JEREMIA 26:3 - OTSAO BAIBEL (BSI)

³ Owatsing khünaknue apa laxle chichang-chizangkya hwom lomtangbu danle toxle chu changtsuak. Hwome ile jangchang, hwom chichangchizangle tüikya mwotbu khoma kue hwom hato thama apüi angkya katzua laxle ngokya ku kün-mong alople changüi.”

JEREMIA 26:3 ပူးပေါင်းရင်းမြစ်များ

JEREMIA 36:3

Owatsing chemtue Judah khünaknue, kue hwom hato ahüi angkya thama-thomshix bama atat ang kopkya zuma, hwom ang mongchat laxle chichang-chizangkya lomtang pangwüi danle tox lechu changtüilax.”

JONA 4:2

Ikhoma chixe zangjop: “Jowanpa, kue hom makhange achexüima wüi, nange ilüwüi mok angkya changpule münthüidai hia? Ikhoma kue tsuakkya tukuxle Spain nok to paole azang ang azongpu! Nang a jento adukya, chingchakya, ilaxle sikngün ang chitomle mong alopkya tamchu mongkün chingchae awangle tüikya mix changpule kue awan ngopu.

JEREMIA 36:7

Owatsing hwome Jowanpa to zangjopüi ilaxle chichang-chizangkya khatokya hwom mongchatle chang ang tsuak, chemthüikoxle zongbakbak ma chix mongtsik mongma ashukle Jowanpae khünaknu aza-anale changdaoa.”

1 WANGHOMBU 21:29

“Ahap-e chix lailai to ku tong to chemle puinaile changpuix nange ngüncha? Chixe ile changkya khoma kue thama chix hato, chix ozün ma ngotanto münapüi, ikoxle Ahap hwom homkha hato kue thama apüi angkya a chix sasün tsünto tix changpu.”

1 WANGHOMBU 21:27

Chemtue Elija-e chix kax ashukpuix, Ahap-e chix nyi akyet, ilaxle sikle awüt, ilaxle nyikhwon awun. Chixe süt chisax, nyikhwon dingma jip, ilaxle thün wüi huishole mongma füi aham.

JEREMIA 26:13

Hünzom ngole hüikya lomtang hia hünzome mokle hüikya mwot pangwüi hünzome lüi angkya wüi, ilaxle hünzome Jowanpa kax ma laxle chang angkya wüi. Hünzome mong alople jangchang, chixechu hünzom hato thama tsangmüt apüi angkya chix mongjang alüixüi.

EZEKEL 12:3

“Athax, ziün angkya khünak, pünpao tuita ningle nang hün zinglax ilaxle zangngai mik ma wüi achexle paokox. Nang achexle mama khato paoüi pangnusae ngün ang laxkox. Owatsing ibu alün-aloxle tüikya khünakbue nang ngün ang kopüi.

HOSIA 11:9

Kue hünzom to ku mongtsiktsik ma sikngün ang müntom; Kue Israel tamchatle münamüt. Chemthüikoxle ku a Zang changle zangjang khünak tuita münchang. Ku, Otsao a, hünzom füi tüile. Ku a hünzom hato mongtsik ma münngui.

JOEL 2:14

Owatsing, Jowanpa, hünzom Zang-e chix mong alüixlaxle saxziak-tuaziak okhonguile müi ang tomle hünzom to mohiman lechu changtsuak. Ifüima hünzome chix ang saxziak tö hia grep-ti tö fa ang tsuaküi.

JEREMIA 26:19

Wanghompa Hezekiah hia Judah angkya khünaknue Mika a langle chiawüt. Itülüi, Hezekiah-e Jowanpa achuak-achen ilaxle chix chingcha kop ang azong. Ilaxle hwom hato ahüi angkya thama bama Jowanpa ang mong alüix. Athax kem a kem hato alüile khomtsikya thama-thomshix ahüiüi khakha.” (

EZEKEL 18:21

“Owawa ochax khünak tuitae ochax mwot mokle ngokya zak ilaxle ku wanlom ma ngole ilaxle chixe chem supuix tamchu chem müipuix ijaja mokle jangchang, chix a münziüi; chix a tütakoxlechu ozün ma ngoüi.