JEREMIA 22:10 - OTSAO BAIBEL (BSI)

¹⁰ Judah angkya khünaknu, wanghompa Josiah mang taxsopngo; chix zikya mang taxsopngo. Ikoxle chix sasün Joahaz hanpakma zongbakle soplax; hwome chix a tamchiachat angkya hanpakma paole ngole, chixe puxkya haxtok tamchatle chingün angkya hanpakma.

JEREMIA 22:10 ပူးပေါင်းရင်းမြစ်များ

JEREMIA 22:11

Jowanpae Josiah sasün Joahaz, owa hopa man ma Judah nok wanghom ang achangpuix, chix bama thüi: “Chix a tamchichat angkya hanpakma ikha angkya paodaoa.

HWON-NWOT-JAONO 4:2

Zi laxle ka ünkyabu to kue osingle hu; anyix ozün ma tüikyabu füi hwom wüi amüikya.

MANGSOP 4:9

Pongwang ma zan ma maxkyabu wüi ofüima zikyabu füi müikya ang chang, chemthüikoxle hwom a ma ozün ma thom angkya süt chitüi laxle zazele woknuake tix lang.

ISAIA 57:1

Müikya khünaknu zile paole, ikoxle owaechu ija müntik chichangba ija tuitexkya mix tuita chitüi. Ikoxle chemtue hwom zile paopuix, jaopo sikngün chemechu hwom to mak-kha ang chitho.

2 WANGHOMBU 22:20

ilaxle oja sikngün Jerusalem hato ahüi angkya changkya hex, ija a nang mazi tanto münahüi. Kue nang a mongsom ma zi ang tomüi.” Khünaknu a wanghompa Josiah hato ija kaxho füi chat.

KAXHO MÜIKYA LUK 23:28

Ikoxlechu Jisu-e hwom chito hulaxle thüi: “Jerusalem angkya shekobu! Ku hanpakma taxsopngo, ikoxle ma hanpakma ilaxle masu masabu hanpakma soplax.

JEREMIA 22:18

Ifüima, Jowanpae Josiah sasün Jehoiakim, Judah nok wanghom bama akaxle thüi: “Chix zikya bama owachu münsop chichangba, ‘Khompua zadün, zuikhui, khompua zadün!’ le thüiüi. Chix hanpakma owachu mong münma chichangba, ‘Ku Jowanpa! Ku chongwangpa!’

2 PUKAX-PANGAO 36:4

Neko-e Joahaz honao Eliakim a Judah ma wanghom ang achang ilaxle chix mün a Jehoiakim le lüile kox. Joahaz a Neko-e Ijip nok to pao.

JEREMIA 16:7

Owawa mamix zile changpongma owaechu owa füichu mong asom ang hexle tomsax-tomlingle chichangüi. Owaechu chingchajaja ahole chitüiüi. Honu hia hopa max-samle changkya khünak to ngaxchu humele chichangüi.

JEREMIA 25:27

Ipongma Jowanpae ku füi akax: “Ku Israel nok Jowanpa Khüthak Zang-e, tokle hia fatle machang machangle tamchu hwom nguak laxle zo ang chithole machang machangle ling angkya kaxtom koxle le khünaknu hama wünkox, chemthüikoxle kue hwom hato ochax-ozan ahüile ngole.

JEREMIA 28:4

Kue, Jehoiakin sasün Jehoiakin, Judah nok wanghompa chuwüi, Babilon nok to zanda ang kople paothomkya chix khünaknu pangwüi koplaxle ikhato chat ang tomüi. Changle, kue Babilon nok wanghompa tsak-zong pünle ama angkya changpu. Ku, Jowanpae ija kax akaxdaoa.”

JEREMIA 42:18

“Jowanpa, Israel nok Zang-e akaxle, ‘Chemle ku mongtsik-mongma Jerusalem angkya khünakbu ding to thokle adütpuix, ija ningle hünzom Ijip nok to kale jangchang thüiningle ku mongtsik-mongma a hünzom khangkho ma adütüi. Mikngün zongma hünzom a za-adünle tüiüi; khünaknu hünzom chanyi-wanjaile changüi ilaxle hünzom mün a othuak-ozom lom to twonüi. Hünzome ija onui otuechu tamchatle ngün ang münkop.’”

JEREMIA 44:14

Ota toxkya Judah khünak opang Ijip nok ngo ang kapuix, hwom tuita chu paole azang ang chichangba ozün ma ngo ang müntom. Hwom ikhama ngosele tüle sungle changkoxchu hwom opupuchu Judah to chatle münchat. Pünpao tuita hia anyi boma owachu chatle münngui”

EZEKEL 24:16

“Ziün angkya khünak, chakthom tuita fang ma wüi nange mong sükünkya khünak kue paodao angkya changle. Nange ija bama kaxthup-ngaotünle chichangüi, chisopüi chichangba mikfi ti ajenle chichangüi.

2 WANGHOMBU 23:29

Josiah wanghom ang ngopongma, Ijip nok wanghompa Neko-e Asiria nok chongwangpa to fong ang Eufrat shuanu to chix süpahibu zunle apüi. Wanghompa Josiah-e Ijip nok süpahibu Megido ma abax ang azong ilaxle ija zanhok ma chix lang.

JEREMIA 22:27

Hünzome ija haxtok tamchatle ngünsele sungüi, ikoxle hünzom ang otuechu chichatüi.”