JEREMIA 27:13 - OTSAO BAIBEL (BSI)

¹³ Nang khünaknu chemkhoma ochax-ozan, woknuak-tilan chichangba okak-olak chak to max angkya? Ija kax Jowanpae, Babilon wanghompa chak to chikox tsuakkyabu omüt hanpak akax wüi.

JEREMIA 27:13 ပူးပေါင်းရင်းမြစ်များ

EZEKEL 18:31

Hünzome mokle ngokya ochax pangwüi danle toxdao, ilaxle hünzom ma künzün-mongzün donglax. Hünzom Israel nok zise büthüikoxle tsupu?

JEREMIA 27:8

“Ikoxle owawa jat-li hia wangting tuitae chix ang apün ang chitomle jangchang, kue ija onok to ochax-oza, woknuak-tilan ibu füi, Nebukadnezar chak to hwom komkaile maxle machang machangle sikangünüi.

WANWÜNKAX 8:36

Opange ku atak ang chithopuix hwom lailai to thomzünle; owae ku thua anule changpuix chixe zik to luapu.”

EZEKEL 33:11

Hwom hama, ku a mongao chitüikya ozün ma ngokya Jowanpa Khüthak Zang changpu, ochax khünakbu max-samkya to ku mong münmüi. Itülüi kue hwom a, ochax mwotbu dantoxlaxle ozün ma ngokya ngünse tsule. Israel nok, hünzome mokle hüikya ma ochax mwot zakün. Hünzom zise büthüikoxle tsupu?

EZEKEL 18:24

“Ikoxle otsao khünak tuitae müikya mwot mokkya dan ilaxle ochax mwot pangwüi mok ang süt, ochax khünakbue mokkya nushix dongkya mwotbu a, chix a ozün ma wüi ngo angkya le hia? Ile münchang! Chixe mokle ledaokya müikya mwot tuita chu texle ngo angkya müntüi. Chix mongong athokya hia ochax khoma chix a zi angkya wüi changpu.

EZEKEL 14:21

Jowanpa Khüthak Zang-e akax ngokya kax a ija changle: “Kue khünak hia müibu mik tomwüi amüt ang, Jerusalem hato ku thama akhokya ali ahüiüi: ochax-ozan, otui-onuak, faomüi, ilaxle kaklak, ibu a.

JEREMIA 38:20

Kue lan: “Nang a hwom chak to koxle münapao. Chingchalaxle nange pi Jowanpa kax ma wüi shong-laxhüi; ile jangchangba nang hanpakma pangnu müile hüiüi, ilaxle nang khüzün chimaxle ngoüi.

JEREMIA 38:2

“Tingnu ma opangsa ngolaxüihex, hwom a zanhok ma chichangba woknuak-tilan ma chichangba okak-olak ma ziüi. Ikoxle opangsa koto lailaxle Babilon nok chak to ma alüile koxle changüihex hwom a münziüi; hwom a mik chimaxle thüingaxchu azangle pao ang kopüi.”

JEREMIA 24:9

Hwom hato kue chisumüikya thama-thomshix apüiüi oja thotho chaxwan tok angkya khünaknu nok wüi khomtsile changüihex. Khünaknue hwom chanyi-wanjaile changüi, ajao-ahaiüi, ilaxle kue hwom chiakle apaokya chaxwan pangkha towüi hwom mün a tuita othuak-ozom lom to twonüi.

JEREMIA 17:4

Kue hünzom ang koxkya haxtok hünzome dantox angkya wüi ilaxle hünzome awanle chingokya mixnok chaxwan to kue hünzom ang zan-nokbu thotha-manzaile ngo ang tomüi, chemthüikoxle ku mongtsik a wün ningle changpu, ilaxle ijae jento zokle ngoüi.”

JEREMIA 38:23

Kue chizakle akax: “Nang shekobu hia naosombu pangwüi Babilon nok to kople paoüi, ilaxle nang jaochu hwom chak tokya azangle pao ang münkop. Nang a zanda tuita ningle Babilon nok wanghompa-e koplaxle paoüi, ilaxle ija tingnu a haxbu ang achangle zokle ashun toxüi.”