JEREMIA 27:9 - OTSAO BAIBEL (BSI)

⁹ Hünzom ajebu chichangba owawae wünmang makhange chichangba lwompu chasabu nyakle apüilaxle chichangba chajik-muashem mwot makhange jekax akax ang thole le wünlaxpuix, khünak ibu kax to taxapa. Hwom pangwüie hünzom ang Babilon nok wanghom chak to koxle chichang angkya akaxle.

JEREMIA 27:9 ပူးပေါင်းရင်းမြစ်များ

JEREMIA 14:14

Ikoxle Jowanpae lan: “Ku mün male ajebu othai akax ngopu; hwom a kue ajokyabu chichang, chichangba kue hwom ang akax angkya kaxtom koxkya chitüi chichangba kue hwom füi kaxfa tuita chiakax. Hwome akax ngokya mikza wünmang a kuchi tokhange ahüikya münchang; hwome ajekya hia hwome ajangkya tüta angchu münchang.

MALAKI 3:5

Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.

JEREMIA 29:8

Hünzom ngole tüikya khato, füichi hanpakma hwome ngaile fa ang thoüile akaxkya ajebue hünzom dyenlale chichang angkya bama Jowanpa, Israel nok Khüthak Zang, kue hünzom ang kaxkhün koxpu. Hwom wünmangbu to nathale taxchang.

ISAIA 8:19

Ikoxle khünaknue hünzom ang kaxhobu hanpakma, kax atsatle ngokya aje hia o-nan, ibu ma tik to angkya akaxüi. Hwome thüiüi: “Ikhoma khünakbue iningkya kaxhobu paktik ang baozang chasabu füi zangwün angkya ilaxle ozün ma ngokyabu mün ma ziünkyabu füi apong angkya changle.”

MIKNGÜN-OHÜN 22:15

Ochei lom to lekyabu, khun-khekyabu, chinunchakkaikyabu, mixlang-mixhuakkyabu, chapa to shwomkyabu ilaxle kax hia mwot pangwüi ma thai-nyaile tüikyabu pangwüi tingnu tokna to tüile.

MIKNGÜN-OHÜN 21:8

Ikoxlechu zakhutkyabu, khohangkyabu, ochei to lekyabu, mixlang-mixhuakkyabu, khun-khekyabu, chapa to shwomkyabu, üntoxle atsele zangwünkyabu, ibu hanpak ngwotnui ang tinu ningle tüikya wün hia khat chuale ngokya kha, oja anyi lükya zik hex, ikha changpu.”

MIKNGÜN-OHÜN 18:23

Wünzua wünzung nang ma tammünngün; tuinu, tuipabu kaxzing münatat toxüi. Chaxwannu ma sütsak süzongkyabu, nang füi thalexkyabu changhupu; nang khun-hing füi chaxwannu khünaknu, pangwüi nange dyendaoa!”

MIKNGÜN-OHÜN 9:21

Tamchu mix langkya, khunkya, chinunchakkai chichangba ahux-alopkya, iningkyabu tokya hwom ang mong chialüix.

WANGSHEMBU MWOT 8:11

Chixe otsingtsingsa ma hwom khompua atsikdaoa, ikhoma hwome chix lwot to angkya lai.

MIKA 3:7

Opange füichi hanpak bama ajele akaxlaxüihex, hwom kax ningle changle chingaikya zuma hwom thajao-wünhaile changüi. Hwom pangnu wüi thünkhux-thajaole chang ang tomüi chemthüikoxle Zang-e hwom kax to chilan koxle.

JEREMIA 23:32

Jowanpa, kue akaxkya zangwün to apalax! Kaxthai zangwüne awangle tüikya wünmang kax akaxkya ajebu zongto ku a zanpa tuita changle. Hwome ibu wünmang baozangbu wün ilaxle ibu hwom kaxthai zangwün hia tsaichong-kaxbongkya zangwünbu füi hwome ku khünaknu lomnong to zunle paole. Kue hwom chiapao chichangba pao angkya kaxtom chifa, ilaxle khünaknu zongto hwom a chemchu chichang. Ija kax, Jowanpa kue akaxdaoa.”

JEREMIA 23:25

Opange ku mün ma kaxthai zangwünle changpuix ilaxle kue hwom ang wünmang chito kaxho fapule ngaipuix, ibu ajebue chem akaxpuix kue tikle ngole.

JEREMIA 23:16

Jerusalem angkya khünaknu füi Jowanpa Khüthak Zang-e akax: “Ajebue akaxkya kax to na taxtha; hwome hünzom a othai monghom füi awang ang tomle. Hwome hünzom hama hwome akax daokya kax chichangle hwom mongjang mix wünle ngole.

JIHUSUA 13:22

Israel noke langkya hwom bibi khama tuita a ashipa Balam changkya. Chix a Beor sasün changkya.

TSAITONG-KAXTONG 18:14

Ifüima Mosa-e akax: “Hünzome kop angkya haxtok ma, khünaknue o-nan hule changkyabu tamchu ziawan to hule changkyabu kax ma laxle taxchang. Jowanpa hünzom Zang-e hünzom ang ibu mok ang müntom.

LAIPAO 7:11

Ifüima wanghompa-e chix khünak hing twonmixbu nyak; ibue chuwüi hwom chajik-muashem tsak-zong makhange ija lailaile mokle aho.

ZEKARIA 10:2

Khünaknue jenu-shipa hia chapabu ma tiktole changtüia, ikoxle hwome kopkya kaxlan a chemchu chichangkya othaibu. Züizüie wünmang taile ikoxlechu ija a othai lom to nang zun angkya hanpak zaza; hwome koxkya mongsom ma laxli chemchu müntüi. Ikhoma khünaknu a chun samkya lailaile samle aham ngopu. Hwom a thama ma tüile chemthüikoxle hwom ang lompa müntüi.

EFISIA 5:6

Ongat zangwünbu makhange owaechu nang dyen ang taxkox; ija khokhoma chix kax ma chilaxkyabu hato Zang mongtsik nguiüi.

LAIPAO 22:18

“Chajik-muashem hing twonkya sheko jangtüi, ija mixcha a langdao.

WANWÜNKAX 19:27

Ku sa, nange awanle laxkya zakkya füi tomle, nange chem tsingle thomdaopuix ija ngaxchu asamüi.

EZEKEL 21:29

Hünzome ngünkya mikngün-ohünbu a othai changpu, ilaxle hünzome ajele thomkyabu a othai. Hünzom a chichang-chizangkya tamchu ochax khünakbu, ilaxle hünzom hanpak nguile hüile, hünzome oshuk sikngün apong angkya hanpak a. Changlo a hünzom dingkux ma ate angkya changle.

DANEL 4:7

Ifüima jenu-shipabu, hinghai twonkyabu, opa-nanpa hwom pangwüi ku hato ngui ang tompu; ilaxle kue hwom hama ku wünmang wünle koxpu, ikoxle hwom opupuechu ku hama ija chem hanpak hex wünle fa ang chitho.

TSAITONG-KAXTONG 13:2

ija a amipongma chishwom-chitokya baozangbu to hünzome shwom-to tamchu ibu thothale naxchang ang ile suapu. Chixe akaxkya kaxbu changle ngaikoxchu,