JEREMIA 21:6 - OTSAO BAIBEL (BSI)

⁶ Ija tingnu ma ngokya pangwüi kue langüi; khünaknu hia müi tomwüile za-adünkya kak-lak ma zi ang tomüi.

JEREMIA 21:6 ပူးပေါင်းရင်းမြစ်များ

ZEFANIA 1:3

müi-hi-mix pangwüi, o hia nyax pangwüi. Kue chichangchizangle tüikya khünakbu hato düt angkya hanpak apüile faüi. Kue noknusa amütüi, ota tuita chu müntoxüi. Ija Jowanpa kue akaxdaoa.

HOSIA 4:3

Ikhoma haxtok a zanle paoüi, ilaxle ima ngokya pangwüi zile paoüi. Faomüi hia o-jux pangwüi, janyax to lünle zile paoüi.”

EZEKEL 14:21

Jowanpa Khüthak Zang-e akax ngokya kax a ija changle: “Kue khünak hia müibu mik tomwüi amüt ang, Jerusalem hato ku thama akhokya ali ahüiüi: ochax-ozan, otui-onuak, faomüi, ilaxle kaklak, ibu a.

EZEKEL 14:19

“Kue ija haxtok hato okak-olak ahüile jangchang ilaxle ku mongtsiktsik ma khünaknu hia müibu mik amütle khüzün huanuma laxle jangchang,

EZEKEL 14:17

“Chichangba kue ija onok hato ochax-ozan hia thama adün angkya chang-paxbu ahüiüi ilaxle khünak-mixsa hia müi tomwüi olithu ang tomüi.

EZEKEL 14:13

Chixe thüi: “Ziün angkya khünak, Onoke ochax lyen ilaxle ku to mongong thomkya chitüile jangchang, kue ku chak thüiüi ilaxle hwome sütling kop-lole ngokya olom amaüi. Kue hwom hato tuinu-nuaknu ahüiüi ilaxle khünak hia müi tomwüile zi ang tomüi.

JEREMIA 33:12

Jowanpa Khüthak Zang-e thüi: “Ija haxtok oja sak-hax ningle tüipuix, ojongkha ma khünak hia müi chemchu chingo puix, ikhato tamchatle chunnyetpabue hwom chun nyele changtsuak angkya müi fumtsüt nui tüiüi.

JEREMIA 32:24

“Babilon noke tingnu akhople hax thokle atsua ilaxle hwome single ngo. Ochax-ozan, woknuak-tilan hia okak-olak ibue ija tingnu a hwom chak to adün-saxpu. Nange chem akaxpuix ibu pangwüi changle ngaikya nange ngün ang kople.

ISAIA 6:11

Kue atüi: “Ija, iningle chemtukux changle ngoüi?” Chixe lan: “Tingnu maxlaxle tamting ang machang tanto: chaxwan longkho jaojao owachu chingokya nuiting ang achangle awütle matox tanto, ile ngoüi.

KAXHO MÜIKYA LUK 21:24

Üntoxle hwom züizüi chang ma maxüi; hwom züizüi kop laxle pangnu chaxwan to paoüi. Üntoxle mixnok hanpak ma-ashuk ma-ashukle Jerusalem to mixnok cha füi naküi.

MIKA 3:12

Üntoxle hünzom kho-khoma Zaion haxtok a ti hax mokya ningle moüi, Jerusalem a homtsyen-pungmang athünkyae awangle changüi, ilaxle Zangshwom-Hom a faokha ang achangüi.

EZEKEL 33:29

Chemtue kue hwom ochaxbu khoma khünaknu to sikangünle tamchu chaxwan a chilaxle haxtok ang awütle changüihex, izuma hwome ku a Jowanpa changpule awan ang kopüi.”

EZEKEL 33:27

“Ku chemle khochisamle ozün ma ngokya Jowanpa Khüthak Zang hex, ija ningle pünle amadaokya tingnubu ma ngole tüikya khünakbu a khochisamle mik max ang tom angkya changpu lekya ku kaxkhün hwom ang fakox. Tingnu tokna to tüikyabu a faomüibue saxüi. Haxnukho hia longkunbu to azwonle ngokyabu a okak-olak ma ziüi.

