JEREMIA 28:6 - OTSAO BAIBEL (BSI)

⁶ “Ohünotün! Jowanpae ija moküi changtüi angpu le kue ongpu! Nange ajekya kax otsingtomtata ang changle hüiüi ilaxle Babilon nok to paole thomkya Zangshwom-Hom tuinabu hia zanda ang thomkya khünaknu pangwüi chatle apüi ang tomüile kue ongtomtapu.

JEREMIA 28:6 ပူးပေါင်းရင်းမြစ်များ

MÜNCHUAK-TSAI 41:13

Jowanpa, Israel nok Zang achuak-achenle changkox! Athax üntoxle othuithuima chix achuakkox! Amen! Amen!

1 WANGHOMBU 1:36

Benaiah-e lan: “Ija a moküi ilaxle Jowanpa nang Zang-e ija changpu lüwüi thüihüi!

JEREMIA 11:5

Ikoxle wüi, anyix hwom ngole tüikya kha, ahak-aluale tamchu haxzaoe awangle tüikya haxtok hwom kux ang kox angkya changpule kue hwom pupa hwom füi tsaokya tsaotsüt thomüi.” Kue thüi: “Changle, Jowanpa.”

MIKNGÜN-OHÜN 19:4

Chongwang tüntong ma thungle ngokya Zang shwomle tsa ali tüikya tüichong mixmüi hwom üntoxle ozün ma tüikya müi ali akhux. Hwome thüi: “Amen! Zang achuakkox!”

MIKNGÜN-OHÜN 5:14

Ozün ma tüikya müi alie lan: “Amen!” Üntoxle tüichong mixmüibue akhuxlaxle shwom.

MIKNGÜN-OHÜN 3:14

“Laodekia ma tüikya müimüithom angkya kaxtaimix hato zalax: “Ija kaxho a Zange zingkya pangnu li owang wangnui, mongong ma onyem üntoxle otsingtsing kaxkhi oja Amen hex, chix tokhange changle.

MIKNGÜN-OHÜN 1:18

Ozün ma tüikya a ku changle! Ku zidaokya ikoxlechu othuithui hanpak ang azangle tüile. Zik hia zikyabu chaxwan thakma apün-ada angkya zong ku ma tüile.

2 KORIN 1:20

Chemthüikoxle Zang kaxtsaobu pangnu hanpakma “Jo, jo” a chix changle. Idaile Jisu Khrista kem “Amen” makhange keme Zang fuazang ang tompu.

1 KORIN 14:16

Nange chasa tata ma Zang achuak koxle, tusox ma hakle asukya, hingho chitüikya zangjang khünak tuitae, nange Zang achuakkya to “Amen”, le chemle lanmanüi? Nang kaxzex tsingle lax angkya chix ma olom jao chitüi.

MATHI 28:20

Kue hünzom hama apuakya pangnu kax ma laxle tüi angkya hwom hama anokox. Üntoxle hulax! Ku hünzom füi chaxwannu oshuk kople othuithuima ngoüi.”

MATHI 6:13

Chongkya thwongtsing to kwom taxahüi; Ikoxle omalom tokya kwom sünle thom hüi.’

JEREMIA 28:3

Wanghompa Nebukadnezar-e laxlaxle paokya tuinabu pangwüi kue zanglao anyi mong ma wüi ikhato chatle apüi angkya changle.

JEREMIA 18:20

Ku müikya khoma kue kop angkya a ochax hi? Ikoxle hwome ku adüt angkya tswomkha thodaoa. Ku nang hato nguilaxle hwom khose ang kue chemle akaxkya dai ija texle atak-hüi, ikoxle tix nange hwom to mongtsiktsik ma laxle münmoküi.

JEREMIA 17:16

Ikoxle, Jowanpa, hwom hato othom-ojo apüi angkya kue otuechu nang mong asa ang müntom; kue hwome thangnak apong angkya to münlua. Jowanpa, nange ija awan ngopu; kue akaxdaoale nange awan ngopu.

MÜNCHUAK-TSAI 106:48

Israel nok Zang, Jowanpa achuakkya tüikox; athax üntoxle othuithuima chix achuak-achenle changkox! Pangnusae wüi “Amen!”, le thüikox! Jowanpa achuak-achen kox!

MÜNCHUAK-TSAI 89:52

Othuithuima Jowanpa achuak kox! Amen! Amen!

MÜNCHUAK-TSAI 72:19

Othuithuima fuazangkya chix mün achuak-achen kox! Chix fuazangkyae chaxwannu awangle naxchang. Amen! Amen!

1 PUKAX-PANGAO 16:36

Jowanpa achuak kox, Israel nok Zang a! Athax hia jento chix achuak kox! Ifüima noknue thüi: “Amen, Jowanpa achuak kox.”

HUAKE LAIPEX 5:22

Ija ti noplaxle nang wok fing ang naxtom tamchu nangkux-nangka zanle pao ang naxtom.” Shekonue lanüi: “Ku mong tsupu, Jowanpae ku to ile naxhwonkox.”

ZEKARIA 6:10

Chixe thüi: “Zanda ang ngokya Heldai, Tobijah hia Jedaiah hwome koxkya hinghobu pongle koplax, ilaxle Zefaniah sasün Josiah hom to nonole paolax. Hwome pangwüi Babilon nok to zanda ang ngokya chatle tüile.