JEREMIA 22:6 - OTSAO BAIBEL (BSI)

⁶ “Ku zongto, Judah nok wanghom homlo a Gilid haxtok hia Lebanon Haxnubu ningle osün müile tüile; ikoxlechu kue ikha a khünak owachu chingole awütkya onui tuita ang achangüi.

JEREMIA 22:6 ပူးပေါင်းရင်းမြစ်များ

ISAIA 6:11

Kue atüi: “Ija, iningle chemtukux changle ngoüi?” Chixe lan: “Tingnu maxlaxle tamting ang machang tanto: chaxwan longkho jaojao owachu chingokya nuiting ang achangle awütle matox tanto, ile ngoüi.

MÜNCHUAK-TSAI 107:34

Chixe haxzao füikya haxtok chilaxli hun haxtok ang achang; ija a ija haxtok ma ngokyabu chichangchizangle tüikya khoma changle.

MIKA 3:12

Üntoxle hünzom kho-khoma Zaion haxtok a ti hax mokya ningle moüi, Jerusalem a homtsyen-pungmang athünkyae awangle changüi, ilaxle Zangshwom-Hom a faokha ang achangüi.

ISAIA 27:10

Panzai laxle ziakople thomkya tingnu a amale tox. Ija a chemchu chingokya faokha ningle awütle tox. Ija a maihubu hanpakma fumtsütnui ang achang; ikhato hwome nazak lax ilaxle fumtsüt.

JEREMIA 26:18

“Chemtue Judah ma wanghom ang Hezekiah changkya hex, Moresheth ang ajepa Mika-e khünaknu pangnusa hama Jowanpae akaxkya kax apuale thüi: ‘Zaion ma haxkhutle tihax lailaile achangüi; Jerusalem a pünle amakyabu athünkya kha ang changüi, ilaxle Zangshwom-Hom a tuita faonukha ang changüi.’

JEREMIA 9:11

Jowanpae thüi: “Kue Jerusalem a pünle amadaokya tamting ang achangüi, hijanbu ngwotnui ang achangüi; Judah tingnubu a sak-hax ang achangüi, owachu chingokya onui tuita ang a.”

JEREMIA 7:34

Haxtok a sak-hax ang achangüi. Judah tingnubu hia Jerusalem tingjang lomnu to mongmüi-pwonlale tamchu mongmüi atungle tuiju-nasomle changkyabu ozing zak ang tomüi.

PONGWANG LAIPEX 37:25

Hwome fongsaxle ngoponge, Gilid tokhange Ijip nok to ka angkya Ishmael nokbu ngünle lax. Hwom utbu a hum-hing hia grep zanbue awangle hünzing laxle tüikya.

JEREMIA 22:24

Jowanpae wanghompa Jehoiakin, Judah nok wanghompa Jehoiakim sasün füi akax: “Ku chemle khochisamkya khüzün Zang hex, ilaxle nang a ku tsaxchi chak ma shintop khoptüt ang ngokya chang koxlechu, kue nang file awütüi

JEREMIA 21:14

Nange chem mokdaopuix ija khoma kue nang to sikangünüi. Kue nang wanghom homlo ma münlangüi, ilaxle ija hozui ma tüikya jali pangwüi ija wün füi zokle ashunüi. Ija kax, Jowanpa kue akaxdaoa.”

JEREMIA 21:11

Dawid su-sa hwom, Judah angkya wanghom homkha hato ija kaxho fa angkya Jowanpae ku füi akax: “Jowanpa, kue akax ngokya kax to apalax. Nyixfokya to sukya tsaifün-kaxwüi tüile-ole thüilax. Mixdyen mixbue dyenlale thomkya khünakbu khose koplax. Nange ile chimok thüikoxle, nange mokle ngokya ochaxe ku ang wünchua tuita ningle mongtsik alaiüi ilaxle ija owaechu amüt ang chithoüi.

JEREMIA 4:20

Thangshix tuita füima tuita azuile hüi; haxtok pangwüi pünle ama toxdaoa. Kem pombu allele pünle ama; ibu tuknyibu a akyetle akhix awüt.

TSAITAX-NGAONÜI 5:15

Chix weho a, hun tiktün ma atuak laxle tüikya long-suk pe kax ningle müi. Chix a Lebanon Haxnubu ma, katuk ningle sedar pünbue tuklax tüikya ningle, chongwang sündün ma dong.

TSAITONG-KAXTONG 3:25

Jowanpa, kue Jordan shuanu tale chang ang tomhüi ilaxle tachi ma tüikya haxzao füikya haxtok osün müikya haxhua hia Lebanon Haxnubu ngün ang tomhüi.’

HUAKE LAIPEX 32:1

Reuben hia Gad homjen ang tsom-pombu tüle tüikya. Chemtue hwome Jazar hia Gilid haxtok müitsom ang müikya haxtok changle le ngünle lax,

TSAITAX-NGAONÜI 4:1

Ku mowünnu sün jo chemkuxma müipuix! Khangkho nyi khung to mongkün füi nyanle, nang mik-hu ning chemkuxma müipuix. Nang shingsham le azüi, zwonzyem fütüi ningle, Gilid haxnu tokya zwonzyem juüi ningle.

JEREMIA 50:12

chongkya hünzom tingnu a adix-adale changüi ilaxle zakkop ang tomüi. Babilon a jat-libu khama ahixkya ang achangüi; ija a haxkozan tamchu ti chitüikya sak-hax ang changüi.

ZEKARIA 11:1

Hünzom kabu dapkox, Lebanon, hünzom sedar pünbu wün füi shunle naxchang ang!

ISAIA 37:24

Nang man-kanlinbu füi nange Lebanon Haxnu pangwüi lütle koptsuakdaoale tsaichong-kaxbong füi nange nang dapa ku hato ahüipu. Nange ikhato tokya ojang lokya sedarbu tamchu amüikya saipres pünbu dak tsuakdaoale tsaichong-kaxbongpu, ilaxle nange shonak-lingnu mong süzukya khato alopdaoale ngampu.

JEREMIA 4:7

Azwonle ngokya mailang laile hüikya ningle, jat-libu hato ngui angkya thama achexüna. Chix a Judah amüt ang nguile ngole. Judah angkya tingnubu pünle ama toxüi, ikhato owachu münngoüi.

JEREMIA 8:22

Gilid nok ma hinghai müntüi hexnyi? Ikhato doktorbu ojao müntüi hexnyi? Chemkhoma, ku khünaknu kak-lak puix tamchu, ku khünaknu ang kak müidaimami?