JEREMIA 23:5 - OTSAO BAIBEL (BSI)

⁵ Jowanpae thüi: “Dawid sixli hwomkha angkya kue otsao wanghom tuita zün angkya hanpak nguile hüile. Ija wanghompa-e je füi apünüi ilaxle haxtok ma pangnu khato wüi changkya hia sukya mwot moküi.

JEREMIA 23:5 ပူးပေါင်းရင်းမြစ်များ

ISAIA 4:2

Jowanpae ija haxtok angkya pünzuabu tüle chongle tamchu osün müile tsong ang tom angkya hanpak hüile ngole. Chimaxle azangkya Israel nok pangwüi mongmüiüi ilaxle hwom haxtok ma saxkop-linglole changkya to hwom ang mong ngamüi.

ISAIA 52:13

Jowanpae thüi: “Ku dae chix mwot a tsuakle changüi; chix a huanuma achuak-achenle changüi.

ISAIA 9:7

Chix chongwang janzüi a chong ang chong ang sütüi; chix wangting a jento tumüi-mongsom ma ngoüi. Chixe Wanghompa Dawid mantswon chongwang ningle apünüi, changkya hia sukya a chix tsak-zong chifün ang laxüi, athax makhange oshuk hanpak alople. Jowanpa Khüthak Zang-e ibu pangwüi mok angkya mongzang wündaoa.

ZEKARIA 3:8

Ikhoma Nguakho ang ngokya Jihusua, nange apakoplax; üntoxle chix füikya zompu-zangpabu hünzomechu apakoplax, hünzom a füichi shomüi hanpak münwan changle: Kue Pünkang le nyakkya ku da, kue ngaile ahofaüi!

ISAIA 53:2

Haxzan to tsingküi jule pün chongkya ningle chix dapa tsong angkya a Jowanpa mongtex changkya Kem ang chixsün-chixjo aho angkya hanpakma chix ma münchong hia osün chitüi. Chix bama mikzalokya oli chemchu chitüi, kem chix hato jikle ahüi fang chemchu chitüi.

ZEKARIA 9:9

Mongmüikox, mongmüikox, Zaion angkya khünaknu! Mongmüi to akhong kox, hünzom Jerusalem angkya khünakbu! Hulax, hünzom wanghompa hünzom hato nguile ngole! Chix a zanbu to lütlaxle chuak-chongle nguingole, ikoxlechu mantsak kun kha angkya mantsaksa kho ma ngalaxle somdangle.

MIKNGÜN-OHÜN 19:11

Ifüima zangkangting ka daple tüikya kue ngün, ija ma mantho tuita tüikya. Ija mankho ma ngakya mix ang mongong shingmong üntoxle otsingtsing le nyak; chixe kaxfünkya hia azankyabu mwot sukya olom ma mok.

AMOS 9:11

Jowanpae thüi: “Kue Dawid wangting oja hom tuita pünle ama thomdaokya ningle tüipuix, ija tamchatle amüi angkya hanpak nguile ngole. Kue ija katukbu tamchatle zaile ajong laxle ija zingle amüiüi. Kue ija chatle zingüi ilaxle amipongma tüikya lailaile zingle achatüi.

JEREMIA 30:9

Itülüi, hwome Jowanpa hwom Zang tamchu Dawid sixli owa kue chongwang tüntong ma athungüihex, hwom ija Zang thothale changüi.

JEREMIA 30:3

chemthüikoxle kue ku khünaknu, Judah hia Israel, chatle shomüi-wanmale ngo ang tom angkya hanpak nguile hüile. Kue hwom a hwom pupa hwom ang koxle tüikya haxtok to chatle apüiüi, ilaxle hwome tamchatle ija ma nokpu ang achangle ngo ang kopüi. Ija kax, Jowanpa, kue akaxdaoa.”

JEREMIA 23:6

Chemtue chix wanghom ang changpuix, Judah angkya khünaknu chaza angkya chitüile ngoüi, ilaxle Israel khünaknu a mongsom ma ngoüi. Chix ang ‘Jowanpa kem Khosün’, le nyaküi.

