JEREMIA 22:3 - OTSAO BAIBEL (BSI)

³ “Jowanpa, kue nang ang chem supuix tamchu otsing changpuix ija mok angkya nang ang kaxtom koxpu. Mixdyen mixlale ngokyabu chak tokya dyen-lale asam thomkyabu kho-awa kox. Ma zuikhui nokbu, khaxsabu, thanubu, ibu to chichangchizangle taxhwon; ilaxle ija otsao nui ma chemngax chichangkya mix mik max ang taxtom.

JEREMIA 22:3 ပူးပေါင်းရင်းမြစ်များ

MIKA 6:8

Ile münchang, Jowanpae chem müipuix ija kem hama apuadaoa. Chixe kem angkya laxse tsukya a ija changle: chem supuix ija mok angkya, chithwon mongkün angkya, ilaxle kem Zang füi puinaikya notom-tusüi ma ngo angkya.

JEREMIA 22:17

Ikoxle nange nang hanpak zaza ajangkya ngünle; nange chemngax chichangkya khünakbu lang ilaxle zongzong ma laxle nang khünaknu thakma adale chang. Jowanpae akaxdaoa.

JAKOP 1:27

Zang kem Hopae, changkya üntoxle otsao zanglom ang ekya a ija changle: Hwom sikngün pongma zomnu khaxsabu to humekya üntoxle chaxwannu onu-oma chemechu nun-maokya chitüi le malailai to ibu füi atsaile ngo tsuakkya, ibibi changle.

EZEKEL 22:7

Tingnu ma hünzom opupuechu manu-mapa hwom chathua zakya mix müntüi. Hünzome mixnokbu dyenle ilaxle zomnu hia khaxsa-zasabu to jemle.

MALAKI 3:5

Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.

JOEL 3:19

“Ijip nok a sak haxtok ang achangüi, ilaxle Edom nok a laxli chitüile oma ang changüi, chemthüikoxle hwome Judah nok tingtak ilaxle ikha angkya chemmün-chitsingkya khünakbu langle awüt.

JEREMIA 9:24

Owawae tsaichong-kaxbongle tüise jangtsu, ibu hwome ku tsing-wankya bama tsaichong-kaxbongle chang ang tsuak, chemthüikoxle ku mongkün ma ojem münfün, ilaxle kue chem supuix tamchu chem changpuix ijatix mokpu. Ku mong amüi angkya mwotli a ibutix changpu. Ija a, Jowanpa, kue akaxdaoa.”

JEREMIA 5:28

hwom a nutüna ilaxle zaoüna. Hwome mokkya ochax mwot ma chem othüt müntüi. Hwome zasa-khaxsabu ang süntswon münfa chichangba afangle thomkyabu hanpakma sukya tsaifün-kaxwün münfa.

ISAIA 1:23

Nang lompabu a alünle ajongkyabu tamchu ahuxmixbu zuikhui ang changdaoa, hwome othuithuima hingho-chaktwon hia zuizunbu pongle kople. Hwome otuechu khwa ma zasa-khaxsabu kho münse chichangba zomnubue apüikya zangwün to nathale münchang.

WANWÜNKAX 23:10

Bangkya longzi-manghua otuechu taxachex chichangba zasa-khaxsa changdaobale hwom haxtok pale taxlax.

MÜNCHUAK-TSAI 68:5

Zang, owa chix Zangshwom-Hom ma ngopuix, chixe zomnu hia khaxsa hwom to humele.

2 WANGHOMBU 24:4

tamnüile chu chemngax chichangkya khünakbu chixe langle changkya khoma ile chang ang tom. Jowanpae ija hanpakma Manasseh thaikya alak ang chitho.

TSAITONG-KAXTONG 24:7

“Israel khünak tomtom owawae owawa kople paolaxle ma da ang thom chichangba ija khünak da ang achangle hangle jangchang, ija khünak a mik max ang tom angkya changle. Ile changkox tix hünzom ija ochax füi atsaile ngo ang tsuaküi.

JEREMIA 26:16

Ipongma khünaknu lompabu hia khünaknue nguapabu hia ajebu ang thüi: “Ija khünake kem füi Jowanpa kem Zang mün ma akaxle; chix a mik max ang chitom koxwüi müiüi.”

MÜNCHUAK-TSAI 94:21

ilaxle thaikya chitüikya khünak mik max angkya kaxfün fale changpuix, iningkya chichangchizang kaxfün mixbu füi nang ang chem mwot chitüi.

MÜNCHUAK-TSAI 94:6

Hwome zomnu hia khaxsa hwom langle, üntoxle kem haxtok ma ngole tüikya mixnok wünpabu langle.

JOB LAIPEX 24:9

Ochax khünakbue khaxsa-zasa naosombu hwom da ang laxle pao; chitüi-chinang su-sabu, ma thashe tsangthom ang laxle pao.

JOB LAIPEX 22:9

Nange zomnu hwom to chifongkya tata chichangle, zasabu kux tsuile laxüntoxle hwom to adix-adapu.

2 SAMUEL 23:3

Israel nok Zang-e akaxdaoa; Israel nok khowapae ku ang thüi: “Wanghompa owae chix sukya füi apünpuix, owae Zang kax ma laxle apünpuix,

TSAITONG-KAXTONG 27:19

“‘Mixnok wünpa hia zomnu-khaxsabu to jemlaxle, hwom süntswon pale paokyabu to Zang-e thuakzomkya naxtüi.’ “Ilaxle noknusae lanüi, ‘Amen!’

