JEREMIA 25:9 - OTSAO BAIBEL (BSI)

⁹ ‘Kue noknusa hanpakma shuakux chitokya khünakbu ahüiüi ilaxle ku da hanpak ang Babilon nok wanghompa Nebukadnezar ahüiüi. Kue hwom a Judah hia ima tüile ngokya khünaknu tamchu tomzi nok pangnusa füi azan ang apüiüi. Kue ija jat-li hia tomzi nokbu pangwüi amütüi ilaxle othuithui hanpak ang olithule amatoxüi, ija a mikngün ma tuita khomtsikya hia abüt angkya oli changüi. Ija kax, Jowanpa kue akaxdaoa.

JEREMIA 25:9 ပူးပေါင်းရင်းမြစ်များ

JEREMIA 18:16

Hwome ija haxtok a khompua-zadünkya oli ang achangdaoa, ilaxle pangnusae ikha othuithui hanpak ang awütdaoa. Hwom mik füi ngün ang kopkyabu thoto imakhange lekya khünakbu abütüi; abütkyae hwome khang awingüi.

JEREMIA 1:15

chemthüikoxle shuakux chitokya jat-libu pangwüi kue ikhato ngui ang sele ngopu. Hwome wanghombue hwom tüntongbu a Jerusalem zünkai ma tamchu ija long katukbu akhople ajongüi ilaxle, ilaxle Judah haxtok angkya mama tingnubu akhople chuwüi ajongüi.

ISAIA 13:3

Otsao zan azanlaxle chix füi mongtsikle ngokyabu to sikangün angkya hanpakma Jowanpae mongngamle tamchu mongchongle tüikya süpahibu to nyak.

JEREMIA 43:10

Ifüima hwom hama, ku, Jowanpa Israel nok Khüthak Zang-e ija khato ku dapa wanghompa Nebukadnezar apüiüi, ilaxle chixe ilaxle hünzome akhünle thomkya longnubu tok ma chixe chix chongwang ngwotnui danüi. Ibu ding ma chixe chongwanghom nyihom pünle ajongüi.

JEREMIA 24:9

Hwom hato kue chisumüikya thama-thomshix apüiüi oja thotho chaxwan tok angkya khünaknu nok wüi khomtsile changüihex. Khünaknue hwom chanyi-wanjaile changüi, ajao-ahaiüi, ilaxle kue hwom chiakle apaokya chaxwan pangkha towüi hwom mün a tuita othuak-ozom lom to twonüi.

ISAIA 44:28

Kue Sairas füi akaxpu: ‘Ku hanpakma apün angkya a nangtix changle; kue chem naxmokse thütpuix ijatix nange moküi; nange tamchatle Jerusalem zing angkya kax koxüi ilaxle Zangshwom-Hom homting ma thongnu küiüi.’”

ISAIA 39:7

Hünzom putong hwom züizüi kople paoüi ilaxle Babilon nok wanghom khwa ma zwom züilaxle wangchabu nye ang tomüi.”

EZEKEL 26:7

Jowanpa Khüthak Zang-e thüi: “Kue pangnu thakma achongkya wanghom: Babilon nok wanghompa Nebukadnezar: hünzom tingtak ang apüiüi. Shuakuxchi tokhange, hax ma azankya, mankho makhange azankya hia man-kanlinkho tokhange azankya süpahibu huanuma koplaxle nguiüi.

JEREMIA 40:2

Süpahi lompa-e ku süile pao ilaxle akax: “Jowanpa, nang Zang-e ija nok to thama-thomshix apüi angkya kax füi sapu,

JEREMIA 8:16

Kem zanpabu a Dan tingnu to nguile ngoüna; keme hwom manbu ngaokya zing atatle. Hwom manbu soxle hüikya zuma chaxwan pangwüi aloxpu. Kem zanpabu a kem haxtok hia ima atüitüi, kem tingnu hia kem khünaknu komkaile amüt ang nguipu.”

