JEREMIA 24:10 - OTSAO BAIBEL (BSI)

¹⁰ Kue hwom hato ochax-ozan, woknuak-tilan, ilaxle okak-olak, ibu apüiüi ilaxle hwom pupa hwom ang koxkya hwom haxtok ma hwom tuita chu chingole chang ang tomüi.”

JEREMIA 24:10 ပူးပေါင်းရင်းမြစ်များ

ISAIA 51:19

Nang hato thama anyi athütle hüidaoa: ochax-ozane nang haxtok a chilaxle ang achangle toxdaoa, ilaxle nang khünaknu a woknuak ma ngo. Nang hato chingchajaja aho angkya mix owa chitüi.

EZEKEL 33:27

“Ku chemle khochisamle ozün ma ngokya Jowanpa Khüthak Zang hex, ija ningle pünle amadaokya tingnubu ma ngole tüikya khünakbu a khochisamle mik max ang tom angkya changpu lekya ku kaxkhün hwom ang fakox. Tingnu tokna to tüikyabu a faomüibue saxüi. Haxnukho hia longkunbu to azwonle ngokyabu a okak-olak ma ziüi.

EZEKEL 7:15

Tingjang lomnu to achyet-amüikya, ilaxle homkha ma kaklak hia woknuak tüile ngo. Tatok to paole asukyabu a zan ma maxüi, ilaxle tingnu mong ma asukyabu a okak-olak hia woknuak shoma ma womüi.

JEREMIA 34:17

Ikhoma athax, Jowanpa, kue akaxle ngopu, hünzome ku kax ma chilaxle changdaoa; hünzome Israel khünak noknusa ang mongtex ma ngo ang pan-danle münchang. Müihule, athax kue hünzom a mongtex pankya faüi: zanhok ma, okak-olak ma tamchu woknuak-tilan ma hünzom a mongtextex ma mik max ang tomüi. Kue hünzom to chemle mokpuix ija ngünlaxle chaxwannu nok pangwüi abütle chang ang tomüi.

JEREMIA 27:8

“Ikoxle owawa jat-li hia wangting tuitae chix ang apün ang chitomle jangchang, kue ija onok to ochax-oza, woknuak-tilan ibu füi, Nebukadnezar chak to hwom komkaile maxle machang machangle sikangünüi.

JEREMIA 19:7

Ija onui ma kue Judah hia Jerusalem angkya khünaknue zingkya mwottho pangwüi olom tün ang tomüi. Kue hwom zanpabu ang hwom to anao ang tomüi ilaxle zanhok ma hwom mik-amüt ang tomüi. Kue hwom mangbu a osa hia faomüibu ang sax ang tomüi.

JEREMIA 16:4

Hwome khompua-zadünkya kaknu-laknu ma zile paoüi, ilaxle owaechu hwom mang münsop chichangba münakhün. Hwom mangbu a haxkha to haxzao thokle athünkya ningle thomüi. Hwom a zan ma maxüi chichangba woknuak ma maxüi, ilaxle hwom mangbu a osabu hia faomüibu süt ang changüi.

JEREMIA 15:2

Chemtue hwome nang ma hwom ochito paoüile atüipuix, ile akaxkya ku kax hwom hama wünkox: “Züizüi a okak-olak thama ma zile pao angkya chifün ma tüile: ikhoma hwom pao angkya wüi! Züizüi a zan ma max angkya thama ma tüile: ikhoma hwom pao angkya wüi! Züizüi a woknuak thama ma zi angkya wüi: ikhoma hwom pao angkya wüi! Züizüi a zanda ang kople paokya thama ma max angkya changle: ikhoma hwom pao angkya wüi!

JEREMIA 9:16

Hwome chu tamchu hwom pupa hwome ngaxchu chemtuechu atat ang chikopkya nok to kue hwom chiakle sam ang tomüi, ilaxle hwom komkaile amütle machang machangle kue hwom amüt ang süpahibu akatüi.”

JEREMIA 5:12

Jowanpa khünakbue chix pongle chikop ilaxle akax: “Chixe chemli-chemlichu münmok.”