TSAITONG-KAXTONG 25:1

“Thütba Israel khünak mixsün anyi tütali ma alakya bama zangwün khwa to pao, ilaxle tuita a sule ata mix a thaile le kaxfün tsuak.

TSAITONG-KAXTONG 10:18

Chixe zomnu hia khaxsa hwom wünhai chitüile tomwüi hule; kem füi tomle ngole hüikya mixnokbu to chixe mongkünle ilaxle hwom ang sütling hia nyiwun ibu koxle.

LIWI 19:15

“Wanlom ma kaxfün fa angkya zangwün azut pongma olom ma tamchu sule mokkox; mixshix-zasabu to asongle hu ikoxle saxpu-luawang to angakle hule mapai-mixzünkya chitüile tomzi bama sukya kaxfün laxkox.

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

LAIPAO 22:22

Zomnu hia khaxsa hwom to omale taxhwon.

MATHI 23:23

“Wanlom nwotmix hia farisi, künkux-mongkwombu! Hünzom maxsax! Otutu ma alaikya suilaibu angkya hünzome bün ma thomta fapu; ikoxle wanlom khama akhokyabu, chingcha, mongong, kaxfün sule fakya, iningkyabu a awütpu. Ofüi angkyabuchu hwome mokdaose ilaxle otho angkyabuchu dantoxse chichang.

LAIPAO 22:21

“Mixnok wünpa to aza-anale hia dyen-nganle taxchang; texle ataklax, hünzom chuwüi Ijip nok to püntüi ang ngole toxdaokya changle.

ISAIA 58:6

“Kue lomkya chisax-chilingle atsaokya olom a ija changle: mix to zothupkya khak-kha dahai ilaxle chisukya kaxfün dang apaodao, ilaxle zothup ma ngokyabu mongtex ma aham ang dankox.

ISAIA 58:7

Nang süt a chitüi-chinang füi ahanle saxkox ilaxle homhax chitüikyabu ang nang hom daple laxkox. Nyiwun chitüikyabu ang nyiwun laxkox, ilaxle ma haxnu-homsa hwom to münfongpu le tax-angam.

JEREMIA 7:23

Ikoxle kue hwom ang ku kax ma laxle tüi angkya kaxtom koxpu, ile ku hwom Zang ang ngo angkya hanpakma tamchu hwom a ku khünaknu ang ngo angkya hanpakma. Ilaxle kue hwom ang koxkya kax ningle hwom ngo angkya kue hwom füi akaxpu, ile chang koxle jalinusa hwom hanpakma ma omüimüi angwüi naxchang kox ang.

JEREMIA 19:4

Khünaknue ku chilaxle awütdaoa ilaxle ija onui ma mama baozangbu: baozangbu oja hwomechu chitik, hwom pupabue chitik ilaxle Judah nok wanghombue chuwüi chitik, ibu ang hwome töbu apüile koxkya tokhange ija onui akhudaoa, ikhoma kue iningle mok angkya jao changle. Hwome ijongkha a chemngax chichangkya khünakbu ajie awangdaoa,

MANGSOP 3:36

khwalo ma sukya kaxfün ajoajüile changpongma chixe awanle.

EZEKEL 18:12

chixe mix dyenlale chang, mixkux pa-lole lax, omua ma laxkyabue olüi koxle toxkya chixe lax, chix a songsari baozang shwomnui to pao, nushix dongkya chapabu to shwom,

EZEKEL 45:9

Jowanpa Khüthak Zang-e thüi: “Hünzom Israel nok apün-awangkyabu, hünzome okuilole ochax lyenle ngodaoa! Hünzom changnong-pünthomle ngokya hia mix to afangle thomkya zakün. Chem changpuix tamchu supuix ija moklax. Hünzome ku khünaknu ija haxtok angkya tamchatle jwonle chiapao angkya oli. Ku, Jowanpa Khüthak Zang-e hünzom füi ija kax akax ngopu.

AMOS 5:24

Itülüi, sukya kaxfün a shuasa ningle jenle ju ang tomkox, ilaxle otsao a tamchu chizopkya shuanu ningle jen ang tomkox.

TSAITONG-KAXTONG 24:17

“Püntüibu hia khaxsabu ang hwom süntswon chifale müntüiüi, ilaxle ma thashe hanpak thathap ang zomnu tuita angkya nyiwun laxle chichangüi.

MÜNCHUAK-TSAI 82:4

Ochax khünakbu chak tokya hwom azünle kop angkya oli changle.

EZEKEL 18:7

Chixe owachu mündyen chichangba owa angkyachu pa-lole münlax. Chix angkya omua ma laxkyabue olüi koxle changkyabu chixe achatle koxle; woknuak ma ngokyabu ang chixe süt kox ilaxle tomhua ma ngokyabu ang chixe nyi-za awunle kox.

AMOS 5:15

Chem ochax hex ija thua anulax, chem supuix ija to mongkünlax, ilaxle khwa ma sukya kaxfün koxle chang angkya to hulax. Ile jangthüiningle owatsing, athax atale toxkya khünakbu to Jowanpae chingchakya tüiüi.