JEREMIA 6:1

Benjamin khünakbu, ma khangkhom ang paolax! Jerusalem angkya paole azanglax! Tekoa ma nyazong mütle angaokox ilaxle Beth Hakarem ma münwan ahole wüntakkox. Thama hia olithu angkya shuakux chitokhange nguingole.

ISAIA 10:5

Jowanpae thüi: “Asiria! Kue Asiria a ku mongtsikle tüikyabu to sikngün fa angkya hanpakma tuita kiathox ang twonpu.

WANWÜNKAX 21:1

Chixe chemle shuasa ti jenle le angkya oshua chwonpai ma züile koxpuix ija lailaile Jowanpae ochwonpai ma wanghombu tutex akumathum ang thole.

TSAITONG-KAXTONG 28:37

Jowanpae hünzom chiakle asam angkya haxtokbu to, hünzom to chemle changpuix, ija bama khünakbu ang khosamüi; hwome hünzom cha nyiüi ilaxle wanjaile changüi.

2 PUKAX-PANGAO 29:8

Ija khokho ma Judah hia Jerusalem füi Jowanpa ang mongma, ilaxle chixe hwom to mokkya ngünkya zuma khünak noknusa ang khomtsi. Ija hünzome müile awan ngopu.

JEREMIA 4:7

Azwonle ngokya mailang laile hüikya ningle, jat-libu hato ngui angkya thama achexüna. Chix a Judah amüt ang nguile ngole. Judah angkya tingnubu pünle ama toxüi, ikhato owachu münngoüi.

JEREMIA 10:22

Apalax! Kaxho hüidaoa! Shuakuxchi ma tüikya nok tokya zandün zing huanuma tüile; hwom süpahibue Judah tingnu a sak-hax ang achangüi, hijanbu ngokya onui tuita ang a.”

JEREMIA 20:4

Jowanpa chixjao-e ku ang akaxdaoa, ‘Nang a, nang hanpakma ilaxle zuikhuibu hanpakma tuita tuwuk ang achangüi, ilaxle nange hwom pangwüi zan nok changlobu chak fang ma lamkya ngünüi. Judah angkya khünaknu kue Babilon wanghom chak to kox angkya changpu; chixe züizüi a chix chaxwan to zanda ang koplaxle paoüi ilaxle mamabu a langle toxüi.

JEREMIA 25:8

“Ija khoma, hünzome ku kax to chiapale chang koxle, Jowanpa Khüthak Zang-e thüile,

JEREMIA 29:18

Kue hwom a ochax-ozan, woknuak-tilan hia okak-olak füi achuaüi, ilaxle hwome ija ngünlaxle chaxwannu angkya khünaknu nok a huanuma abütle changüi. Khünaknue hwom wanjaiüi ilaxle hwome ibu mün a othuak-ozom lom to lünüi.

JEREMIA 36:2

“Laitün tuita koplax ilaxle Israel nok hia Judah nok tamchu chaxwannu nok pangwüi hanpakma kue nang hama akax daokyabu ku kax pangwüi lai ma zale koplax. Josiah wanghom ang ngopong tokhange athax kopkya mong ma kue nang füi chempang akaxle hüidaopuix ibu pangwüi zale koplax.

JEREMIA 36:29

Wanghompa füi akax angkya kax ija Jowanpae ku füi akax: “Nange laitün a zokle ashundaoa, ilaxle Babilon nok wanghompa nguilaxle ija haxtok pün-pakle ama angkya ilaxle ima tüikya khünaknu hia müi pangwüi langle awüt angkya chixe chemkhoma zapule Jeremia ma atüidaoa.

EZEKEL 12:20

Anyix khünake awangle tüikya tingnubu a amütüi, ilaxle hwom chaxwan a tüta puamün chitüikya haxtok ang achangüi. Ifüima hwome ku a Jowanpa changle le awan ang kopüi.”

