JEREMIA 23:3 - OTSAO BAIBEL (BSI)

³ Kue chiakle sam ang tomkya haxtok tokya atale tüikya ku khünakbu kue asox-asüiüi, ilaxle kue hwom a hwom haxtok to chatle apüiüi. Hwom ang su-sabu huanuma tüiüi ilaxle khünak huak tüle pu-tsale changüi.

JEREMIA 23:3 ပူးပေါင်းရင်းမြစ်များ

JEREMIA 32:37

Ku mongtsik-mongma tokhange kue hwom chiakle asam thomkya chaxwan pangkha tokya wüi kue khünaknu asox-asaüi angkya changle, ilaxle kue hwom ija haxtok to tamchatle ngui ang tomüi ilaxle ija khama chem chaza angkya chitüile ngo ang tomüi.

JEREMIA 29:14

Changle, kue thüipu, hünzome ku ataküi, ilaxle kue hünzom a hünzom chaxwan ma tamchatle ngo ang tomüi. Kue hünzom ojong chaxwan hia tingnok to chiakle asam thomtüipuix ibu haxtok hia onok pangkha tokya wüi kue hünzom asox-atomle changüi, ilaxle kue hünzom a ojongkha tokhange zanda ang paokya hex ija onui to chatle apüiüi. Ija kax, Jowanpa, kue akaxdaoa.’

JEREMIA 30:3

chemthüikoxle kue ku khünaknu, Judah hia Israel, chatle shomüi-wanmale ngo ang tom angkya hanpak nguile hüile. Kue hwom a hwom pupa hwom ang koxle tüikya haxtok to chatle apüiüi, ilaxle hwome tamchatle ija ma nokpu ang achangle ngo ang kopüi. Ija kax, Jowanpa, kue akaxdaoa.”

EZEKEL 11:17

“Idaile ku, Jowanpa Khüthak Zang-e hwom füi akaxle ngokya kax hwom hama apuakox. Hwom chiakle asam thomkya haxtok tokya kue hwom asox-asüiüi, ilaxle Israel haxtok kue hwom ang wüi achatle koxüi.

JEREMIA 31:8

Kue hwom a shuakux chitokya apüiüi ilaxle haxtua-zangnam tokya kue asox-atomle changüi. Miksut hia chafaibu ngaxchu hwom füi tomle nguiüi, naowok hia nao ngüntu nguile tüikyabu chuwüi nguiüi. Hwom a chongkya jat-li tuita ang nguiüi.

MÜNCHUAK-TSAI 106:47

Jowanpa, kwom Zang, kwom khosünfa, ilaxle chaxwannu chak tokya kwom chatle chat ang tomhüi, kwome nang ang münchong fatsuak angkya kuxma tamchu nang otsao mün achuakle tsuak angkya kuxma.

EZEKEL 36:24

Pangnok jating tokya kue hünzom chatle hünzom chaxwan to apüiüi.

EZEKEL 36:37

Jowanpa Khüthak Zang-e thüi: “Israel khünakbu ang, tamchatle fonghüile ku füi akax ang tomüi, ilaxle kue hwom a chunzyem tsapupule khünak huak pu-tsale chang ang tomüi.

MIKA 7:12

Handünchi Asiria tokya, shuathongchi Ijip nok tokya, Eufrat shuanu tui tokya, ochu to tinu kha tokyabu ilaxle tsailonu haxhua tokyabu, pangnu chitokya nang khünaknu nang hato chat angkya changle.

JEREMIA 8:3

Ija ochax jat-li angkya khünaknu opang ozün ma atale tüilaxpuix, opang kue hwom chiakle asamkya haxtokbu to ozün ma ngole tüilaxpuix, hwome ozün ma ngokya füi zisele wüi süchongle texüi. Ija kax, Jowanpa Khüthak Zang, kue akaxdaoa.”

JEREMIA 30:10

“Ku khünaknu, hünzom taxza; Israel khünaknu, hünzom abütkya taxtüi. Ija tsailo nok tokya hünzom kue sünüi, athax hünzom zanda ang ngole tüikya nok tokya a. Hünzom a ma hom to chatüi ilaxle mongsom ma ngoüi; hünzom to chem münthüi: ilaxle owaechu hünzom aza-anale chang ang müntom.

JEREMIA 31:7

Jowanpae thüi: “Israel nok mongmüi tungle ngaokox, jat-libu khama achongkya changle. Hünzome münchuak tsai ngaokox, ‘Jowanpae chix khünaknu khosünle kople. Atale toxkyabu chixe sünle.’

JEREMIA 46:27

“Ku khünaknu, hünzom taxza, Israel khünaknu, hünzom a taxabüt-ban. Tsailo nok chak tokya kue hünzom khosünle changüi, zanda ang hünzom ngole hüikya nok chak tokya a. Hünzom a hom to chatle chatüi ilaxle mongsom ma ngo ang kopüi; hünzom to chem münthüi: ilaxle owaechu hünzom aza-anale münchang.

LIWI 26:9

Kue hünzom to mohimanüi ilaxle su-sabu tüle-tüle pu-tsale chang ang tomüi. Kue hünzom füi tsaotsütkya Tsaotsüt, ku hanpak kue münale.

JEREMIA 16:15

Itülüi, ku a, shuakuxchi nok tokya tamchu kue hwom chiakle asam thomkya nok tokya Israel khünaknu khosünle apüikya khüzün Zang changpule ku mün ma tsaosaxle changüi. Kue hwom pupa hwom ang koxkya hwom haxtok towüi chatle apüiüi. Ija kax Jowanpa, kue akaxdaoa.”

JEREMIA 50:19

Kue Israel khünaknu a hwom chaxwan to chatle ngui ang tomüi. Karmel Haxnu hia Bashan wankam ma münkya puamün hwome saxüi, ilaxle Efraim hia Gilid haxsüt angkya hwome saxse tsukya süt puamün hwome saxüi.

EZEKEL 36:11

Kue ku khünaknu hia müibu pu-tsale chang ang tomüi. Hünzom a amipongma ile otuechu matüitox le tsaüi, ilaxle hünzom ang susabu huanuma tüiüi. Kue hünzom a ngohomkya ningle ikhama ngo ang tomüi, ilaxle amipongkya to kaile hünzom a ahak-alua ang tomüi. Ifüima hünzome ku a Jowanpa changpule awan ang kopüi.

MIKA 2:12

“Ikoxlechu Israel khünak hünzom danle toxkyabu, kue hünzom pangwüi asox-atom ang tomüi. Kue hünzom a chunbu opom to wangkya ningle pangwüi chatle asox ang tomüi. Wunsa khato chune awangle tüikya ningle, hünzom haxtok a khünaknue awangle changüi.”