JEREMIA 22:5 - OTSAO BAIBEL (BSI)

⁵ Ikoxle nange ku kaxtombu kax ma chilaxle jangchang, kue nang füi tsaosaxle thüipu, ija wanghom homlo a pünle amaüi. Ija kax, Jowanpa kue akaxdaoa.

JEREMIA 22:5 ပူးပေါင်းရင်းမြစ်များ

AMOS 6:8

Jowanpa Khüthak Zang-e chix mün ma tsaotsütle thüi: “Kue Jakop mongngamkya thua anupu, hwom hom-haxbu zaxzangle changkya to a; kue tingnu hia ima atüitüi zannok chak to komkaile danüi.”

IBRI 6:13

Otue Abraham füi Zange chix kaxtsao koxpuix, chixe tsaodaokya pangwüi kox angkya hexo le tsaosax. Chix thak ma owachu chitüikya daile, ija tsaosüt ma chixe ma mün lün.

JEREMIA 17:27

Ikoxlechu hwome ku kax ma lax angkya wüi ilaxle Sabath a tuita otsao-nyix le atsaole nui angkya wüi. Ija nyix hwome Jerusalem zünkai makhange chemlichu hün laxle chileüi, chemthüikoxle hwome ile jangmok thüiningle Jerusalem zünkaibu ma kue wün langüi. Jerusalem angkya chongwang homlobu wün to zokle shun ang tomüi, ilaxle ija wün owaechu amüt ang münthoüi.”

PONGWANG LAIPEX 22:16

“Kue ku mün ma tsaosaxpu:Jowanpae akax ngopu: kue nang to okhonguile mohimanüi. Nange ile mokkya khoma tamchu hünsa tuita wüi tüikya ku ang kox angkya chiakhexkya khoma,

JEREMIA 39:8

Ile changpongma, Babilon noke wanghom homlo hia khünaknu hom-haxbu zokle ashun ilaxle Jerusalem katuk thuple atsun.

ISAIA 1:20

Ikoxlechu hünzome ku mün amale jangchang, hünzom a zikmüt-mangkho thama ma tüile. Ija a, Jowanpa, kue akaxdaoa.”

IBRI 6:17

Opange chix kaxtsao kop angkya changlaxpuix, ibu ang Zange chix mongtex otuechu lüichüi angkya münchangle tsing ang koxse tsule; ikhoma chixe kaxtsao to tsaosaxkyae bopu.

IBRI 3:18

Otue: “Kue hwom nazak ang koxse chaxwan to otuechu nop ang müntom”, le Zange kaxshing kople tsaosax: Ija a owa hanpak ang akax ngokya hex? Chix füi alün-aloxkyabu hanpakma akaxkya changpu.

MIKA 3:12

Üntoxle hünzom kho-khoma Zaion haxtok a ti hax mokya ningle moüi, Jerusalem a homtsyen-pungmang athünkyae awangle changüi, ilaxle Zangshwom-Hom a faokha ang achangüi.

MÜNCHUAK-TSAI 95:11

Ku ang mongtsik ilaxle otsingtomtata ma tsaotsüt: ‘Ojong khato kue hünzom ang nazak koxse hex ija haxtok to hünzom a chemtuechu ngui ang müntom.’”

2 PUKAX-PANGAO 7:22

Khünaknue lanüi, ‘Hwome Jowanpa, hwom Zang awütle changkya khoma ija ile changputa. Ijip nok tokya hwom pupa hwom chixe sünle apüikya changhupu; ikoxle athax a, ibue mixnok baozangbu füi muamüi ilaxle ibu to shwomle. Ikhoma Jowanpae hwom hato iningkya thama hüi ang tomle.’”

2 PUKAX-PANGAO 7:19

Ikoxlechu nang üntoxle nang khünaknu, kue koxkya wanlom hia kaxtombu kax ma chilaxle tamchu mixnok baozangbu to shwomle jangchang,

MATHI 23:38

Ikhoma hünzom zangshwom-hom owüiole danüi tamchu ahuaüi.

JEREMIA 26:4

Jowanpae khünaknu hama akax angkya kax ku hama ile wün: “Jowanpa, ku kax ma laxle tüi angkya wüi ilaxle kue fakya hwon-nwot lom ma hünzom le angkya wüi changpule hünzom füi akaxdaoa,

JEREMIA 44:26

Ikoxle athax a, Ijip nok to ngole tüikya Israel nok pangnusa füi Jowanpa, kue Khüthak Zang mün ma tsaotsütkya to apale koplax: Athax makhange otuechu, ‘Jowanpa Khüthak Zang mün ma ku tsaopu’ le tsaotsüt angkya hanpakma ku mün owa angchu lün ang müntom.

2 PUKAX-PANGAO 7:21

“Athax Zangshwom-Hom a huanuma achuak-achenle ngopu, ikoxlechu epongma ija zui makhange leüi khünak noknusae khosamle abütkyae ile atüiüi, ‘Jowanpae ija haxtok hia ija Zangshwom-Hom to iningle chemkhoma mokpuix?’

JEREMIA 12:7

Jowanpae thüi: “Kue Israel nok dantoxdaoa; Kue zünle kopkya jat-li kue dantoxdaoa. Kue mongkünkya khünakbu ang hwom zanpabu ang achang angkya tsak-zong koxdaoa.