EZEKEL 12:16

Kue hwomkha angkya züizüi a zan chak tokya, tuinuak chak tokya, tamchu kaklakbu chak tokya azangle chang ang tomüi, ikoxle tix hwom mwot chemtukuxkya zangkop mwotbu changdaopuixle ikha mixnok chaxwan to awanle lax ang tomüi ilaxle ku a Jowanpa changpule awanle laxüi.”

EZEKEL 7:15

Tingjang lomnu to achyet-amüikya, ilaxle homkha ma kaklak hia woknuak tüile ngo. Tatok to paole asukyabu a zan ma maxüi, ilaxle tingnu mong ma asukyabu a okak-olak hia woknuak shoma ma womüi.

JEREMIA 42:22

Idaile hünzome ija mong ma koplax: hünzom a hünzom kalaxle ngokya haxtok to ochax-ozan chichangba woknuak-tilan chichangba okak-olak, ibu chak ma ziüi.”

JEREMIA 36:29

Wanghompa füi akax angkya kax ija Jowanpae ku füi akax: “Nange laitün a zokle ashundaoa, ilaxle Babilon nok wanghompa nguilaxle ija haxtok pün-pakle ama angkya ilaxle ima tüikya khünaknu hia müi pangwüi langle awüt angkya chixe chemkhoma zapule Jeremia ma atüidaoa.

JEREMIA 34:17

Ikhoma athax, Jowanpa, kue akaxle ngopu, hünzome ku kax ma chilaxle changdaoa; hünzome Israel khünak noknusa ang mongtex ma ngo ang pan-danle münchang. Müihule, athax kue hünzom a mongtex pankya faüi: zanhok ma, okak-olak ma tamchu woknuak-tilan ma hünzom a mongtextex ma mik max ang tomüi. Kue hünzom to chemle mokpuix ija ngünlaxle chaxwannu nok pangwüi abütle chang ang tomüi.

JEREMIA 14:12

Hwome chisax-chilingle atsaole zangjop koxle ngaxchu, hwome asun hüile sopkya zing to kue na müntha; ilaxle hwome ku ang zokle ashunkya to hia saxziak to, ibu koxle changkoxchu, ku ang hwom füi otuechu mong münmüi. Itülüi, kue zanhok ma tamchu woknuak hia kak-lak ma hwom mik max ang tomüi.”

JEREMIA 7:20

Ikhoma ku, Jowanpa Khüthak Zang-e za-adünkya ku mongtsik ija Zangshwom-Homnu ding ma thoküi. Kue ija khünakbu hia müibu ding ma tomwüi thokle adütüi, ilaxle pünzua hia tsaxsa-hikhabu pangwüi ding ma thoküi. Ku mongtsik a owaechu amüt ang chithokya wünnu ningle changüi.

PONGWANG LAIPEX 6:7

chixe thüi: “Kue zingle alaikya khünak ibu kue bakle amütüi. Müi-nyax hia o-juxbu su-sa wüi amütüi, chemthüikoxle ibu pangwüi zingle alaikya bama ku ang mongmale.”

JEREMIA 16:4

Hwome khompua-zadünkya kaknu-laknu ma zile paoüi, ilaxle owaechu hwom mang münsop chichangba münakhün. Hwom mangbu a haxkha to haxzao thokle athünkya ningle thomüi. Hwom a zan ma maxüi chichangba woknuak ma maxüi, ilaxle hwom mangbu a osabu hia faomüibu süt ang changüi.

JEREMIA 20:4

Jowanpa chixjao-e ku ang akaxdaoa, ‘Nang a, nang hanpakma ilaxle zuikhuibu hanpakma tuita tuwuk ang achangüi, ilaxle nange hwom pangwüi zan nok changlobu chak fang ma lamkya ngünüi. Judah angkya khünaknu kue Babilon wanghom chak to kox angkya changpu; chixe züizüi a chix chaxwan to zanda ang koplaxle paoüi ilaxle mamabu a langle toxüi.