IBRI 8:8

Ikoxle Zange chix khünaknu ma thaikya atak üntoxle thüi: “Jowanpa-e thüile: Hanpakbu hüile ngole; otue kue Israel hia Jehudi khünakbu füi Tsaotsüt hozün zingüi hex.

JUHAN 1:45

Filip-e Nathanel atak ilaxle chix ang thüi: “Mosa-e wanlom laipex ma tamchu ajebue hwom laipexbu ma owa bama zale tüipuix, kwome chix ngündaoa. Chix a Nazareth angkya Jusep sasün Jisu changle.”

HOSIA 3:5

Ikoxlechu Israel khünaknu hanpakma hwom Zang, Jowanpa hato chat angkya tamchu wanghompa Dawid su-sa hwom hato chat angkya hanpak tuita hüiüi. Ifüima hwome Jowanpa chathua zale changüi ilaxle chix angkya müikya hinghobu pongle laxüi.

DANEL 9:24

“Anüt anütle othom anüt zanglao a Zang-e hünzom khünakbu hia otsao tingnu ochax hia chichang-chizangkya chak tokya danpan angkya Zang hanpak zanghan changpu. Thaikyabu pangwüi thailak tüiüi ilaxle oshuk chitüile sukya zingle dan, ikoxtix mikngün-ohün hia jekax otsingtsing ang achangle laiüi, ilaxle ija otsao Zangshwom-Hom a jople atsaoüi.

JEREMIA 31:27

“Ku, Jowanpae akaxpu, kue Israel hia Judah haxtok pangwüi khünaknu hia müibue awangle chang angkya hanpak nguile ngole.

JEREMIA 22:3

“Jowanpa, kue nang ang chem supuix tamchu otsing changpuix ija mok angkya nang ang kaxtom koxpu. Mixdyen mixlale ngokyabu chak tokya dyen-lale asam thomkyabu kho-awa kox. Ma zuikhui nokbu, khaxsabu, thanubu, ibu to chichangchizangle taxhwon; ilaxle ija otsao nui ma chemngax chichangkya mix mik max ang taxtom.

ISAIA 53:10

Jowanpae thüi: “Chix sikngün angkya a ku mongtex changkya; chix zikya a thailak atak angkya hanpakma tö tuita changkya. Ikhoma chixe chix sixlibu ngün ang kopüi; chix a tsünlo-khothole ngoüi, ilaxle chix makhange ku mwottho tsuakle changüi.

JUHAN 1:49

Nathanel-e chix ang thüi: “Rabai, nang a Zang Hosa; nang a Israel wanghom changle.”

MATHI 2:2

“Jehudi nok wanghom ang puxkya nao ojonghex? Kwome chix lyettsi handünchi to laikya ngünlaxle chix shwom ang nguipu.”

EZEKEL 34:29

Kue hwom ang haxzao füikya haxtokbu koxle hwom otuechu wok anole ngo ang müntom. Otuechu mixnokbue hwom ahuxle tswonle münpaoüi.

MÜNCHUAK-TSAI 80:15

Nange küitoxkya ija grep zu khosünle kop-hüi, nange owan müile tsong ang tomkya ija zusa a!

MÜNCHUAK-TSAI 45:4

Chuak-chongle chix tsaplya khoto nga, otsingtsing hia sukya khose angkya hanpakma!

JEREMIA 22:30

“Ija mixsün a chix su-sa hwom amüt angkya le ahaidaoa, otuechu chitho-chilünkya mix ang achang angkya ahaidaoa. Dawid mantswon tuita ningle Judah haxtok ma apün angkya mix chix ang sixli tuita chu müntüiüi. Ija kax, Jowanpa, kue akaxdaoa.”

JEREMIA 22:15

Mama mixhombu füi sümüile, nange sedar pün füi hom zingle le nang tuita sümüipu wanghom ang achang ang chami? Hünpae chix tsün mongtex ma shale ngole hüidaoa. Chix a othuithuima sukya hia mamix chisüile tüikya, ilaxle chixe mokkya pangwüi lom ma chix ahak-aluale chang.

