JEREMIA 22:21 - OTSAO BAIBEL (BSI)

²¹ Nang ahak-aluale tüipongma Jowanpae nang füi zangwünpu, ikoxle nange mün-apapule angam. Nange nang tsün-tsün ma ilele wüi mokle hüipu; nange Jowanpa kax ma otuechu chilaxpu.

JEREMIA 22:21 ပူးပေါင်းရင်းမြစ်များ

JEREMIA 32:30

Israel hia Judah nok pukax pongwang tokhange wüi, hwom mwot makhange ku ang mong amale hüipu.

JEREMIA 3:25

Kem a zakkop ma jiplaxle thünzake kem to thünzak füi chwop ang tomkya li. Keme ilaxle kem pupa hwome Jowanpa kem Zang zongto jento achaxle hüidaoa; keme otuechu chix kaxtombu kax ma chilax.”

ISAIA 48:8

Kue awan ngopu hünzom to mongong angkya jao müntüi, hünzom a apüipüile tüikyabu le awan ngopu. Ikhoma hünzome ija chemtuechu atat ang chikoppu, chemthüikoxle hünzom na ma ija kax tuita chu chiwang.

WANWÜNKAX 30:9

Ku ma alüile jangtüi thüiningchu, owatsing, kue nang chem ma lax angle thüiüi. Ikoxle ku mütmix ang jangchangchu, kue ahuxüi ilaxle nang mün amaüi.

EZEKEL 20:8

Ikoxle ngaithole hwome ku kax aba ilaxle ku kax ma münlaxpule angam. Hwome nushix dongkya hwom chapabu chiawüt chichangba Ijip nok baozangbu hwome danle chitox. Ijip nok towüi ku a hwom ang ku mongtsik janzüi komkaile apong ang tomüile achwon ngokya.

JEREMIA 35:15

Kue chizakle hünzom hato ku da ajebu ahüile ngopu, ilaxle hwome hünzom ang chichangchizangle ngokya ochax lom dantoxlaxle sukya mwot mokle hüi angkya akaxpu. Kue hünpu hünpa hwom ang tamchu hünzom ang koxle thomkya haxtok ma hünzom ngole hüi angkya kux male, hünzome baozangbu to shwom-töle hia ibu thothale chichang angkya hünzom ang kaxkhün koxle hüipu. Ikoxle hünzome ku kax chiapa chichangba ku kax to mongjao chikox.

JEREMIA 6:16

Jowanpae chix khünaknu füi akax: “Lompong ma ajonglax ilaxle hulax. Kaikya lomzang hia sümüikya lomtang bama atüilax. Ija ma ahamlax, ikoxle hünzom mongsom ma ngo ang kopüi.” Ikoxle hwome thüi: “Münchang, kwome ile münmoküi!”

EZEKEL 20:28

Kue hwom ang koxüihex-ole tsaole thomkya haxtok to kue hwom apüi. Chemtue hwome haxkho tsuakyabu hia hingkwonkya pünbu ngünle laxpuix, ibu pangnu chitong ma hwome töbu kox. Hwome zokle tö koxkya hia tö ang ju thokle koxkya, ibu makhange hwome ku ang mong atsikle.

EZEKEL 20:21

“Ikoxle ibu tsünthombue chuwüi ngaithole ku kax aba. Hwome ku wanlombu pünle ama ilaxle ku kaxtombu kax ma chilax; ijabue kax ma laxle tüikyabu pangwüi ang khüzün fase pa. Hwome Sabath tsaolyen. Ekha sak-hax towüi hwom ang ku mongtsik janzüi zongbakle apong ang tom ilaxle hwom pangwüi langle awüt ang ku achwonle tüikya.

EZEKEL 20:13

Ikoxle sak-hax to ngaxchu hwome ngaithole ku kax ma chilaxle angam. Hwome ku wanlombu pünle awüt ilaxle ku kaxtombu kax ma chilaxle tüi; ibu tole jangchang thüikoxle hwom pangwüi ang khüzün tüisepa. Sak-hax ikhato wüi kue hwom ang ku mongtsik janzüi komkaile apong ang tom angkya tamchu olithule hwom amüt angkya ku achwonle tüikya.

JEREMIA 2:31

Israel khünaknu, kue akaxle ngokya to apa koplax. Ku a hünzom zongto sak-hax tuita ningle, zangnaktukle tamchu khompua-zadünle tüidao pia? Ile chichangba, chemkhoma hünzom a hünzom küntsu monglua ma mok-mole ngoüihex, ku hato münchatpule angam?