EZEKEL 36:5

“Ku, Jowanpa Khüthak Zang-e, ku mongtsik zangkham abakle tomzi nokbu füi akaxdaoa, tamnüile chu Edom nok füi akaxpu. Hünzome ajao-adakya füi tamchu zong ma laxle ku haxtok hia müi tsomnuibu laxle changpu.

DANEL 5:18

“Khüthak Zang-e hünchaxnu Nebukadnezar ang tüle chongkya wanghompa ang achangpu ilaxle chix ang münchong hia achuak-achenkya fapu.

2 WANGHOMBU 24:2

Jowanpae, chang-hi-pax füi achwon laxle ngokya Babilon nok, Siria nok, Moab nok ilaxle Amon nok, ibu a Jehoiakim zan to akatle Judah nok tingsum ang tom. Chixe ile mok angkya changle le Jowanpae chix da ajebu makhange kaxtaile thomdaokya.

2 PUKAX-PANGAO 36:21

Ile changkya tokhange: “Otuechu chitole awüt thomkya Sabath nazakle nuikya ang achangle haxtok a zanglao 70 man chizaikya haxtok ang thomüi”, le Jowanpae chix ajepa Jeremia makhange ajekya kax changle ngai ang tom.

JEREMIA 1:14

Chixe ku ang thüi: “Ija haxtok ma ngole tüikya pangnu hato thama a shuakuxchi makhange tole hüiüi,

JEREMIA 2:15

Hwome chix to mailangbu lailaile tsele; hwome chix haxtok a sak-hax ang achangdaoa, ilaxle chix tingnubu amale toxdaoa, komkaile ohua ang achangle dantoxdaoa.

JEREMIA 12:14

Jowanpae thüi: “Kue ku khünaknu Israel ang koxkya haxtok amakya hwom tomzi nokbu bama kue zangwün angkya hidaole tüile. Fum file awütpupule kue ibu chichang-chizangkya khünakbu hwom chaxwan angkya file awütüi, ilaxle hwom chak tokya Judah nok kue sünüi.

JEREMIA 35:11

Ikoxlechu chemtue wanghom Nebukadnezar-e chaxwan tingtakle hüipuix, Babilon nok hia Siria nok süpahibu füi atsaile ngo ang Jerusalem to ngui angkya kwome zangwün tsuakpu. Ikhoma anyix kwom Jerusalem ma ngole tüipu.”

JEREMIA 46:20

Ijip a tuita osün müikya maihunu ningle, oja to shuakux tokya naxe tsikle koxpuix.

JEREMIA 49:19

Mailang tuita faonu-lingmong tokya lailaxle Jordan Shuanu achole müie fumtsütkya nui to hüikya ningle, ku nguiüi ilaxle hwom haxtok angkya Edom nok allele fütle pao ang tomüi. Ifüima kue zünle kopkya lompa-e ija jat-li apün-adale changüi. Ku füi apyen angkya owa tüi? Ku füi achan-ala angkya owa tüi? Chemningkya wanlome ku füi alün-aloxle changüi?

EZEKEL 16:40

“Nang to long füi thup angkya khünakbu alaiüi, ilaxle hwome hwom changlobu füi nang a müi ang changle texle akhix toxüi.

EZEKEL 21:11

Changlo fwotle atsyetkya a, ija twon ang achwonkya tuita changpu. Ija a wunle anaxdaoa ilaxle fwotle atsyetdaoa, mix mik amüt angkya khünak tuita chak to kox angkya hanpakma.

HABAKUK 1:12

Jowanpa, nang a pongwang tokhange wüi Zang changle. Nang a, otsao tamchu oshuk chitüikya ku Zang changpu. Jowanpa, ku Zang üntoxle ku khosünpa, Babilon nok nange zünle kop ilaxle kwom to sikangün tang hwom tsak-zongle tüi ang tom.

HABAKUK 1:17

Hwome chingcha jao chitüile jat-libu olithule amüt angkya hanpakma nang hwom changlobu twonüi hia?