JEREMIA 27:8 - OTSAO BAIBEL (BSI)

⁸ “Ikoxle owawa jat-li hia wangting tuitae chix ang apün ang chitomle jangchang, kue ija onok to ochax-oza, woknuak-tilan ibu füi, Nebukadnezar chak to hwom komkaile maxle machang machangle sikangünüi.

JEREMIA 27:8 ပူးပေါင်းရင်းမြစ်များ

EZEKEL 14:21

Jowanpa Khüthak Zang-e akax ngokya kax a ija changle: “Kue khünak hia müibu mik tomwüi amüt ang, Jerusalem hato ku thama akhokya ali ahüiüi: ochax-ozan, otui-onuak, faomüi, ilaxle kaklak, ibu a.

JEREMIA 24:10

Kue hwom hato ochax-ozan, woknuak-tilan, ilaxle okak-olak, ibu apüiüi ilaxle hwom pupa hwom ang koxkya hwom haxtok ma hwom tuita chu chingole chang ang tomüi.”

JEREMIA 40:9

Gedaliah-e hwom ang thüi: “Kue hünzom ang thüipu, hünzom hanpakma Babilon nok chak to chak ajongle kox ang chem abüt-aban angkya oli müntüi. Ija haxtok ma ngolax, Babilon nok wanghompa thothale ngolax, ile jangchangba hünzom zongto oma chemchu müntüi.

JEREMIA 27:11

Ikoxle owawa jat-lie Babilon nok wanghompa chak to koxlaxle chix thothale jangtüi, kue ija jat-li a ma ngole tüikya haxtok ma wüi thomo-manzaile ngo ang tomüi. Ija kax Jowanpa, kue akaxdaoa.”

JEREMIA 27:13

Nang khünaknu chemkhoma ochax-ozan, woknuak-tilan chichangba okak-olak chak to max angkya? Ija kax Jowanpae, Babilon wanghompa chak to chikox tsuakkyabu omüt hanpak akax wüi.

JEREMIA 28:4

Kue, Jehoiakin sasün Jehoiakin, Judah nok wanghompa chuwüi, Babilon nok to zanda ang kople paothomkya chix khünaknu pangwüi koplaxle ikhato chat ang tomüi. Changle, kue Babilon nok wanghompa tsak-zong pünle ama angkya changpu. Ku, Jowanpae ija kax akaxdaoa.”

JEREMIA 28:14

Chixe ibu jat-li pangnusa ang wüi jan danglang alikle koxüi ilaxle Babilon nok wanghompa Nebukadnezar thothale chang ang tomüi; chixe faomüibu ang ngaxchu wanghompa Nebukadnezar thothale chang ang tomüile Jowanpae akaxle.”

JEREMIA 29:17

Jowanpa Khüthak Zang-e thüile: ‘Kue hwom hato ochax-ozan, woknuak-tilan hia okak-olak ahüingole, ilaxle kue hwom a sax ang chimüile shanle paoünkya fupsa ziakbu ningle achangüi.

JEREMIA 29:18

Kue hwom a ochax-ozan, woknuak-tilan hia okak-olak füi achuaüi, ilaxle hwome ija ngünlaxle chaxwannu angkya khünaknu nok a huanuma abütle changüi. Khünaknue hwom wanjaiüi ilaxle hwome ibu mün a othuak-ozom lom to lünüi.

JEREMIA 25:9

‘Kue noknusa hanpakma shuakux chitokya khünakbu ahüiüi ilaxle ku da hanpak ang Babilon nok wanghompa Nebukadnezar ahüiüi. Kue hwom a Judah hia ima tüile ngokya khünaknu tamchu tomzi nok pangnusa füi azan ang apüiüi. Kue ija jat-li hia tomzi nokbu pangwüi amütüi ilaxle othuithui hanpak ang olithule amatoxüi, ija a mikngün ma tuita khomtsikya hia abüt angkya oli changüi. Ija kax, Jowanpa kue akaxdaoa.