JEREMIA 27:5 - OTSAO BAIBEL (BSI)

⁵ “Chaxwannu, khünaknüsa, ilaxle chaxwantok ma ngole tüikya zünmok pangwüi kue kutsak kuzong chongkya füi zingle alaipu; ilaxle ija kue owa ang koxse tsupuix ija ang koxpu.

JEREMIA 27:5 ပူးပေါင်းရင်းမြစ်များ

JEREMIA 51:15

Jowanpae chaxwannu chix tsak-zong füi zing; chix je-hwon makhange haxwannu zingle alai ilaxle zangding pünle dan.

JEREMIA 32:17

“Khüthak Jowan Zang, nange nang tsak-hi-zong chongkya makhange chaxwannu hia zangdingkho zingle alaipu; nang zongto huanuma tsakkya oli chemchu chitüi.

DANEL 4:17

Ija a mik-hing-naka le tüikya kaxtaimixbu mongtex changle. Ifüimatix, pangnukha tokya khünaknue Khüthak Zang ma khünaknu wangtingbu thakma tsak-zong tüile ilaxle chixe owa zünle koppuix ija khünak ang: thüikoxle ema chilaxle tüikya mix ang ngaxchu koxtsuak angkya chix ma tsak-zong tüile awanle naxkop.’

ISAIA 45:12

Chaxwannu zingle alaikya a ku changpu ilaxle khünaknu ikhama ngo angwot ang zingkya changpu. Ku tsak-zong makhange kue zangding shapu; Kue lyetnu, zanghan, hia lyettsibu pangwüi ziakople thompu.

KOLOSI 1:16

Chemthüikoxle Zange chix makhange ding hia hax ma, mike ngünkya ilaxle mike chingünkya, tamchu chongwang tüntong wüi changlax, Chasa tsakzong wüi changlax, apün-awangkyabu wüi changlax, tsakzongbu wüi changlax; Chix hanpakma tamchu chix makhange Zange zangfang komle zing.

ISAIA 42:5

Zang-e zangdingkho zingle alai ilaxle ija sha; chixe chaxwantok hia ima ngole tüikya pangwüi aza-apuale kox; ikhama tüikya khünaknu pangwüi ang chixe khüzün hia zakdün kox. Ilaxle athax Jowanpa Khüthak Zang-e chix dapa ang thüi:

MIKNGÜN-OHÜN 4:11

Kwom hopunu Jowanpa tamchu Zang ang, fuazang münchong hia tsakzong, kop ang nang asule tüile; pangnu li wüi nange zing koxle; ilaxle nang mongtex matix ibu, pangnu ozün ma

IBRI 1:2

ikoxle Ija hanpak oshuk ma chixe kem füi Hosa makhange zangwünkya changle, owa makhange Zange ding hia hax zingpuix, üntoxle oshukma pangnu li mantswon ang Zange owa kamle koplaxpuix, ija mixsün a chix changle.

WANGSHEMBU MWOT 17:24

Zang, owae chaxwannu tamchu ikhama atüitüi komle zingle alai laxpuix, chix a ding hia hax ma hopupa changle, ilaxle chix a khünake zingkya zangshwom-hom ma münngo.

WANGSHEMBU MWOT 14:15

“Ibibi khünaknu, hünzome ija chem mok ang ajongpu? Kukhichu wüi hünzom ningle khünak changpu. Kukhi a iningkya lap chitüikya mwot mokle ngokya tokhange ding hia hax ilaxle tinubu zingle alaikya, anaolechu ibu ma tüikya khünak mixsa; müi-nyax; tamchu pün-zua pangwüi zingle alaikya ozün Zang hato chat angkya bama hünzom hato Kaxho Müikya apuk ang nguipu.

ISAIA 51:13

Hüzome hünzom zingpupa Jowanpa, owae zangding shale pünpuix ilaxle chaxwannu chifün zingle changlaxpuix, chix alakdaocha? Hünzom amüt ang achwonle ngokyabu opange hünzom to athak ang mongsile ngopuix, ibu hanpakma jento zadongle chemto ngopu? Hwom mongtsike hünzom to ojao münpo.

