JEREMIA 22:20 - OTSAO BAIBEL (BSI)

²⁰ Jerusalem angkya khünaknu, Lebanon to paokox ilaxle akhong kox, Bashan haxtok to paokox ilaxle sopkox; Moab haxnubu makhange nyakkox, chemthüikoxle nang üitho hwom pangwüi to anaodaoa.

JEREMIA 22:20 ပူးပေါင်းရင်းမြစ်များ

HUAKE LAIPEX 27:12

Jowanpae Mosa ang thüi: “Abarim Haxnukho to donglax, ilaxle kue Israel nok ang kox angkya haxtok to atale hulax.

EZEKEL 23:22

“Ifüima athax, Oholibah, ku Jowanpa Khüthak Zang-e nang füi akax ngopu. Nang a ibu nang mongkün hwom füi ngwomdaoa, ikoxle kue hwom ang nang füi mongtsikle chang ang tomüi ilaxle hwom a nang akankhop le ngui ang tomüi.

MANGSOP 1:2

She a jamütungle sople apüi; she bwomzong to mikfi jenle ju. She üinu ozang hwom khama, she mong asom ang tuita ngaxchu chitüi. She füi nokmüile changkyabue she ale ilaxle athax a hwom pangwüi she zongto zan ang chang.

EZEKEL 23:9

Ikhoma kue she a she-e akhole mongkünkya Asiria nok chak to koxle apao.

MANGSOP 1:19

“Ku füi nokmüima ngokyabu kue se, ikoxlechu hwome ku to fongse chitsu. Nguapabu hia lompabu tingjang lomnubu ma zi, Hwom azangle ngo angkya hanpakma sütlomngale a.

JEREMIA 25:9

‘Kue noknusa hanpakma shuakux chitokya khünakbu ahüiüi ilaxle ku da hanpak ang Babilon nok wanghompa Nebukadnezar ahüiüi. Kue hwom a Judah hia ima tüile ngokya khünaknu tamchu tomzi nok pangnusa füi azan ang apüiüi. Kue ija jat-li hia tomzi nokbu pangwüi amütüi ilaxle othuithui hanpak ang olithule amatoxüi, ija a mikngün ma tuita khomtsikya hia abüt angkya oli changüi. Ija kax, Jowanpa kue akaxdaoa.

JEREMIA 22:22

Hünzom lompabu a zangwine pikle paodaoüi, nang üithobu a zandabu ang kople paodaoüi, hünzom tingnu a chingcha chitüile zakkop ang tomüi hünzome mokle hüikya ochaxbu khokho ma a.

JEREMIA 4:30

Jerusalem, nang a maxdaoa! Nange haxkhi-zangsumle omalax ang aza-apua ngo? Nange omalax ang likwünbu lax tamchu mikbu to zong füi lyetle changpu? Nange oba to nang sün jo amüile zing-ngole! Nang mongküne nang awütdao a ilaxle nang mik amüt-se tsule.

JEREMIA 2:36

Mixnok baozangbu hato paokya makhange nang a thanai ang achangle awütdaoa. Asiria noke lailaile nang a Ijip noke chuwüi mong atho ang tomüi.

2 WANGHOMBU 24:7

Eufrat shuanu makhange shuakuxchi Ijip nok longzipong alople, ami Ijip nok wanghom chak to tüikya haxtok pangwüi Babilon nok wanghompa chak to dongle tüikya khoma, Ijip nok wanghompa hia chix süpahibu otuechu Ijip nok angkya zan ka ang laile chipao.

TSAITONG-KAXTONG 32:49

“Jeriko tingnu füi atale tüikya Moab haxtok ma tüikya Abarim Haxnu to paolax; Nebo Haxnukho to ngolax ilaxle kue Israel khünaknu ang kox angkya Kanan Haxtok to atale hulax.

ISAIA 57:13

Chemtue hünzom asun angkya lomle akhongüihex, chapa ibue hünzom khosünkya naxtüikox. Zangchei cheithoe hwom pikle paoüi! Ikoxle ku to mongong thomkya khünakbu ija haxtok ma wüi ngoüi ilaxle ku Zangshwom-Hom ma ku to shwomüi.”

JEREMIA 2:25

Israel, nang cha hua ma taxngo, chichangba mix baozangbu achuale nang dingdua zan ang taxtom. Ikoxle nange thüitüi, ‘Ile münchang! Ku aküile chat ang müntho. Kue mixnokbu baozang füi mongakün daoa ilaxle kue hwom tangchua angkya wüi changle.’”

JEREMIA 3:1

Jowanpae thüi: “Khünak tuitae chix kakonu füi fan-janle jangchang, tamchu she paolaxle mama mix kakonu ang jangachang, chixe she tam achatle lax ang müntho. Ijae haxtok jaojao komkaile chitsaokya ang achangüi. Ikoxle, Israel, hünzom ang mongkünbu huanuma tüile hüidaoa, ilaxle athax nang a ku hato chat-sele tsupu!

EZEKEL 27:6

Khuacheilakbu zing ang hwome Bashan tokya zak pünbu lax; Saipras tokya pain pün füi hwome nang wakhuabu zing Ilaxle ibu ma luakzong apütle kox.

JEREMIA 2:37

Nang zakkop ashukle Ijip nok tokya tok ahole paoüi. Jowanpa kue, nange mongongle tüikya ibu chilaxle awütdaoa; hwom makhange nange olüi chemchu münkoppu.”