JEREMIA 27:14 - OTSAO BAIBEL (BSI)

¹⁴ Chix chak to chikox kox wüi müi angkya changpule akaxkya ajebu kax to hünzome nathale taxchang. Hwome hünzom dyenle ngopu.

JEREMIA 27:14 ပူးပေါင်းရင်းမြစ်များ

JEREMIA 14:14

Ikoxle Jowanpae lan: “Ku mün male ajebu othai akax ngopu; hwom a kue ajokyabu chichang, chichangba kue hwom ang akax angkya kaxtom koxkya chitüi chichangba kue hwom füi kaxfa tuita chiakax. Hwome akax ngokya mikza wünmang a kuchi tokhange ahüikya münchang; hwome ajekya hia hwome ajangkya tüta angchu münchang.

JEREMIA 23:21

Jowanpae thüi: “Ibu ajebu a kue ahüikya chichang, ikoxlechu hwom lualua to hwom hüipu. Hwom ang kue kaxho chemchu chifa, ikoxlechu hwome ku mün ma zangwünpu.

1 JUHAN 4:1

Kutüi kunaohom, chasa tüipule athüithüi nok to taxong, ikoxle hwom ma tüikya chasa Zang tokhange hüikya changcha hex le wanle anolax. Chemthüikoxle othai ajebu pangkha towüi paoüna.

FILIPI 3:2

Ibu hi opange khwonzüt zom to angkya hanpakma hünzom atsangle ngolaxpuix, ibu ochax mwot mokle ngokyabu bama khünzai lax.

MATHI 7:15

“Othai ajebu, opange hünzom hato chun khwone khwop laxle hüipuix, ibu hanpakma khünzai lax; chemthüikoxle hwom kün-mong a tuita shixkya shwon ningle tüile.

MIKA 2:11

“Kaxthai hia dyen-ngankyae awangle, ‘Nang hanpakma ju-sax jenle-jenle naxtüi’ le ajele aham ngokya ajepa ija khünakbue laxse tsule.

JEREMIA 28:15

Ifüima kue ija Hananiah hama wün ilaxle chizakle akax: “Apakoplax, Hananiah! Nang a Jowanpae tsanle ahüikya chichang, ikoxle hünzome khünaknu ang othai to ong angkya atsing ngotüi.

JEREMIA 23:25

Opange ku mün ma kaxthai zangwünle changpuix ilaxle kue hwom ang wünmang chito kaxho fapule ngaipuix, ibu ajebue chem akaxpuix kue tikle ngole.

JEREMIA 37:19

Nang to tamchu ija haxtok to Babilon noke single münchangpule nang hama ajekya nang ajepabu to chemthüi?

JEREMIA 38:22

Ija ku mikngün ma kue Judah nok wanghom homlo ma danle toxkya shekobu a Babilon nok alixachong hwom wanghompa hato laxlaxle paoüi ngündaoa. Hwom pao lom to hwome akaxkya kax to apalax: ‘Chix shempa amüikyae wanghompa othai to zunle pao, hwome chix to alyemle apün-awang. Ikoxle athax a chix cha haxfak khato man, chix zuikhuibue chix dantoxlaxle pao.’”

MANGSOP 2:14

Nang ajebue nang hama kaxthai zangwün boma mama kaxho angkya chitüi; Hwom hwon-nwote nang ochaxbu kotok to chialaile nang dyenle thom. Hwome nang ang künlop-monglüi angkya mwot müntüile ajang ang tom.

ZEKARIA 10:2

Khünaknue jenu-shipa hia chapabu ma tiktole changtüia, ikoxle hwome kopkya kaxlan a chemchu chichangkya othaibu. Züizüie wünmang taile ikoxlechu ija a othai lom to nang zun angkya hanpak zaza; hwome koxkya mongsom ma laxli chemchu müntüi. Ikhoma khünaknu a chun samkya lailaile samle aham ngopu. Hwom a thama ma tüile chemthüikoxle hwom ang lompa müntüi.