JEREMIA 26:18 - OTSAO BAIBEL (BSI)

¹⁸ “Chemtue Judah ma wanghom ang Hezekiah changkya hex, Moresheth ang ajepa Mika-e khünaknu pangnusa hama Jowanpae akaxkya kax apuale thüi: ‘Zaion ma haxkhutle tihax lailaile achangüi; Jerusalem a pünle amakyabu athünkya kha ang changüi, ilaxle Zangshwom-Hom a tuita faonukha ang changüi.’

JEREMIA 26:18 ပူးပေါင်းရင်းမြစ်များ

ZEKARIA 8:3

Ku a Jerusalem, ku otsao tingnu to chatüi, ilaxle ikhama ngoüi. Ija tingnu a tuita mongong tüikya tingnu changpule fuale wünüi, ilaxle Jowanpa Khüthak Zang haxnuang otsao haxnu le nyaküi.

MIKA 1:1

Jotham, Ahaz, hia Hezekiah hwom Judah nok ma wanghom ang ngopongma, Jowanpae chix kaxho ajepa Mika makhange kox. Chix a Meresheth tinglong angkya changkya. Jowanpae Samaria hia Jerusalem bama ibu pangwüi Mika hama ngaile aho.

NEHEMIA 4:2

Chix füikya khünakbu hia Samaria nok süpahibu tuntho to chixe akax: “Ija chem chifün chitüikya Judah khünakbue hwome chem mokpu le textüipuix? Hwome tingnu chatle azünle zaile alaiüile texpia? Töbu koxkya makhange hwome ija mwot nyixta ma wüi alaile tsuaküile texlaxpia? Hwome longhom zai angkya longbu zokle ashundaokya athün thomkya longkhixbu makhange chatle zingtsuaküile texlaxpia?”

MIKA 3:12

Üntoxle hünzom kho-khoma Zaion haxtok a ti hax mokya ningle moüi, Jerusalem a homtsyen-pungmang athünkyae awangle changüi, ilaxle Zangshwom-Hom a faokha ang achangüi.

JEREMIA 17:3

haxhuabu hia kothofa pangnu khato muabu zinglaxle shwom. Hünzome mokdaokya ibu ochax khoma kue hünzom zanpabu ahüilaxle hünzom haxtok pangkha tokya tuina hia ngun-syenbu pao ang tomüi

JEREMIA 9:11

Jowanpae thüi: “Kue Jerusalem a pünle amadaokya tamting ang achangüi, hijanbu ngwotnui ang achangüi; Judah tingnubu a sak-hax ang achangüi, owachu chingokya onui tuita ang a.”

MÜNCHUAK-TSAI 79:1

O Zang, songsaribue nang haxtok tingtakle changdaoa. Hwome nang Zangshwom-Hom chitsaokya ang achangdaoa ilaxle Jerusalem a pünpakle ama toxdaoa.

JEREMIA 51:37

Ija haxtok a mixmüt tamting faomüibu ngwotnui ang achangüi. Ija a mikngün ma za-adünkya ang changüi; ikhato owachu münngoüi, ilaxle ija ngünkyabu pangwüi abütle changüi.

2 WANGHOMBU 19:25

“Nange ibu ile chang angkya kaitanto wüi kue ajukle tsuakthom daokya nange münatat hexnyi? Athax kue ibu ile mokle paopu. Pan zailaxle ziakople thomkya tingnubu a longkhix athünle thomkya nui ang achang angkya tsak-zong nang ang kue tix koxpu.

2 PUKAX-PANGAO 32:26

Oshukma, Hezekiah hia Jerusalem angkya khünaknue hwom alüile pui-naile chang, ikhoma Hezekiah mazikya kople Jowanpae khünaknu to sikangünle chichang.

MIKA 4:1

Athax füichi ma Zangshwom-Hom ajongle tüikya haxnu a pangnu füi sütsuakya ang changüi, haxhuabu pangnu to kaikya homthün a. Jat-libu tüle-tüle ija hato abünle nguiüi,