JEREMIA 26:5 - OTSAO BAIBEL (BSI)

⁵ ilaxle kue chizakle ahüile ngokya ku dapa, ajebu kax to nathale apakya tokhange, hünzome ija mwot ang achangle mok angkya changpule kue akaxdaoa. Ikoxle hwom kax ma hünzome otuechu chilax.

JEREMIA 26:5 ပူးပေါင်းရင်းမြစ်များ

JEREMIA 11:7

Chemtue kue hwom pupa hwom Ijip nok tokya apüile ngokyahex, kue hwom ang ku kax ma laxle tüi angkya wüile kaxkhün koxpu, ilaxle athax kople kue khünaknu ang chizakle kaxkhün koxle hüipu.

JEREMIA 7:25

Hünzom pupa hwom Ijip nok tokya laile paokya nyix makhange anyix kopkya mong ma hünzom hato kue ku da ajebu ahüile wüi ngopu.

JEREMIA 7:13

Hünzome ibu ochaxbu pangwüi mokle hüidaoa, ilaxle kue hünzome füi chatwüi chatle akax ngokoxchu, hünzome ija to mün-apapule angam. Kue hünzom se pongma hünzome chilan.

IZRA 9:11

nang dapabu, aje hwom makhange nange fakya kaxtom kax ma chilaxle tüidaoa. Hwome kwom hama kwome koplax angkya haxtok a chitsaokya haxtok changle chemthüikoxle ikhama ngole tüikya khünaknue kaochi makhange atakao kople nushix dongkya hia chimüikya mokkya mwotbue amünle tüidaoa.

2 WANGHOMBU 9:7

Nange, wanghompa Ahap sasün, nang hopupa ang ngokya wanghompa lang angkya changle, ikoxle tix, ku ajebu hia mama ku dabu langkya khoma kue Jezebel ang sikngün kox angkya opong atakle changüi.

MIKNGÜN-OHÜN 11:18

Chaxwannu khünak ang, tüle mongtsike awang; nang mongtsik hanpak tamchu, omangbu kaxfün hanpak, nguile hüiünkoxle; nang thothakya ajebu, nang khünaknu pangnu; nang chathua zale tüikyabu, hixkya, chongkya pangwüi to, nang mohiman hanpak nguile hüile. Chaxwannu amütkyabu amüt angkya, hanpak nguile hüile.

MIKNGÜN-OHÜN 10:7

Ikoxlechu chix da ajebu hama tsingang tomdaokya ningle, kaxtaimix anüt lükyae chix nyazong mütkya zuma, Zange chix huxsa mwottho tsuakle hüi angkya changle.”

ZEKARIA 1:6

Ku dapa aje hwom makhange kue hünzom pupa hwom ang kaxtom hia kaxkhünbu koxle hüipu, ikoxlechu hwome ibu kax to chiapa ikhoma hwome ija olüix apongle sikngün kop angkya lai. Ifüimatix, Jowanpa, kue chemle texlaxpuix ija ningle hwom to sikngün ang tomkya changa, le tsing laxle mongchat.’”

AMOS 3:7

Khüthak Jowanpae ajebu, chix dabu hato ngaile chiaho kop homtoxle tütali chu münmok.

EZEKEL 38:17

Kaintan towüi, ku dapa Israel nok ajebu makhange, nyixnyixta a Israel nok to sing angkya mix owawa kue apüiüi, le akaxle ngokya a nang mo wünle akax ngokya changpu.” Jowanpa Khüthak Zang-e, kue ija akaxpu.

2 WANGHOMBU 24:2

Jowanpae, chang-hi-pax füi achwon laxle ngokya Babilon nok, Siria nok, Moab nok ilaxle Amon nok, ibu a Jehoiakim zan to akatle Judah nok tingsum ang tom. Chixe ile mok angkya changle le Jowanpae chix da ajebu makhange kaxtaile thomdaokya.

2 WANGHOMBU 17:23

Jowanpae chix da ajebu makhange hwom ang kaxkhün koxle hüikya ningle, chix miksho angkya hwom khünak tuita ota chitoxle ma-amüt ma-amütle hwome ochax lyen lüwüi ngo. Ikhoma Israel nok Asiria noke zanhok ma koplaxle pao, ilaxle hwom a athax kople ikha to ngo.

2 WANGHOMBU 17:13

Jowanpae Israel nok hia Judah nok ang kaxkhün kox ang, chix kaxhomixbu hia ajebu ahüilaxle thüi: “Hünzom ochax lombu danle toxdao ilaxle ku kaxtombu kax ma laxlax, ija ku Wanlombu a kue hünzom putong hwom ang koxdaopu, ilaxle ija ku da ajebu makhange hünzom hato tailaile apüile koxkya tüile.”

JEREMIA 29:19

Kue chizakle hwom hato ku da ajebu ahüile ngo ikoxle hwome ibu kax ma chilaxle tüikya khoma ija a ile changüi. Hwome ibu kaxho to mün-apapule angam.

JEREMIA 32:33

Hwome ku hato tok aho; ilaxle kue chizakle hwom hama anwot-anole changkoxchu, hwome ku kax to chiapa ilaxle awanle kop ang chithüi.

JEREMIA 35:15

Kue chizakle hünzom hato ku da ajebu ahüile ngopu, ilaxle hwome hünzom ang chichangchizangle ngokya ochax lom dantoxlaxle sukya mwot mokle hüi angkya akaxpu. Kue hünpu hünpa hwom ang tamchu hünzom ang koxle thomkya haxtok ma hünzom ngole hüi angkya kux male, hünzome baozangbu to shwom-töle hia ibu thothale chichang angkya hünzom ang kaxkhün koxle hüipu. Ikoxle hünzome ku kax chiapa chichangba ku kax to mongjao chikox.

JEREMIA 35:17

Ikhoma athaxpi, Jowanpa, Israel nok Khüthak Zang-e kue thama-thomshix chempang ahüi angkya tsaole thompuix, ibu pangwüi Judah hia Jerusalem hato ngui ang tomüi. Kue zangwün pongma hünzome chiapa, tamchu kue nyakpongma hünzom chitsa, ile changkya khokho ma kue ija mwot mok angkya wüi changpu.”

JEREMIA 44:4

Kue chizakle hwom hato ku dapa ajebu ahüile ngopu; ilaxle hwome hünzom hama kue anukya iningle khomtsikya mwot chimok angkya akaxpu.