JEREMIA 22:11 - OTSAO BAIBEL (BSI)

¹¹ Jowanpae Josiah sasün Joahaz, owa hopa man ma Judah nok wanghom ang achangpuix, chix bama thüi: “Chix a tamchichat angkya hanpakma ikha angkya paodaoa.

JEREMIA 22:11 ပူးပေါင်းရင်းမြစ်များ

1 PUKAX-PANGAO 3:15

Josiah ang sasün ali tüikya: Johanan, Jehoiakim, Zedekiah, ilaxle Joahaz.

2 WANGHOMBU 23:34

Wanghompa Neko-e Judah haxtok ma, hopa Josiah man ma chix sasün Eliakim a wanghom ang achang, ilaxle chix mün a Jehoiakim le alüix. Joahaz a Ijip nok to Neko-e kople pao, ilaxle chix a ikhato zi.

2 PUKAX-PANGAO 34:22

Wanghompa kaxtom ma, Hilkiah hia hozui hwom Huldah le amünkya mixcha hato tsaitik-kaxshole chang ang pao. She a Jerusalem tingzün chikao ma ngole tüikya ajenu tuita changkya. (She kakopa Shallum, Tikwah sasün tamchu Harhas susün, chix a Zangshwom-Hom nyi-za to hu-mix changkya.) Chempangle changpuix ibu hwome she hama bakle wünle kox.

2 PUKAX-PANGAO 28:12

Shuakuxchi Wangting ma lompa tüichong hwom mixsün ali, Jehohanan sasün Azariah, Meshillemoth sasün Berekiah, Shallum sasün Jehizkiah, ilaxle Hadlai sasün Amasa hwome chuwüi süpahibu füi ile mokkya to münmüi lüwüi thüi.

2 WANGHOMBU 23:31

Chix Judah nok wanghom ang achang pongma Joahaz a zanglao 23 changkya, ilaxle chixe Jerusalem ma lyetjang azom apün. Chix honu a Hamutal, Libnah tingnu angkya Jerimiah sacha changkya.

2 WANGHOMBU 23:30

Chix nguakax-wangkhobue chix mang man-kanlin kho ma angat laxle Jerusalem to apüi, ilaxle ikhato chix a, wanghom hwom zukting ma akhün. Judah angkya khünaknue Josiah sasün Joahaz to münga füi lile, chix man ma wanghom ang zünle kop.

ZEFANIA 1:1

Ija a, Amon sasün Josiah Judah ma wanghom ang ngopongma, Jowanpa tokhange Zefaniah hato hüikya kaxho. (Wanghompa Hezekiah a wanghompa Amariah, Gedaliah, üntoxle Kushi hwom makhange hüikya changle.)

2 WANGHOMBU 23:29

Josiah wanghom ang ngopongma, Ijip nok wanghompa Neko-e Asiria nok chongwangpa to fong ang Eufrat shuanu to chix süpahibu zunle apüi. Wanghompa Josiah-e Ijip nok süpahibu Megido ma abax ang azong ilaxle ija zanhok ma chix lang.

JEREMIA 22:27

Hünzome ija haxtok tamchatle ngünsele sungüi, ikoxle hünzom ang otuechu chichatüi.”