JEREMIA 27:22 - OTSAO BAIBEL (BSI)

²² Ibu a Babilon nok to paoüi ilaxle ku mong hwomchi to koxle machangba ibu ikhato wüi ngoüi. Ifüima kue ibu chatle apüiüi ilaxle ija onui ma anaole danüi. Ija kax Jowanpa, kue akaxdaoa.”

JEREMIA 27:22 ပူးပေါင်းရင်းမြစ်များ

JEREMIA 29:10

“Jowanpae thüile: ‘Chemtue Babilon nok zanglao puzombün kaile leüihex, kue hünzom hato chingcha ahoüi ilaxle ku kaxtsao ningle hünzom a hom to chatle ngui ang tomüi.

JEREMIA 32:5

Zedekiah a Babilon nok to paoüi, ilaxle kue chix füi zangwünle machang tanto chix a ikhato ngoüi. Chixe Babilon nok füi azanle changkoxchu, chixe lütüile münchang. Ku, Jowanpae ija akaxdaoa”, lükya Jowanpa kaxho kue apüipule kaxhux fe.

IZRA 7:19

Zangshwom-Hom thothat mwot to twon angkya hanpakma koxkya tiklak-khuakhebu hünzome Jerusalem ma Zang chaktom to kox angkya changpu.

IZRA 1:11

Pangnu athüt koxle 5400 hun ilaxle khop jankhua hia mama tuinabu, Babilon tokya Jerusalem to chat pongma Sheshbazzar hia chix füi tomle zanda ang ngole tüikyabue hwom füi tomle laxlaxle ngui.

WANWÜNKAX 21:30

Jowanpa nang füi apüile jangtüidao thüiningle, khünak je-hwon, khüzi anaxkya, mongtex zukya: ibu chem mwot angchu münchang.

DANEL 9:2

Chixe apünkya pongwang lükya zanglao ma kue otsao laibu ele ngokya ilaxle Jowanpae ajepa Jeremia füi akaxle thomdaokya ningle, zanglao puzom-bün bama Jerusalem pünle ama laxle thom angkya bama ajangle ngokya.

DANEL 5:23

Nange zangkangting tokya Jowanpa zongto chichangle mok, chix Zangshwom-Hom tokya apüikya wansa hia khupbu to nang e twonpu. Nang, hünzom nguakax-wangkhobu, nang kakonubu tamchu hünzom danuchabue ibu tuina ma ju-khan lingle changpu ilaxle hun, khop, wi, jan, pün hia long, ibu füi zingkya baozangbu to hünzome shwompu: baozang ibu a ngün ang chitho, atat ang chitho chichangba mok ang hia tütali awanle lax ang chithokya baozangbu. Ikoxle nang ozün ma thom angkya hia zi ang tom angkya tamchu nangsüt-nangmwot pangwüi nuazing tsuakle hume ngokya Zang ang mix a nang e münchong chifa.

JEREMIA 34:5

Nang a mongsom ma ziüi, ilaxle nang thoma wanghom ang ngole hüikya hünpu hünpa hwom mangbu akhünle changpongma khünaknue ongan müikya sobu zokle changkya ningle nang hanpakma chuwüi hwome ongan müikya sobu zokle changüi. Hwome nang mang sople changüi ilaxle thüiüi, ‘Kem wanghompa a zidaoa!’ Ku, Jowanpae ija kax akaxdaoa.”

2 PUKAX-PANGAO 36:21

Ile changkya tokhange: “Otuechu chitole awüt thomkya Sabath nazakle nuikya ang achangle haxtok a zanglao 70 man chizaikya haxtok ang thomüi”, le Jowanpae chix ajepa Jeremia makhange ajekya kax changle ngai ang tom.

2 WANGHOMBU 25:13

Zangshwom-Hom ma tüikya wi thongnubu hia müi ang alinkya zyenbu Babilon noke akhixle awüt. Wi tibom chongkya chuwüi hwome akhixle tox. Ibu angkya wi pangwüi hwome Babilon nok to pao.

JEREMIA 20:5

Kue ija tingnu ang tuina zan-nokbue tsui pao ang tomüi ilaxle ima atüitüi pangwüi, Judah nok wanghompa tuina ngaxchu wüi bakle Babilon nok to pao ang tomüi.

JEREMIA 27:7

Zangfang pangnu noke wüi chix thothale changüi, ilaxle hwom thai angkya tunu mangui-manguile thothale ibu jatlibue hwom thothale ngoüi. Ifüima chix wangtinge chix thak to tsak-zongle tüikya wangting angkya wanghombu thothale changüi.

JEREMIA 27:21

“Zangshwom-Hom hia wanghom homlo angkya tuina chempang danle toxlaxpuix, ibu bama Jowanpa, Israel nok Khüthak Zang, kue akaxkya kax to apalax:

JEREMIA 34:2

Jowanpa, Israel nok Zang-e Judah angkya Zedekiah hato nguilaxle ija kax akax angkya ku füi akaxle thüi: “Ku, Jowanpae ija tingnu a Babilon nok wanghompa chak to koxüi, ilaxle chixe ija zokle ashunüi.

JEREMIA 34:3

Nang a paole azang ang münkop; nang a kopüi ilaxle chix chak to koxle apaoüi. Nange chix a thün-khang asaole ngün ang kopüi ilaxle nange chix füi ahuakle zangwün ang kopüi; ifüima nang a Babilon nok to paoüi.