ISAIA 48:13

Chaxwannu chifün a ku chak makhange zingpu ilaxle zangding shale danpu. Chemtue kue ding hia nyaküihex, hwom ku hato akhangle hüile.

ISAIA 44:24

“Ku a Jowanpa, hünzom khosünpa changle; hünzom zingle alaikya mix a ku changpu. Ku a Jowanpa, pangnuli zingle alaikya mix a. Zangdingkho ku tatae pünpu; kue chaxwannu zingpongma, owaechu ku to chiasun.

IZRA 1:2

“Ija a, Parsia nok chongwangpa Sairas kaxtom changle. Jowanpa, zangkangting tokya Zang-e, ku a zangfang pangwüi thakma apün angkya mix ang kamdaoa ilaxle Judah angkya Jerusalem ma chix hanpakma zangshwom-hom tuita zingle alai angkya ku hünlit ang koxdaoa.

TSAITONG-KAXTONG 2:7

“Chemthüikoxle Jowanpa nang Zang-e hünzom mwot pangnu lom ma hünzom to mohimanle hüidaoa; ipong chongkya faonu mong akaile ahamkya chixe awan ngole; ibu zanglao punyi mong ma Jowan Zang hünzom füi womle tüikya, ipongma hünzom chemmachu tui-nole chichang.

MÜNCHUAK-TSAI 102:25

Ilaxle nang chak jao füi nange zangdingbu zing.

TSAITONG-KAXTONG 32:8

Khüthak Zang-e jat-libu ang ma haxtoktokle ahanle koxpu; khünaknu chem khama ngo angkya hex chixe tix tsuakle fapu. Chixe pangnu jat-li ang wüi hua ang zangkangting nokpu hwom tsanpu,

TSAITONG-KAXTONG 9:29

Wünhax thüikoxle, nange nang tsak-zong chongkya füi, ma khünak ang lax ang Ijip nok tokya alaile zünle kopkya khünakbu a ibu changle.’

TSAITONG-KAXTONG 5:16

“‘Ku, Jowanpa nang Zang-e nang ang kaxtom koxkya ningle, nang ma manu hia mapa thua zakya tüilax, ikoxtix nang füi pangwüi müile tüiüi tamchu kue hünzom ang koxkya haxtok ma hünzom tsünlo-khothole ngo ang kopüi.

TSAITONG-KAXTONG 4:35

Jowanpae hünzom hato ija ahodaoa; ija a: Zang chix tata wüi, chix boma mama owachu müntüile aho angkya hanpakma changle.

TSAITONG-KAXTONG 4:32

“Kaile dantox daokyabu lomlax, hünzom mapux tantokya hanpak, anongle lomle Zang-e ija chaxwannu ma khünak zingle alaikya kople chatlax. Chaxwannu pangnukha lomlax. Ija lailaile amiba tüchangdaima hex? Owawae ija lailaile tütali zing atatle changdaima hex?

TSAITONG-KAXTONG 4:25

“Hünzom chaxwan ma okuilole ngole hüidaokyabu chu tamchu su-sabu huanuma tüihuünbachu, hünzome ma hanpak ang tütali chapa zingüntoxle ochax kople taxchangünlax. Jowanpa miksho ma ija a ochax changpu, ilaxle ijae chix ang mongtsik adünüi.

TSAITONG-KAXTONG 4:17

müi ningle wüi changlax, o ningle wüi changlax,

TSAITONG-KAXTONG 2:21

Hwomchu Anakim hwom füi tomwüile tomchong-hualole tüikya. Ibu khünak huanuma tüikya, ilaxle hwom a mixtsak-naomüi likan tuita changkya. Ikoxlechu Jowanpae hwom max ang tom, ikhoma Amor noke ibu haxtok lax ilaxle ikhato ngole hüi.