2 PUKAX-PANGAO 33:10

Jowanpa hwom ang kaxkhün koxle chang koxlechu, Manasseh hia chix khünakbue ija to münapapule angam.

TSAITONG-KAXTONG 31:27

Hwom chemtukuxle mongtsakle tamchu alün-aloxle tüipuix ija kue tiklax ngole. Ku ozün ma tüipongma wüi ibue Jowanpa zan to kale changpu ilaxle ku tokfüi ma tomning ibu onüi chichang-chizangle tüi angkya changle.

TSAITONG-KAXTONG 9:24

Kue hünzom awan ang kopkya owangpong tokhange wüi hünzome Jowanpa zongto alünle hüi.

TSAITONG-KAXTONG 9:7

“Hünzome Jowanpa hünzom Zang, sak-hax to tüipongma chemle mongtsik ang tomdaopuix, ija taxalak. Hünzome Ijip danle toxkya nyix makhange ikha alople nguikya nyix kople, hünzom a chix füi alünle hüipu.

MÜNCHUAK-TSAI 129:1

Israel, nang naosom ma tüitan tokhange wüi chemle hünzom zanpabue sikngün fale hüipuix, ija kwom hama wünhüi.

JEREMIA 3:24

Ikoxle kaitan tokhange kwom pupa hwome mokle hüikya pangnuli: zakkop baozang Bal to shwomkyae kwom a samle ngokya chun othom, sasün hia sachabu ang achangle.

JEREMIA 13:10

Ochax khünak ibue ku kax ma münlaxpule angamle. Hwom a amikya to kaile mongkhüile, ilaxle mama baozangbu to shwom ilaxle ibu thothale changle. Ikhoma ibu a, laxli chitüile nyilo ibu kyetle makya ningle maüi.

JEREMIA 19:15

ilaxle Khüthak Jowanpa, Israel nok Zang-e akaxkya kax ngaile thüi: “Ija tingnu hia tomzi tinglongbu pangwüi hato, kue ahüiüile tsaokya sikngün pangwüi kue apüiüi, chemthüikoxle hünzom mong khüidaoa ilaxle hünzome ku zangwün to nathaüi münchang.”

JEREMIA 48:11

Jowanpae akax: “Moab a jento chem chaza angkya chitüile ngole hüidaoa ilaxle otuechu zanda ang kople münpaotox. Moab a othong naxsüi ang ajingle dan thomkya, pe ma lexlextaile chichangkya grepti-ju ningle changpu. Ija angkya oti chemtuechu chima, ilaxle othuithuima ija a tijongle ngo.

ZEKARIA 7:7

Ija a pongwang angkya nguapabu makhange Jowanpae akaxkya kax. Hepongma Jerusalem ahak-aluale tamchu khünaknue awang laxle tüikya. Tingnu akhople tüikya ting-nok to tata le chichangle shuathongchi angkya haxnu chabu to lünle khünaknu huanuma tüikya.

JEREMIA 2:25

Israel, nang cha hua ma taxngo, chichangba mix baozangbu achuale nang dingdua zan ang taxtom. Ikoxle nange thüitüi, ‘Ile münchang! Ku aküile chat ang müntho. Kue mixnokbu baozang füi mongakün daoa ilaxle kue hwom tangchua angkya wüi changle.’”

JEREMIA 25:3

“Zanglao tsaba azom hanpakma, Amon sasün Josiah Judah ma wanghom ang achangkya zanglao bünba azom tokhange anyix kople, Jowanpae ku füi zangwünpu, ilaxle kue chix zangwün hünzom hama tai angkya tamchu chithai. Ikoxle hünzom na ojao chithapu.

JEREMIA 25:4

Jowanpae chizakle chix da ajebu ahüile ngokox ngaxchu hünzome chiapa jao chichangba mong chikox jaopu.

JEREMIA 25:7

Ikoxle Jowanpa chix jaoe hünzome chix kax ma münlaxpule angamkya kax akaxpu. Itülüi hünzome chapabu zingle shwomkya makhange chix ang mong atsikpu ilaxle hünzome alüile chix sikngün hünzom hato apüile laxlaxpu.

JEREMIA 25:8

“Ija khoma, hünzome ku kax to chiapale chang koxle, Jowanpa Khüthak Zang-e thüile,

ZEFANIA 3:2

Ijae Jowanpa kax to najao chitha ilaxle chix wanlombu pongle chikop. Ijae Jowanpa to mongong chalomkya chitüi chichangba chix ang asunhüile chithüi.