JEREMIA 24:8 - OTSAO BAIBEL (BSI)

⁸ “Ikoxle Judah nok wanghompa Zedekiah, chix akhople tüikya tingjit-nokwale ngokyabu, ilaxle Jerusalem angkya khünaknu opang ija haxtok ma ngole hüidaopuix chichangba Ijip nok to kapuix ibu bama: ku, Jowanpae idu sax ang ojao chimüikya fupsabu to chemle hwonpuix ile hwom to hwonüi.

JEREMIA 24:8 ပူးပေါင်းရင်းမြစ်များ

JEREMIA 43:1

Jowanpa, hwom Zang-e hwom füi akax angkya zangwün ku ang koxle apaokya komkaile kue hwom hama wünle tsuak.

JEREMIA 37:17

Ofüima wanghompa Zedekiah-e ku apüi ang apao, ilaxle wanghom homlo ma chixe huxsa ma ku ma atüi: “Jowanpa tokhange kaxho tütali tüichami?” Kue lan: “Tüile! Nang a Babilon nok wanghompa chak to kox angkya changle.”

JEREMIA 24:2

Pongwang lükya tsong ma müikya fupsa pongwang ole jumkyabu shole tüikya; mama tsong ma a fupsa omabu shole tüikya, ibu a sax ang ojao chimüikya oma.

JEREMIA 37:10

Hünzome Babilon nok süpahi pangwüi to anao ilaxle maklaxdao pupu hwom nyihombu ma opao chitsuakle danle tox, ile changkox-ngaxchu ibu laoxle zo ilaxle ija tingnu zokle ashuntox angkya changle.”

JEREMIA 24:5

“Ku, Jowanpa, Israel nok Zang, kuepi Babilon nok to kople paodaokya khünakbu a ija müikya fupsabu ningle changpu, ilaxle kue hwom to chingcha füi hupu.

JEREMIA 21:10

Kue ija tingnu danle müntox ikoxle amüt angkya ku mongzangwünle tsuakdaoa. Ija a Babilon nok wanghompa chak to koxdaoüi, ilaxle chixe haxbu ang achangle zokle ashun toxüi. Ija kax Jowanpa, kue akaxdaoa.”

JEREMIA 44:1

Ijip nok ma, Migdol tingnu, Tahpanhes tingnu hia Memfi tingnu, ibu ma ngole tüikya tamchu hwom haxtok shuathong chito ngole tüikya Israel khünaknu hato kaxho fa angkya Jowanpae ku füi akax.

1 PUKAX-PANGAO 3:15

Josiah ang sasün ali tüikya: Johanan, Jehoiakim, Zedekiah, ilaxle Joahaz.

JEREMIA 13:7

Ikhoma ku chatle chat, ilaxle kue ibu khomle toxkya onui alopkya zuma, ku thoma ibu tuita chu lax ang chimüile kyetle male bang.