MIKNGÜN-OHÜN 6:8

Kue hukoxle huishokya man tuita tüikya. Ija mankho ma ngakya mix ang Omang le amün, üntoxle haolum a chix füito azui. Achax-azankya, otui-onuak, okak-olak üntoxle müima nyaxshix, ibu füi lang ang tomle, chaxwannu othom ali ma ahankya thom tuita thakma apün-ada angkya zong kox.

TSAITONG-KAXTONG 28:21

Hünzome kop angkya haxtok to hünzom okothomle machang tanto chixe hünzom hato okak-olak füima okak-olak hüi ang tomüi.

JEREMIA 21:9

Tingnu ma angongo pangwüi zan ma chichangba woknuak ma chichangba kaklak ma zi ang tomüi. Ikoxle ikha angkya laile paolaxle, tingnu to single ngokya Babilon nok tuntho to chak ajongle changkyabu, hwom a lang ang müntom; hwom a ma khangkho azangle pao ang danüi.

JEREMIA 42:17

Khünak opang Ijip to chatle kalaxle ngosele tsulaxpuix, ibu pangwüi ochax-ozan chichangba woknuak-tilan chichangba okak-olak ibu chak to maxüi, Hwom khama tuita chu ozün ma münngoüi, ilaxle kue ahüi angkya thama-thomshix chak tokya owae paole azang ang münthoüi.’

1 WANGHOMBU 14:15

Jowanpae Israel nok to sikangünüi, ilaxle shuasa acha ham to sipupule she to si ang tomüi. Chixe hwom pupa hwom ang koxkya Israel nok fuakle awütüi, ilaxle Eufrat shuanu tale hwom chiakle asamüi, chemthüikoxle hwome baozangchanu Asherah chapa zaile alailaxle Zang ang mongtsik adündaoa.

JEREMIA 9:15

Ikhoma, ku, Jowanpa Israel nok Khüthak Zang-e chemle moküihex apalax: Kue ku khünakbu a khaxkya pün sax ang koxüi ilaxle zik-hing ti ling ang tomüi.

JEREMIA 14:12

Hwome chisax-chilingle atsaole zangjop koxle ngaxchu, hwome asun hüile sopkya zing to kue na müntha; ilaxle hwome ku ang zokle ashunkya to hia saxziak to, ibu koxle changkoxchu, ku ang hwom füi otuechu mong münmüi. Itülüi, kue zanhok ma tamchu woknuak hia kak-lak ma hwom mik max ang tomüi.”

JEREMIA 29:17

Jowanpa Khüthak Zang-e thüile: ‘Kue hwom hato ochax-ozan, woknuak-tilan hia okak-olak ahüingole, ilaxle kue hwom a sax ang chimüile shanle paoünkya fupsa ziakbu ningle achangüi.

JEREMIA 29:18

Kue hwom a ochax-ozan, woknuak-tilan hia okak-olak füi achuaüi, ilaxle hwome ija ngünlaxle chaxwannu angkya khünaknu nok a huanuma abütle changüi. Khünaknue hwom wanjaiüi ilaxle hwome ibu mün a othuak-ozom lom to lünüi.

JEREMIA 32:24

“Babilon noke tingnu akhople hax thokle atsua ilaxle hwome single ngo. Ochax-ozan, woknuak-tilan hia okak-olak ibue ija tingnu a hwom chak to adün-saxpu. Nange chem akaxpuix ibu pangwüi changle ngaikya nange ngün ang kople.

JEREMIA 32:25

Ikoxlechu Jowanpa Khüthak Zang, ngünmix khünakbu tunthoma ija haxtok shak ang ku ang kaxtom koxkya a nang changpu, ipongma tingnu a Babilon noke hwople kopüi khakha tüikya.”

JEREMIA 42:22

Idaile hünzome ija mong ma koplax: hünzom a hünzom kalaxle ngokya haxtok to ochax-ozan chichangba woknuak-tilan chichangba okak-olak, ibu chak ma ziüi.”

EZEKEL 6:11

Jowanpa Khüthak Zang-e akaxle: “Hünzom chak akhaokox! Hünzome chithom thongkox! Israel noke mokle hüidaokya chichangchizang mwot hia zakkop mwot, ibu hanpakma mongmale sopkox. Hwom a chax-zan ma chichangba woknuak ma chichangba kaklak ma mik max angkya changle.