JEREMIA 22:26 - OTSAO BAIBEL (BSI)

²⁶ Kue hünnu hünkhi to zanda ang pao angkya atsangüi. Hünkhi opupuchu ikha to chipuxkya haxtok to hünkhi a zanda ang kople pao ang tomüi, ilaxle hünkhi pangnyi wüi eto ziüi.

JEREMIA 22:26 ပူးပေါင်းရင်းမြစ်များ

2 WANGHOMBU 24:15

Nebukadnezar-e Jehoiakim a Babilon nok to koplaxle pao; chix füi tomle honu, chix kakonu, chix nguakax-wangkho hwom ilaxle Judah nok lompabu pangwüi pao.

ISAIA 22:17

Nang alixachong chu changle ngolax, ikoxlechu Jowanpae nang a puixle koplaxle tswonle awütüi.

2 WANGHOMBU 24:8

Judah nok wanghom ang achang pongma Jehoiakim a zanglao 18 changkya, ilaxle chixe Jerusalem ma lyetjang azom apün. Chix honu a Nehushtan, Jerusalem angkya Eluathan sacha changkya.

JEREMIA 10:18

Ija haxtok angkya hünzom a Jowanpae tswonle awüt angkya changle; hünzom tuita ota chitoxle machang machangle chixe hünzom olithu angkya changle. Jowanpa ija akaxdaoa.

JEREMIA 13:18

Jowanpae ku füi akax: “Hwom ngwotnui angkya thai angkya wanghompa hia hotatüi wangchanu hama akaxkox, chemthüikoxle osün müikya khohom hia khüsünbu a hwom khangkho angkya dütdaoa.

JEREMIA 16:13

Ikhokhoma, kue hünzom a, hünzomechu chichangba hünpu hünpa hwomechu tümatsingkya haxtok to tswonle awütüi. Ilaxle ikhato zangnak zangngaile hünzome mama baozangbu thotha-manzaile ngoüi, ilaxle kue hünzom hato chingcha ahoüi münchang.’”

JEREMIA 22:27

Hünzome ija haxtok tamchatle ngünsele sungüi, ikoxle hünzom ang otuechu chichatüi.”

JEREMIA 28:4

Kue, Jehoiakin sasün Jehoiakin, Judah nok wanghompa chuwüi, Babilon nok to zanda ang kople paothomkya chix khünaknu pangwüi koplaxle ikhato chat ang tomüi. Changle, kue Babilon nok wanghompa tsak-zong pünle ama angkya changpu. Ku, Jowanpae ija kax akaxdaoa.”

JEREMIA 29:2

Kue ija laiza, wanghompa Jehoiakin, chix honu, chongwanghom khwa angkya okax-okhobu, Judah hia Jerusalem angkya lompabu, long zingpabu hia mama zingpabu opang zanda ang kople paopuix, hwom tokfüi ma zakya changle.

JEREMIA 44:14

Ota toxkya Judah khünak opang Ijip nok ngo ang kapuix, hwom tuita chu paole azang ang chichangba ozün ma ngo ang müntom. Hwom ikhama ngosele tüle sungle changkoxchu hwom opupuchu Judah to chatle münchat. Pünpao tuita hia anyi boma owachu chatle münngui”

2 WANGHOMBU 25:27

Babilon ma Ewilmerodak wanghom ang achangkya zanglao ma, chixe Judah nok wanghom Jehoiakin kunkha tokya danle, chix hato chingcha aho. Jehoiakin zanda ang kople kun ma shokya füima zanglao 37 ma lyetjang 12 ma nyixtsa anüt lükya to ija ile chang.

2 WANGHOMBU 25:29

Ikhoma Jehoiakin ang kun to ngopongkya nyiwun lüile kox ilaxle chix mazi tanto wanghom tsap ma fongsaxle chang ang tom.

2 WANGHOMBU 25:30

Chix mazi-mazile, chix hanpak laxli-twonli lax-twon angkya hanpak ang, nyixfokya to ngunsa-syensa muapong-muapong koxle hume ngo.