1 KORIN 1:30

Ikoxlechu Zange hünzom Khrista füikya notom hato ahüidaoa, ilaxle tamchu Zange Khrista a kem zongto je-hwon ang zingdaoa. Chix makhange tix kem Zang zongto sukya ang achangle; kem a Zang otsao khünaknu ang achangüna ilaxle kem mongtex ma dandaoa.

ISAIA 42:6

“Ku, Jowanpae, nang nyakdaoa ilaxle tsak-zong koxdaoa ija a chaxwannu ma sukya kaxfün tsuak angkya hanpakma. Nang makhange kue khünak noknusa füi tsaotsütle; nang makhange kue chaxwannu nok hato zangngai apüiüi.

JEREMIA 29:11

Hünzom hato thama-thomshix chichangle ahak-alua angkya apüile fa angkya, ilaxle hünzome sungle ngokya füichi hanpak otsingtsing ang achang angkya, ibu ku tuthüt bama ku tatae awanwüi.

EZEKEL 21:27

Pünle, pünle! Changle, kue tingnu a tuita pünle awütkya nui ang achangüi. Ikoxle ija a kue kamle thomkya tingnu thama adün angkya mix nguile machang tanto ija ile münchangüi. Kue ija chix ang kox angkya changle.

EZEKEL 45:8

Ijongkha a Israel nok haxtok apün ang ngokya wanghombu süntswon ang ngoüi, ile changkox tix wüi chixe khünaknu to angang le thuple chichangüi ikoxle Israel nok homjenbu ang mama haxsütbu hwom kux ang laxle ngo ang danüi.

HOSIA 1:11

Judah angkya khünaknu hia Israel angkya khünaknu tuita ang achangdaoüi. Hwome hwom obama lompa tuita wüi zünle laxüi, ilaxle hwom a hwom haxtok ma tamchatle putsale ahak-aluaüi. Changle, Jezril tsün chaxwan-zanghan a huanu chongkya changüi!

2 SAMUEL 23:3

Israel nok Zang-e akaxdaoa; Israel nok khowapae ku ang thüi: “Wanghompa owae chix sukya füi apünpuix, owae Zang kax ma laxle apünpuix,

MÜNCHUAK-TSAI 99:4

Chix a taitax wanghom, nange chem supuix ija to mongkün; nange Israel ma sukya kaxfün apüitsuakle; nange otsao hia masüi-mix-chilüikya apüitsuakle.

ISAIA 9:5

Sing ang hüikya süpahibu chisox ilaxle aji füi awangkya hwom nyizabu pangwüi wün ma max ang tomüi.

ISAIA 9:6

Kem ang naosa tuita puxdaoa! Kem ang sasün tuita koxdaoa! Ilaxle chix a kem lompa ang changüi. Chix ang a: “Ohünotün Mongjang zukya” “Khüthak Zang”: “Oshuk chitüi Hopa”, “Tumüi Wanghompa”, le amünüi.

ISAIA 33:5

Jowanpa a chemkuxma chongpuix! Chixe pangnusa thakma apünle. Chixe Jerusalem a sukya kaxfün hia pangnu zongto sukyae awangüi

ISAIA 45:24

“Ku makhange tix wüi lütkya hia janzüi kopüile hwome thüile; ikoxlechu ku thua anule tüikya pangwüi e-sekya chitüile toxüi.

EZEKEL 34:16

“Max-sam le changkyabu kue lomüi, lomsam le ngokyabu kue lomle apüiüi, thomzün maklax le changkyabu to kue lop-zingle hu-meüi, ilaxle okak-olak füikyabu kak amüile koxüi; ikoxle haxnut-zangfex le hia tsak-zongle tüikyabu a kue amütüi, chemthüikoxle ku a chem supuix ija mokkyabu chunnyetpa changpu.

MIKA 5:3

Ikhoma ija naosa ngün angkya mixcha tuitae nao ngünle changkya kople Jowanpae chix khünaknu a zan-nokbu chak to koxle thomüi. Ifüima zanda ang ngokya Israel khünak ibu ma khünakbu füi tamchatle motomle changüi.