JEREMIA 22:18 - OTSAO BAIBEL (BSI)

¹⁸ Ifüima, Jowanpae Josiah sasün Jehoiakim, Judah nok wanghom bama akaxle thüi: “Chix zikya bama owachu münsop chichangba, ‘Khompua zadün, zuikhui, khompua zadün!’ le thüiüi. Chix hanpakma owachu mong münma chichangba, ‘Ku Jowanpa! Ku chongwangpa!’

JEREMIA 22:18 ပူးပေါင်းရင်းမြစ်များ

JEREMIA 16:6

Hakpa-luapa hia tüimix-nuak mix pangwüi ija haxtok ma ziüi, ikoxle owachu hwom man münsop ilaxle owae hwom münakhün. Hünzom kha angkya owaechu ma thün münakhiküi chichangba mongma ahole kho-ongle münchangüi.

1 WANGHOMBU 13:30

Chixe ija hwom homkha zukting ma akhün, ilaxle chix füi tomle sasün hwomechu mangtsale thüi: “O tüita-naopa, ku tüita-naopa!”

JEREMIA 22:10

Judah angkya khünaknu, wanghompa Josiah mang taxsopngo; chix zikya mang taxsopngo. Ikoxle chix sasün Joahaz hanpakma zongbakle soplax; hwome chix a tamchiachat angkya hanpakma paole ngole, chixe puxkya haxtok tamchatle chingün angkya hanpakma.

JEREMIA 16:4

Hwome khompua-zadünkya kaknu-laknu ma zile paoüi, ilaxle owaechu hwom mang münsop chichangba münakhün. Hwom mangbu a haxkha to haxzao thokle athünkya ningle thomüi. Hwom a zan ma maxüi chichangba woknuak ma maxüi, ilaxle hwom mangbu a osabu hia faomüibu süt ang changüi.

JEREMIA 34:5

Nang a mongsom ma ziüi, ilaxle nang thoma wanghom ang ngole hüikya hünpu hünpa hwom mangbu akhünle changpongma khünaknue ongan müikya sobu zokle changkya ningle nang hanpakma chuwüi hwome ongan müikya sobu zokle changüi. Hwome nang mang sople changüi ilaxle thüiüi, ‘Kem wanghompa a zidaoa!’ Ku, Jowanpae ija kax akaxdaoa.”

2 PUKAX-PANGAO 35:25

Ajepa Jeremia-e wanghompa Josiah hanpakma mangsop tsai zing. Chix mang sople changpupu ma, Israel nok tsaipabue ngao ang wanlom tuita ang laxle jao twon Ija tsai a mangsop tsaibu athütle zakya khama bangle.

2 SAMUEL 1:26

“Ku nang mang soppu, ku tüita-naopa Jonathan; nang ku zongto chemtukux müikya dai! Ku tokya nang mongkün ohünotün, sheko tuita mongkün füi ngaxchu sümüile.

2 WANGHOMBU 23:6

Chixe Zangshwom-Hom angkya baozangchanu Asherah chapa apao, ija tingnu tokna angkya Kidron Haxbang to paolaxle zokle ashun, ija ojuak thule haxbu ang achang ilaxle ija a noknu zukting to chiak.

2 WANGHOMBU 23:36

Judah nok wanghom ang achang pongma Jehoiakim a zanglao 25 changkya, ilaxle chixe Jerusalem ma zanglao 11 apün. Chix honu a Zebidah, Rumah tinglong angkya Pedaiah sacha changkya.

2 WANGHOMBU 24:6

Jehoiakim a zile pao, ilaxle chix man ma chix sasün Jehoiakim wanghom ang achang.

2 PUKAX-PANGAO 36:5

Chix wanghom ang achang pongma Jehoiakim a zanglao 25 changkya, ilaxle chixe Jerusalem ma zanglao 11 apün. Jowanpa chix Zang zongto chixe ochax lyen.

JEREMIA 22:12

Chixe hwome chix kople paokya haxtok to ziüi, ilaxle chixe ija haxtok tamchatle otuechu münngün.”

1 PUKAX-PANGAO 3:15

Josiah ang sasün ali tüikya: Johanan, Jehoiakim, Zedekiah, ilaxle Joahaz.

JEREMIA 21:11

Dawid su-sa hwom, Judah angkya wanghom homkha hato ija kaxho fa angkya Jowanpae ku füi akax: “Jowanpa, kue akax ngokya kax to apalax. Nyixfokya to sukya tsaifün-kaxwüi tüile-ole thüilax. Mixdyen mixbue dyenlale thomkya khünakbu khose koplax. Nange ile chimok thüikoxle, nange mokle ngokya ochaxe ku ang wünchua tuita ningle mongtsik alaiüi ilaxle ija owaechu amüt ang chithoüi.

JEREMIA 36:30

Ikhoma Jowanpae kue nang wanghompa Jehoiakim füi akaxpu: Dawid wangting ma nang sixli owaechu athax füichi ma apün-awangle münchangpu. Nang mang a kothofa to tswonle awütüi ilaxle ikhato ija a anyixningle zanghan to lomüi ilaxle awünningle a nyenti to akongüi.