBU 15:29

Pekah a wanghom ang ngole tüipongma Asiria nok chongwangpa Tiglath Pilesar-e Ijon angkya tingnu, Abel Beth Makah, Janoah, Kedesh, ilaxle Hazor, ilaxlechu Gilid haxtok ma tüikya, Galili, ilaxle Neptali, tingnu ibu kop üntoxle khünakbu a Asiria nok to zanda ang pao.

PONGWANG LAIPEX 4:7

Nange mwot changle mokdaokoxba, nang a nyinyole tüise; ikoxle nange chichangchizang mwot mokkya khoma ochax a nang luapox ma zuile tüile. Ijae nang kopsele mongtsukya tüile; ikoxle nange ija to lüt angkya oli changle.”

LIWI 26:40

“Ikoxle hünzom tamchu hünpu hünpa hwom opange ku kax ma chilax tamchu ku zan to kale tüidaolaxpuix,

MÜNCHUAK-TSAI 103:9

Chixe salanle chingo; chix a othuithuima mongtsikle chingo.

JEREMIA 11:6

Ifüima Jowanpae ku füi akax: “Judah tingnu hia Jerusalem tingjang lomnu to paokox. Ikhato ku kaxho laxkox ilaxle khünaknu ang Tsaotsüt füikya zangwün to nathale apa angkya ilaxle ibu kax ma laxle tüi angkya akaxkox.

JEREMIA 12:15

Ikoxle kue hwom paole changkya füima, kue hwom to chingchakya tüiüi; kue jat-li pangwüi ma haxtoktok to tamchu ma chaxwan-wan to chatle apüiüi.

MANGSOP 3:22

Mong chiathokya Jowanpa mongkün chingcha otyatya wüi tüile,

EZEKEL 11:17

“Idaile ku, Jowanpa Khüthak Zang-e hwom füi akaxle ngokya kax hwom hama apuakox. Hwom chiakle asam thomkya haxtok tokya kue hwom asox-asüiüi, ilaxle Israel haxtok kue hwom ang wüi achatle koxüi.

2 PUKAX-PANGAO 29:10

“Athax kue, Jowanpa, Israel nok Zang füi, chix kem füi küntsik-mongmale chitüi angkya hanpakma, tsaotsüt hozün zingsele mongzang wünpu.

ISAIA 31:6

Jowanpae thüile: “Israel khünaknu, hünzome ku zongto ochax lyendaoa ilaxle ku füi alünle ajongle. Ikoxle athax, ku hato anongle chat-hüi!

JEREMIA 31:21

Lomkua awan koplax ilaxle kia küi toxlax; hünzom laile paokya lomtang chatle lomle ataklax. Chatle chat-hüi, Israel khünaknu, hünzome danle toxkya tinglong angkya ma hom-hax to chat lax.

ZEKARIA 1:4

Hünzome a hünpu-hünpa hwom lailaile taxchang. Ku ajebue kaitanto wüi hwom hato ku kaxho apüile, hwom ang chichangchizangle tamchu ochax tsün chingo angkya akaxpu. Ikoxle hwome ku kax chiapa tamchu ija ku kax ma chilax.