Ijabu pangwüi kue atat, ilaxle ku zale abün; zakyae ku tunpün abün. Ku tsangtsa ma jao-jao zong chitüile chang, ilaxle ku chitong ma chikho thu. Hanpak nguile hüikya thatanle ku dangjale ngoüi kem to single hüikyabu to Zang-e sikangünle changpongma.
Obibi nyix hex ku a mongmale tamchu kakle ngo. Ifüima ku zo ilaxle wanghompa-e ku ang koxle thomkya mwottho to ajong, ikoxlechu ija mikngün-ohüne ku je-apale awüt ilaxle ija chitsingtsuak.
Ku khang a tüküi tuita namchang koxba, tamchu ku mik a mikfi tümik namchang koxba, zangnak zangngai ku sopngose dai langdaokyanu ku khünakbu hanpakma a.
Ajao-ahaikyae ku mong ashixle, ilaxle ku a khopi-napale tüile. Kue chingchajaja to sunghudaoa, ikoxle owaechu chingchakya chitüi; ku mong asomkya angkya khünak kue tuita chiatak.
Ikoxle chemtue kue “Kue Jowanpa alaküi ilaxle chix mün ma tam-münakaxüi”, le thüipuix, ipongma nang kaxho a wün lailaile ku mongkha to zule chuak. Kue ija ku mongkha to kople thom ang tsuakkya pongle azong, ikoxle kue kople thom ang chitho.