TSAITONG-KAXTONG 2:19

Ifüima hünzom, Lot su-sa hwom Amon nok hato namle hüiüi. Hwom to tingtuile taxchang chichangba achax-azanle taxchang, chemthüikoxle hwom ang koxdaokya haxtok kue hünzom ang funta koxüi münchang.’” (

TSAITONG-KAXTONG 2:9

Jowanpae ku füi akax, ‘Moab nok to tingtuile taxchang, ibu a Lot su-sa hwom changle. Hwom füi taxazan. Kue hwom ang Ar tingnu koxdaoa, ilaxle kue hünzom ang hwom haxtok ikuxsa koxüi münchang.’” (

LAIPAO 20:11

Nyix azok mong ma Jowanpa, kue chaxwannu, zangding, tinu üntoxle ibu ma atüitüi pangwüi zingpu, üntoxle nyix anüt lükya to ku nazakpu. Idaile Jowanpa, kue Sabath nyix to mohiman laxle otsao ang achangpu.

PONGWANG LAIPEX 9:6

Khünaknüsa a Zang lailaile zingkya changpu, idaile hwomkha angkya owawae mixhuak tuita mik amütle jangchangba mama mixe chix lang angkya changpu.

WANGSHEMBU MWOT 17:26

Mixhuak tuita makhange chixe khünaknu jat-hi-li pangwüi zing, ilaxle chaxwan tok pangnu khato wüi hwom ngo ang dan. Amiba wüi achale chixe hanpak hia hwom ngo angkya ziakam textya le othüt chixe kox.

PONGWANG LAIPEX 1:25

Ibu chix chakzing pangwüi chixe müihule le ngün.

MÜNCHUAK-TSAI 96:5

Mixnok baozangbu pangnu wüi chapabu changpu, ikoxlechu Jowanpa chixe tix zangdingbu zingle alaipu.

JEREMIA 27:4

Jowanpa, Israel nok Zang-e, ija chix zangwünbu hwome ma wanghom hwom hato apüi angkya hwom ang kaxtom kox angkya bama ku füi akax:

DANEL 4:25

Nang a khünaknu tukha tokya jwonle apaoüi ilaxle faomüibu khato ngo ang tomüi. Zanglao anüt hanpakma maihupong lailaile nang fum tsütle saxüi ilaxle kothofa to jipüi, ikhato nang ding to nyenti dütle changüi. Ifüima khünaknu wangting pangwüi Khüthak Zang chaktom ma tüikox-ngün-a ilaxle ija chixe chix mong atsutsu ang kox ang tho angkya chang koxngünle nange awanle laxüi.

DANEL 5:18

“Khüthak Zang-e hünchaxnu Nebukadnezar ang tüle chongkya wanghompa ang achangpu ilaxle chix ang münchong hia achuak-achenkya fapu.

LAIPAO 6:6

Ija daile Israel khünaknu ang, kue hwom ang thüile le thüikox, ‘Ku a Jowanpa changpu. Hünzom Ijip nok da ang achangle ngokya chak tokya kue danüi. Kue tüle tsak-zong füikya ku chak makhange hwom hato khomtsikya sikngün apüiüi ilaxle kue hünzom khosünüi.

NEHEMIA 9:22

“Nange hwom ang mixjat-mixlibu hia wangtingbu to lütle chaxwan kop ang tom, hwom füi long azile tüikya haxtokbu a. Sihon-e apünle ngokya Heshbon haxtok, wanghom ang Og ngole tüikya Bashan haxtok, ibu to hwome wüi lüt ang tho.

DANEL 2:38

Zangfang ma tüikya khünak-mixsa, müi-nyax hia o-ju ibu pangwüi thakma apün-awang angkya mix ang chixe nang zingpu. Chapa angkya hun khang a nang changle.

DANEL 4:14

Chixe akhongle kax apuk, ‘Ija pün dakdao ilaxle ija okangbu taodao; ija ochakbu likdao ilaxle ija oziak chiak dao. Ija püntong ang faomüibu jwonle apaodao ilaxle ija pünkangbu angkya osabu jwonle apaodao.

DANEL 4:22

“Wanghompa, tüle tsuale tamchu tsakle tüikya ija pün a nang changle. Nang a zangkho alople jao chuakle tsongdaoa, ilaxle nang tsak-zong a zangfang pangnu to ole tüile.