JEREMIA 23:16 - OTSAO BAIBEL (BSI)

¹⁶ Jerusalem angkya khünaknu füi Jowanpa Khüthak Zang-e akax: “Ajebue akaxkya kax to na taxtha; hwome hünzom a othai monghom füi awang ang tomle. Hwome hünzom hama hwome akax daokya kax chichangle hwom mongjang mix wünle ngole.

JEREMIA 23:16 ပူးပေါင်းရင်းမြစ်များ

JEREMIA 14:14

Ikoxle Jowanpae lan: “Ku mün male ajebu othai akax ngopu; hwom a kue ajokyabu chichang, chichangba kue hwom ang akax angkya kaxtom koxkya chitüi chichangba kue hwom füi kaxfa tuita chiakax. Hwome akax ngokya mikza wünmang a kuchi tokhange ahüikya münchang; hwome ajekya hia hwome ajangkya tüta angchu münchang.

EZEKEL 13:6

Hwom mikngün a othaibu changle, ilaxle hwome ajekya a othaibu changle. Hwome ku tokhange hüikya kaxho fapule akaxle, ikoxle hwom a kue ahüikya chichang. Ikoxlechu hwome hwom ajekax otsing ang achangle ngaiüile ongle!

MATHI 7:15

“Othai ajebu, opange hünzom hato chun khwone khwop laxle hüipuix, ibu hanpakma khünzai lax; chemthüikoxle hwom kün-mong a tuita shixkya shwon ningle tüile.

EZEKEL 13:3

Ija a Jowanpa Khüthak Zang-e akaxkya kax changpu: “Ongat ajepabu maxpu! Hwome alüile hwom mongkha tokya zang wünle ilaxle ma mikngünbu zingle alaile.

1 JUHAN 4:1

Kutüi kunaohom, chasa tüipule athüithüi nok to taxong, ikoxle hwom ma tüikya chasa Zang tokhange hüikya changcha hex le wanle anolax. Chemthüikoxle othai ajebu pangkha towüi paoüna.

JEREMIA 23:21

Jowanpae thüi: “Ibu ajebu a kue ahüikya chichang, ikoxlechu hwom lualua to hwom hüipu. Hwom ang kue kaxho chemchu chifa, ikoxlechu hwome ku mün ma zangwünpu.

2 WANGHOMBU 17:15

Hwome chix kaxtombu kax ma münlaxpule angam, hwome hwom pupa hwom füi tsaole thomdaokya Jowanpa Tsaotsüt chithom ilaxle hwome Jowanpa kaxkhün ahai. Hwome chemjao chichangkya chapabu to shwom ilaxle hwom chemjao ang chiachang, ilaxle hwom tomzi nokbu zom-zang to, ilaxle man taxto-ole thüikya Jowanpa kaxtom kax ma chilaxle tüi.

MIKA 2:11

“Kaxthai hia dyen-ngankyae awangle, ‘Nang hanpakma ju-sax jenle-jenle naxtüi’ le ajele aham ngokya ajepa ija khünakbue laxse tsule.

JEREMIA 23:26

Hwome alüile zingkya kaxthai zangwünbu füi aje 021 ibue ku khünaknu chemtukuxle lomnong chito azuiüihex?

EZEKEL 22:28

Homzai mixbue katuk to thun füi pale atsyet toxkya ningle ajebue ibu ochaxbu pyenle thom. Hwome mikngün-ohün othaibu ngün ilaxle othaibu aje. Hwome Jowanpa Khüthak Zang kax taipu le akaxle, ikoxle Jowanpa kue hwom füi zang ojao chiwün.

EZEKEL 13:23

Athaxpi hünzome othai mikngün ngünle ngokya hia othai ajele ngokya zangwünbu pangwüi kaitox daoa. Kue hünzom chak tokya ku khünakbu sünle koppu, ikoxtix hünzome ku a Jowanpa changle le awan ang kopüi.”

EZEKEL 13:16

chemchu kuimüi-zangmale chitüikya khato Jerusalem a kuimüi-zangmale ngo angkya le akaxkya ajebu a!” Jowanpa Khüthak Zang-e akaxdaoa.

JEREMIA 29:8

Hünzom ngole tüikya khato, füichi hanpakma hwome ngaile fa ang thoüile akaxkya ajebue hünzom dyenlale chichang angkya bama Jowanpa, Israel nok Khüthak Zang, kue hünzom ang kaxkhün koxpu. Hwom wünmangbu to nathale taxchang.

JEREMIA 9:20

Kue thüi: Hünzom shekobue Jowanpa kaxzing to apalax, ilaxle chix zangwünbu to nathalax. Hünzom sacha hwom hama sop angkya anole laxkox, ilaxle hünzom zuikhuibu hama mangsop tsai ngao angkya anole laxkox.

JEREMIA 2:5

Jowanpae akaxle: “Hünzom putong hwome ku zongto tsaitox-kaxfe angkya chempang apüipuix? Hwome chem khoma ku hato tok ahopuix? Hwome laxli chitüikya chapabu to shwom ilaxle hwom alüile chilaxle ang achangle pao.

WANWÜNKAX 19:27

Ku sa, nange awanle laxkya zakkya füi tomle, nange chem tsingle thomdaopuix ija ngaxchu asamüi.

ROM NOK HATO ZAKYA POL LAIZA 1:21

Hwome Zang awan, ikoxlechu chix achuak afua le chichang, ilaxle münchongchu tamchifa. Itülüi mongjang samsamsüi le pao ilaxle chem ngax chitüikya hwom khangka zangnake awang.

JEREMIA 9:12

Kue atüi: “Jowanpa, ija makhange khünak tuitale ang chikople chemkhomale ija haxtok awütpu ilaxle sak-hax bütale ozan ang achangpu? Ija bama tsingle tsuaktang jepa owa tüi? Hwome mix hama wüntsuak tangle nang ija bama owa hama zexdaoa?”

MANGSOP 2:9

Zünkaibu to pan-katuk tsunkyae sheple kop, ibu luapoxbu thuple akhix awüt. Wanghom hia pünlix-wangchong hwom a zanda ang koplaxle paole tüi. Wanlom anwot-anokya athax chitüi, ilaxle ajebu angJowanpa tokhange kaxho hüikya chitüi.

1 WANGHOMBU 22:11

Hwom kha angkya mixsün tuita, Kenanah sasün Zedekiah-e jan füi müizongbu zing üntoxle Ahap ang thüi: “Ija a Jowanpa kax changle: ‘Ibu füi nang a Siria nok füi azanüi ilaxle nange hwom to komkaile lütüi.’”

2 PUKAX-PANGAO 18:5

Ikhoma Ahap-e ajepabu sele apüi, hwom 500 tukux tüikya, ilaxle hwom ma atüi: “Kwom Ramoth tingtak ang chipao hia paoüi?” Hwome lan: “Paokox ilaxle ija to singkox, Jowanpae hünzom ang wüi lüt ang tomüi.”

JEREMIA 29:23

Ija a hwom shoma changüi chemthüikoxle hwom a za-adünkya ochaxbu lyenle thaidaoa: hwome chinunchakkai mwot mok tamchu Jowanpa mün lünlaxle kaxthai zangwünle changdaoa. Ija a Jowanpa mongtex füi opüi changle; hwome chem mokdaopuix ija chixe awan ngole, ilaxle hwom zongto mikngün kaxkhi a chixjao changle. Ija kax Jowanpae akaxdaoa.”