JEREMIA 23:2 - OTSAO BAIBEL (BSI)

² Chix khünaknu to akox-akomle hu-mese pa, apün-awangle hüikya lompabu hanpakma, Jowanpa, Israel nok Zang-e akaxkya kax ija changle: “Hünzome ku khünaknu to chihu-chime; hünzome hwom chiakle asam ilaxle jwonle apao. Athax a kue, ija hünzom ochax mwot khokho ma hünzom to sikangün angkya changle.

JEREMIA 23:2 ပူးပေါင်းရင်းမြစ်များ

MIKA 7:4

Hwom khama ataxle sukya mix to lünle hingzang tukux thatha ngaxchu münchang. Chixe hwom nyetmix, ajebu makhange kaxkhün koxle hüikya ningle, Zang-e chix khünaknu to sikngün ang tom angkya hanpak nguile hüile. Athax hwom a khosam ma tüile.

LAIPAO 32:34

Athax nang chatlax, kue nang hama apua daokya chaxwan to hwom lomzunle paokox. Mong ma koplax, ku kaxtaimixe nang to nyele thomüi, ikoxle hwom ochax khoma kue hwom ang sikngün apong ang tom angkya hanpak nguile hüingole.”

JEREMIA 23:34

Ku khünak owawae chichangba aje owawae chichangba owawa zompu-zangpae ngaxchu ‘Jowanpa hünlit’ kaxhuak twonle jangchang, kue hwom to tamchu hwom homkha to sikangün angkya changpu.

JAKOP 1:27

Zang kem Hopae, changkya üntoxle otsao zanglom ang ekya a ija changle: Hwom sikngün pongma zomnu khaxsabu to humekya üntoxle chaxwannu onu-oma chemechu nun-maokya chitüi le malailai to ibu füi atsaile ngo tsuakkya, ibibi changle.

MATHI 25:43

Ku mixwün ang achangle ngopu ikoxle hünzome ku mahom ma pongle chikop; ohua ma ngopong ma hünzome ku to awunle chifa; ku kak pongma hia kople thom pongma hünzome ku to chihu chime!’

HOSIA 2:13

She-e Bal baozang tuntho to so zokle tamchu she likwünbu aza-apua laxle she mowünpabu füito ziküima ku alakle asamkya tu-wan hanpakma kue she to sikangünüi.

JEREMIA 13:21

Nange zuikhuile thütle ngokyabue nang to lüt ilaxle nang to apün-adale jangchangba nange chemle thüiüi? Sheko mixnu tuita to nao ngün wok kakpupule nang to kaküi.

JEREMIA 11:22

Ikhoma Jowanpa Khüthak Zang-e akax: “Kue ibu to sikangünüi! Hwom naosünbu a zanhok ma max ang tomüi; hwom naosa hwom a woknuake ziüi.

JEREMIA 8:12

Ku khünaknu, hünzome chichangchizang mwot ibu pangwüi moklaxle azakzi pia? Münchang, hünzom a ojao münazak; hünzome thünkhi angkya ngaxchu müntik! Ikhoma mix chemle ngolaxpuix ilailaile hünzom chuwüi nguaküi; chemtue kue hünzom to sikangünüihex, hünzom hanpakma oshuk a ija changüi. Jowanpa, kue ija kax akaxdaoa.

JEREMIA 5:29

“Ikoxlechu, ibu khokho ma kue hwom to sikangün angkya changle; ija nok to kue jannong alüile changüi.

JEREMIA 5:9

Kue ibu khoma hwom to sikangünle tamchu onok to iningle olüix khomle münchangüi hia?

MATHI 25:36

ohua ma ngokya ikoxle hünzome ku to awunle fapu; ku kakle ngopong ma hünzome atu-alitle hupu; kople thom pongma hünzome ku waipu!’

JEREMIA 10:21

Kue lan: “Kwom lompabu a ongat; hwome Jowanpa ma lom azüi angkya tiktole chichang. Ikhokhoma hwom thaidaoa, ilaxle kem khünaknu a chiakdaoa.

JEREMIA 13:17

Hünzome chiapa jangthüi: Hünzom mongngam khoma ku huxsa ma sopüi; ku mongmaxle sopüi, ilaxle ku mikfi jenle juüi chemthüikoxle Jowanpa khünaknu a zanda ang kople paodao koxle.

JEREMIA 13:20

Jerusalem, hulax! Nang zanpabu a shuakux chitokhange nguile ngole! Nang ang hulax-ole koxkya khünaknu omaün, nang khünaknu opang bama nang mongngamle ngokyahex?

JEREMIA 44:22

Anyixkha hünzom haxtok a pünle ama thomdaoa ilaxle ikhato owachu münngo. Jowanpae hünzom chichang-chizangkya hia ochax mwotbu füi adu ang chithokya tokhange, ija a mikngün zongma za-adünkya tuita ang changdaoa, ilaxle khünaknue ija mün a othuak-ozom lom ma lünle.

EZEKEL 34:5

Chunbu ang chunnyetpa chitüikya khoma, hwom chiakle sam, ikoxle faomüibue ibu langle sax.

ZEKARIA 11:16

Kue ku chunzyembu to hu ang chun nye angkya mwot koxle thompu, ikoxle chixe azik-amüt ang aza-anale ngokya chunbu to chemchu münthüitho; chichangba chixe maxsamkyabu to hupu lechu münchang, chichangba maklaxkya humele amüikoxpu lechu münchang, chichangba osüt koxle tuxpu lechu münchang. Itülüi, chixe sünutkya chun omüi sax ilaxle chisokbu thuple asyep le.

JEREMIA 17:10

Ku, Jowanpae kün-hi-mong lomle ilaxle khünaknu mong wanle anole. Hwom chemle ngopuix ija olom ma kue pangwüi füi asax-amokpu, hwome mokkya mwot füifüile a.”

ZEKARIA 10:3

Jowanpae thüi: “Ku khünaknu to apün-adale ngokya mixnokbu füi ku ang mongtsikle, ilaxle kue hwom to sikangün angkya changle. Judah angkya khünaknu a ku kux changpu, ilaxle ku, Jowanpa Khüthak Zang-e hwom to hume thomüi. Hwom a tsak-zong füikya ku zankat manbu changpu.