JEREMIA 22:9 - OTSAO BAIBEL (BSI)

⁹ Ija a, hünzome ku hünzom Zang füikya Tsaotsüt chilaxle awüt, ilaxle mama baozangbu to shwom-tole ibu thothale changkya khoma changpule hwome lanüi.”

JEREMIA 22:9 ပူးပေါင်းရင်းမြစ်များ

2 PUKAX-PANGAO 34:25

Hwome ku hato tok ahopu ilaxle mama baozangbu ang töbu koxle changpu. Hwome mokkya ibu mwot makhange hwome ku ang mongtsik adünle changdaoa. Ku mongtsik a Jerusalem zongto wünchua le jao changdao, ilaxle ija a chwonpai ma amüt ang münthopu.

2 WANGHOMBU 22:17

Hwome ku chilaxle awütdaoa ilaxle mama baozangbu ang töbu koxle changdaoa; hwome mokkya mwot ibu makhange ku ang mongtsik adünle changdaoa. Jerusalem zongto ku mongtsikkya tüidaoa ilaxle ija a tam dang angkya münchang.

JEREMIA 50:7

Hwom füi apongpong pangnusae hwom to sing. Hwome zanpabue thüi: ‘Hwome Jowanpa zongto ochax lyendaoa, idaile keme hwom to chemle hwonpuix ija ma thaikya müntüi. Hwom pupa hwome Jowanpa to mongong thom, iningle hwom chuwüi mongong füi ngokoxle müisepa.’

1 WANGHOMBU 9:8

Ija Zangshwom-Hom a homting zaza ma ang dantoxüi, ilaxle le-zyenüi khünak noknusa wüi khosam üntoxle abütle changüi. Hwome atüiüi, ‘Hulax! Ija haxtok hia ija Zangshwom-Hom to Jowanpae ile büthüikoxle hwonpuix?’

JEREMIA 9:13

Jowanpae lan: “Kue hwom ang koxkya hwon-nwot ku khünakbue chilaxle changkya khoma ibu ile changpu. Hwome ku kax ma chilax chichangba kue akaxkya ningle hwome chimok.

JEREMIA 11:3

Jowanpa, Israel nok Zang-e Tsaotsüt zangwün kax ma chilaxle tüikya pangwüi to thuakzomle chang angkya hwom khangkho thomdaokya kax apuale laxkox.

JEREMIA 16:11

Ipongma Jowanpa zangwün ija hwom hama apuakox: ‘Hünpu hünpa hwom ku hato tok aho laxle aküile pao ilaxle mama baozangbu to shwom-to tamchu ibu thothale chang. Hwome ku chilaxle awüt ilaxle ku hwon-nwotbu kax ma chilax.

EZEKEL 5:15

“Chemtue ku ang hünzom füi mongtsik mongma laxle hünzom to sikangünle changüihex, hünzom akhople tüikya ting-nokbu a abüt-abanle changüi. Hwome hünzom to ajaole huüi ilaxle hünzom wanjaile changüi.

EZEKEL 12:16

Kue hwomkha angkya züizüi a zan chak tokya, tuinuak chak tokya, tamchu kaklakbu chak tokya azangle chang ang tomüi, ikoxle tix hwom mwot chemtukuxkya zangkop mwotbu changdaopuixle ikha mixnok chaxwan to awanle lax ang tomüi ilaxle ku a Jowanpa changpule awanle laxüi.”

EZEKEL 14:23

ifüima kue chempang mokpuix ibu tokfüi ma fe ang müikya zangwün tüidaokoxngünale texlax.” Jowanpa Khüthak Zang kue ija akaxdaoa.

EZEKEL 39:23

Israel noke ku zongto ochax lyenle changkya khoma hwom a mixnok chaxwan to zanda ang paole thomkya changpule zangfangjae tsing ang kopüi. Kue hwom hato tok aho ilaxle zan nokbue hwom to lütle zanhok ma hwom lang ang tom.

TSAITONG-KAXTONG 29:24

Ifüima zangfang pangnue atüiüi, ‘Ija haxtok to Jowanpae büthüikoxle ile hwonpuix? Ipongpong thama adünle chix mong chemkhoma tsikpuix?’

JEREMIA 11:10

Hwom a, kue akaxkya kax ma münlaxpule angamle tüikya hwom pupa hwom ochaxbu hato chatle chatdaoa; hwome ibu baozangbu to shwomle changdaoa. Kue hwom pupa hwom füi zingkya Tsaotsüt, Judah hia Israel nok pangnyie wüi amadaoa.